ព័ត៌មាន
នាយករដ្ឋមន្រ្តីវៀតណាមលោក Nguyen Xuan Phuc អញ្ជើញជួបពិភាក្សា ការងារជាមួយនាយករដ្ឋមន្រ្តីឡាវលោក Thongloun Sisoulith
នាយករដ្ឋមន្រ្តីរដ្ឋាភិបាលវៀតណាមលោក Nguyen Xuan Phuc (ខាងស្ដាំ) និងនាយករដ្ឋមន្រ្តីរដ្ឋាភិបាលឡាវលោក Thongloun Sisoulith។ (រូបថត៖ VGP)
តាមការអញ្ជើញរបស់នាយករដ្ឋមន្រ្តីរដ្ឋាភិបាលវៀតណាមលោក Nguyen Xuan Phuc នាថ្ងៃទី៥ ខែកក្កដា នាយករដ្ឋមន្រ្តីរដ្ឋាភិបាលឡាវលោក Thongloun Sisoulith ដឹកនាំគណៈប្រតិភូជាន់ខ្ពស់រដ្ឋាភិបាលឡាវ បាន អញ្ជើញមកបំពេញទស្សនកិច្ចជាផ្លូវការនៅវៀតណាមចាប់ពីថ្ងៃទី៥ដល់ថ្ងៃទី៦ កក្កដា។
នារសៀលថ្ងៃទី៥ ខែកក្កដា ឆ្នាំ២០២០ នាយករដ្ឋមន្រ្តីនៃប្រទេសទាំងពីរបាន អញ្ជើញចូលរួមជំនួបពិភាក្សាការងារដោយផ្ទាល់។
ក្នុងជំនួបនេះ លោកនាយករដ្ឋមន្រ្តីឡាវ Thongloun Sisoulith បាន វាយតម្លៃខ្ពស់ចំពោះរាល់សមិទ្ធិដ៏ធំធេងដែលប្រជាជនវៀតណាមសម្រេចបានក្នុងបុព្វហេតុកសាង អភិវឌ្ឍប្រទេសជាតិនិងធ្វើសមា ហរណកម្មអន្តរ ជាតិ ជាពិសេសគឺការអនុវត្តប្រកបដោយប្រសិទ្ធភាពនូវគោលដៅ២ដើរ ទន្ទឹមគ្នា ដោយ “ប្រយុទ្ធប្រឆាំងជម្ងឺរាតត្បាតផងនិងអភិវឌ្ឍសេដ្ឋកិច្ចសង្គម ទៀតផង” ដែលទទួលបានការស្ងើចសរសើររបស់សហគមន៍អន្តរជាតិ។ លោកនាយករដ្ឋមន្រ្តីបានអះអាងថា ឡាវនឹងបន្តគាំទ្រវៀតណាមក្នុងឋានៈ ជាប្រធានអាស៊ានឆ្នាំ២០២០។
ក្នុងឱកាសនេះដែរ ភាគីទាំងពីរបានផ្លាស់ប្ដូរមតិស្ដីពីបញ្ហាតំបន់និង អន្តរជាតិខ្លះទៀតដែលមានការយកចិត្តទុកដាក់ដូចគ្នា ហើយឯកភាពបន្ត សហប្រតិបត្តិការគ្នាយ៉ាងស្អិតរមួតក្នុងក្របខ័ណ្ឌវេទិកាតំបន់នានាដូចជា អាស៊ាន យន្តការអនុតំបន់ និងនៅអង្គការសហប្រជាជាតិ។ ប្រទេសទាំងពីរ ក៏បានសង្កត់ធ្ងន់ទៅលើសារសំខាន់នៃការរក្សាសន្តិភាព ស្ថិរភាព និងការ យកច្បាប់ជាគោលផងដែរ៕
តាម VOV5 - វិទ្យុសំឡេងវៀតណាម