• Vietnamese
    កាសែតរូបភាពវៀតណាមជាភាសាវៀតណាម
  • English
    កាសែតរូបភាពវៀតណាមជាភាសា អង់គ្លេស
  • Français
    កាសែតរូបភាពវៀតណាមជាភាសាបារាំង
  • Español
    កាសែតរូបភាពវៀតណាមជាភាសា អេស្ប៉ាញ
  • 中文
    កាសែតរូបភាពវៀតណាមជាភាសាចិន
  • Русский
    កាសែតរូបភាពវៀតណាមជាភាសារុស្ស៊ី
  • 日本語
    កាសែតរូបភាពវៀតណាមជាភាសាជប៉ុន
  • ລາວ
    កាសែតរូបភាពវៀតណាមជាភាសា ឡាវ
  • 한국어
    កាសែតរូបភាពវៀតណាមជាភាសាកូរ៉េ

ព័ត៌មាន

នាយករដ្ឋមន្រ្តីលោក Nguyen Xuan Phuc អញ្ជើញទទួលជួប​ជាមួយ​ឯកអគ្គរដ្ឋទូតឡាវប្រចាំ​នៅវៀតណាម មកជំរាបលាបញ្ជាប់​បេសកកម្មការ​ទូត​


 នាយករដ្ឋមន្រ្តីលោក Nguyen Xuan Phuc អញ្ជើញទទួលជួបជាមួយឯកអគ្គរដ្ឋទូតឡាវប្រចាំនៅវៀតណាមមកជំរាបលាបញ្ជាប់បេសកកម្មការទូត
 

នា​ថ្ងៃទី​៩ ខែតុលា ឆ្នាំ២០១៩​ នៅទីស្នាក់ការរដ្ឋា ភិបាល លោកនាយករដ្ឋមន្រ្តីវៀតណាម  Nguyen Xuan Phuc បាន​ទទួលជួបជាមួយលោក Thongsavanh Phomvihane ឯកអគ្គរដ្ឋទូតឡាវដើម្បីមកជម្រាបលា បញ្ចប់​នៃ​​អាណត្តិ​បេសក​កម្មការទូតរបស់លោកនៅវៀតណាម។
 
នៅក្នុងជំនួប​នេះ លោកនាយករដ្ឋមន្រ្តី Nguyen Xuan Phuc បានវាយតម្លៃខ្ពស់ ចំពោះ​ការខិត​ខំប្រឹង​ប្រែង​របស់​លោកឯកអគ្គរដ្ឋទូតឡាវ ក្នុងការបំពេញតួនាទីជាស្ពានដើម្បី​តភ្ជាប់​ចំណង​សាមគ្គីភាព​ពិសេស​និង​កិច្ច​សហប្រតិ​បត្តិការលើគ្រប់ជ្រុងជ្រោយរវាងវៀតណាមនិងឡាវ។ ទាក់ទងនឹងកិច្ច​សហប្រតិ​បត្តិការ​រវាង​ប្រទេស​ទាំង​ពីរ​ លោកនាយករដ្ឋមន្រ្តីមានប្រសាសន៍ថា នៅតែមានបញ្ហាជាច្រើនដែលត្រូវការ ការ យកចិត្ត​ទុក​ដាក់​ដើម្បី​ជំរុញ​កិច្ចសហប្រតិបត្តិការ ក្នុងនោះមានកិច្ចសហប្រតិបត្តិការសេដ្ឋកិច្ច កំណើនសេដ្ឋកិច្ចពាណិជ្ជកម្ម រួមទាំង​គម្រោង​សំខាន់ៗ ទៀតផង។
 
