ក្នុងជំនួបនេះ លោកនាយករដ្ឋមន្ត្រីបានវាយតម្លៃខ្ពស់ចំពោះការរួមចំណែកវិជ្ជមានរបស់ឯកអគ្គរដ្ឋទូត ភារធារី និងបណ្តាស្ថានទូតក្នុងការអភិវឌ្ឍទំនាក់ទំនងរវាងវៀត ណាមនិងប្រទេសអាស៊ាន។ លោកបានបញ្ជាក់ថា វៀតណាមបន្តផ្តល់អាទិភាពដល់ទំនាក់ទំនងជាមួយប្រទេសជិតខាងនិងតំបន់ ក៏ដូចជាមានការយកចិត្តទុកដាក់ចំពោះតួនាទី និងឋានៈរបស់អាស៊ានក្នុងការអនុវត្តគោលនយោបាយការបរទេសរបស់ខ្លួន។ លោកនាយករដ្ឋមន្ត្រីបានសង្កត់ធ្ងន់ថា វៀតណាមមានបំណងធ្វើឲ្យស៊ីជម្រៅថែមទៀតនូវទំនាក់ទំនងពាណិជ្ជកម្ម និងការវិនិយោគក្នុងអាស៊ាន; ជំរុញសេដ្ឋកិច្ចឌីជីថល វិទ្យាសាស្ត្រ បច្ចេកវិទ្យា និងនវានុវត្តន៍។ ពង្រឹងការតភ្ជាប់ហេដ្ឋារចនាសម្ព័ន្ធ ថាមពល និងការផ្លាស់ប្តូរប្រជាជន និងប្រជាជន ដោយធានាថា សហគមន៍អាស៊ានអភិវឌ្ឍប្រកបដោយបរិយាប័ន្ន ចីរភាព និងយកប្រជាជនជាមជ្ឈភាព។
ក្នុងនាមឯកអគ្គរដ្ឋទូត និងភារធារីនៃប្រទេសអាស៊ានប្រចាំនៅវៀតណាម លោកឯកអគ្គរដ្ឋទូតហ្វីលីពីន Francisco Noel R. Fernandez III បានវាយតម្លៃខ្ពស់ចំពោះតួនាទីរបស់វៀតណាមក្នុងការលើកកម្ពស់សន្តិភាព ស្ថិរភាព និងវិបុលភាពក្នុងតំបន់ ហើយបានអបអរសាទរចំពោះភាពជោគជ័យនៃវេទិកាអនាគតអាស៊ានឆ្នាំ២០២៦ និងបានសន្យាគាំទ្រជាបន្ត ចំពោះគំនិតផ្តួចផ្តើមរបស់វៀតណាម។ ប្រទេសអាស៊ានក៏បានសម្តែងបំណងប្រាថ្នាចង់ពង្រឹងពាណិជ្ជកម្ម ការវិនិយោគ និងសហការជាមួយវៀតណាមក្នុងការអភិវឌ្ឍសេដ្ឋកិច្ចសង្គម និងលើកកម្ពស់ជីវភាពរស់នៅរបស់ប្រជាជន៕
