• Vietnamese
    កាសែតរូបភាពវៀតណាមជាភាសាវៀតណាម
  • English
    កាសែតរូបភាពវៀតណាមជាភាសា អង់គ្លេស
  • Français
    កាសែតរូបភាពវៀតណាមជាភាសាបារាំង
  • Español
    កាសែតរូបភាពវៀតណាមជាភាសា អេស្ប៉ាញ
  • 中文
    កាសែតរូបភាពវៀតណាមជាភាសាចិន
  • Русский
    កាសែតរូបភាពវៀតណាមជាភាសារុស្ស៊ី
  • 日本語
    កាសែតរូបភាពវៀតណាមជាភាសាជប៉ុន
  • ລາວ
    កាសែតរូបភាពវៀតណាមជាភាសា ឡាវ
  • 한국어
    កាសែតរូបភាពវៀតណាមជាភាសាកូរ៉េ

ព័ត៌មាន

នាយករដ្ឋមន្ត្រី លោក Pham Minh Chinh ធ្វើការជាមួយទីក្រុងហូជីមិញអំពីការជំរុញការអភិវឌ្ឍសេដ្ឋកិច្ចសង្គមក្រោយជំងឺរាតត្បាត

នារសៀលថ្ងៃទី២៧ ខែវិច្ឆិកា នៅទីស្នាក់ការគណៈ កម្មាធិការប្រជាជនទីក្រុងហូជីមិញ នាយករដ្ឋមន្ត្រីវៀតណាម លោក Pham Minh Chinh បានអញ្ជើញជួបធ្វើការជាមួយថ្នាក់ដឹកនាំជាន់ខ្ពស់ទីក្រុងអំពីភារកិច្ចអភិវឌ្ឍន៍សេដ្ឋកិច្ចសង្គម ការបើកចំណាយទុនវិនិយោគសាធារណៈ និងវឌ្ឍនភាពក្នុងការអនុវត្តគម្រោងសំខាន់ៗ។
 នាយករដ្ឋមន្ត្រី Pham Minh Chinh ជាមួយថ្នាក់ដឹកនាំសំខាន់ៗនៃទីក្រុងហូជីមិញ។ រូបថត៖ Duong Giang-VNA

ថ្លែងមតិក្នុងជំនួបនេះ នាយករដ្ឋមន្ត្រី លោក Pham Minh Chinh បានលើកច្បាស់ថា ធ្លាប់ជាតំបន់ដែលរងការខូចខាតយ៉ាងធ្ងន់ធ្ងរបំផុតដោយសារជំងឺរាតត្បាតកូវីដ-១៩ ប៉ុន្តែរហូតមកដល់ពេលនេះ ស្ថានភាពសេដ្ឋកិច្ចសង្គមនៅទីក្រុងហូជីមិញ ទទួលបានលទ្ធផលគួរឲ្យភ្ញាក់ផ្អើល។ តាមនោះ ផលិតផលក្នុងមូលដ្ឋានសរុប (GRDP) ក្នុងឆ្នាំ ២០២២ ត្រូវបានប៉ាន់ប្រមាណថា នឹងកើនឡើងជាង ៩% និងលើសពីផែនការដែលបានដាក់ចេញ (ផែនការឆ្នាំ ២០២២ គឺ ៦-៦,៥%)។ សន្ទស្សន៍ផលិតកម្មឧស្សាហកម្ម (IIP) ត្រូវបានប៉ាន់ប្រមាណថា នឹងកើនឡើង ១៧,៣% បើធៀបនឹងរយៈពេលដូចគ្នា; ការនាំចេញទំនិញសរុប ត្រូវបានប៉ាន់ប្រមាណថា សម្រេចបានចំនួន ៤៩,៥ ពាន់លានដុល្លារអាមេរិក កើនឡើង ១០,៣% បើធៀបនឹងរយៈពេលដូចគ្នាកាលពីឆ្នាំមុន។ យោងតាមនាយករដ្ឋមន្ត្រី លោក Pham Minh Chinh ទីក្រុងហូជីមិញបានរួមចំណែកយ៉ាងសំខាន់ទៅក្នុងសមិទ្ធិផលរួមរបស់ប្រទេសជាតិ រួមចំណែកក្នុងការរក្សាស្ថិរភាពម៉ាក្រូសេដ្ឋកិច្ច និងការគ្រប់គ្រងអតិផរណា។

ទាក់ទិននឹងភារកិច្ចនាពេលខាងមុខ លោកនាយករដ្ឋមន្ត្រីបានសង្កត់ធ្ងន់ថា មានកិច្ចការជាច្រើនដែលត្រូវដោះស្រាយ ដើម្បីជួយទ្រទ្រង់និងបង្កលក្ខខណ្ឌសម្រាប់ទីក្រុងហូជីមិញអភិវឌ្ឍន៍ ប៉ុន្តែត្រូវជ្រើសរើសចំណុចមួយចំនួនដែលត្រូវដោះស្រាយជាមុនសិន។ នោះគឺការបើកចំណាយទុន វិនិយោគសាធារណៈ។ រដ្ឋាភិបាលនឹងបន្តរួមដំណើរជាមួយទីក្រុងហូជីមិញ ដើម្បីដោះស្រាយការលំបាកក្នុងការបើកចំណាយទុនវិនិយោគសាធារណៈ ហើយរួមជាមួយទីក្រុងដើម្បីនាំប្រភពធនធាននេះ ចូលបម្រើការអភិវឌ្ឍសេដ្ឋកិច្ចសង្គមនៃទីក្រុងក៏ដូចជាប្រទេសជាតិទាំងមូលផងដែរ៕

តាម​ VOV5 - វិទ្យុសម្លេងវៀតណាម

រដ្ឋមន្ត្រីការបរទេស លោក Bui Thanh Son៖ អាស៊ានត្រូវរក្សា ជំរុញការកសាងទំនុកចិត្ត និងសាមគ្គីភាព

រដ្ឋមន្ត្រីការបរទេស លោក Bui Thanh Son៖ អាស៊ានត្រូវរក្សា ជំរុញការកសាងទំនុកចិត្ត និងសាមគ្គីភាព

ថ្លែងមតិក្នុងសន្និសីទ លោករដ្ឋមន្ត្រី Bui Thanh Son បានសង្កត់ធ្ងន់ថា អាស៊ានចាំបាច់ត្រូវរក្សា និងជំរុញការកសាងទំនុកចិត្ត និងសាមគ្គីភាព ភាពជឿជាក់លើខ្លួនឯង ភាពបត់បែន ការសម្របខ្លួន ការពង្រឹងធនធានផ្ទៃក្នុង និងលើកកំពស់តួនាទីជាមជ្ឈភាពរបស់ខ្លួន។

Top