ដោយវាយ​តម្លៃអំពីស្ថានភាពពិភពលោកនិងក្នុងតំបន់ ក្នុងនោះមានបញ្ហា​សមុទ្រ​ខាង​កើត​ដែល​កំពុង​ប្រែប្រួ​ល​យ៉ាង​ស្មុគ្រស្មាញនិងមិនអាចទាយទុកបានមុននោះ លោកនាយករដ្ឋមន្រ្តីវៀតណាមបានមានប្រសាសន៍ថា ប្រទេស​ទាំងពីរចាំបាច់ត្រូវពង្រឹងសាមគ្គីភាពនិងការសម្របសម្រួលយ៉ាងជិតស្និទ្ធនៅក្នុងវេទិកានានា ទាំងតំបន់​និងអន្តរជាតិ; ជាពិសេសនៅក្នុងក្របខ័ណ្ឌនៃកិច្ចសហប្រតិបត្តិការរបស់សមា គមប្រជា​ជាតិ​អាស៊ីអាគ្នេយ៍​ (អាស៊ាន) ក៏ដូចជា ខិតខំចូលរួម​ចំណែក​ថែរក្សា​បរិស្ថាន​ប្រកប​ដោយ​សន្តិភាព​និង​ស្ថេរភាព​សម្រាប់​ការអភិវឌ្ឍន៍​។ ទន្ទឹមនឹងនោះ ​គឺការរក្សា​ជំហរនិង​សំឡេង​រួមរបស់​អាស៊ាន​នៅក្នុង​បញ្ហា​សំខាន់​ៗ​សម្រាប់​តំបន់ រួមទាំងសមុទ្រខាងកើតតែម្តង។ លោកនាយករដ្ឋមន្រ្តីបានស្នើឱ្យប្រទេសឡាវ បន្តគាំទ្រ​និង​សហប្រតិ​បត្តិការ នៅពេលដែលវៀតណាមកាន់តួនាទីជាប្រធានអាស៊ានឆ្នាំ ២០២០ និងជាសមាជិក​មិន​អចិន្រ្តៃយ៍​នៃក្រុម​ប្រឹក្សាសន្តិសុខអង្គការសហប្រជាជាតិ សម្រាប់អាណត្តិ ២០២០​-២០២១។
 
រីឯខ្លួន​វិញឯកអគ្គរដ្ឋទូតឡាវ លោក Thongsavanh Phomvihane បានអះអាងថា លោក​តែង​តែ​ខិត​ខំរួម​ចំណែក​ក្នុង​ការថែរក្សាទំនាក់ទំនងល្អរវាងវៀតណាមនិងឡាវ ស្របតាមការរំពឹងទុក​របស់​ថ្នាក់​ដឹក​នាំ​និង​ប្រជាជន​នៃប្រទេស​ទាំងពីរ៕​

 

តាម VOV5 - វិទ្យុសំឡេងវៀតណាម​
 

នាយករដ្ឋមន្ត្រី លោក Pham Minh Chinh អញ្ជើញទទួលជួបប្រធានក្រុមមិត្តភាពសភាប្រេស៊ីល-វៀតណាម ថ្លែងនៅក្រសួងការបរទេសប្រេស៊ីល

នាយករដ្ឋមន្ត្រី លោក Pham Minh Chinh អញ្ជើញទទួលជួបប្រធានក្រុមមិត្តភាពសភាប្រេស៊ីល-វៀតណាម; ថ្លែងនៅក្រសួងការបរទេសប្រេស៊ីល

ក្នុងក្របខ័ណ្ឌនៃដំណើរទស្សនកិច្ចជាផ្លូវការនៅប្រេស៊ីល នារសៀលថ្ងៃទី២៥ ខែកញ្ញា ឆ្នាំ២០២៣ (ម៉ោងក្នុងស្រុក) នៅរដ្ឋធានី Brasilia នាយករដ្ឋមន្ត្រី លោក Pham Minh Chinh បានអញ្ជើញទទួលជួបប្រធានក្រុមមិត្តភាពសភាប្រេស៊ីល-វៀតណាម លោក Márcio Honaiser និងសមាជិកសភាផ្សេងទៀតជាសមាជិក។

Top