ព័ត៌មាន
នាយករដ្ឋមន្ត្រីវៀតណាម លោក Nguyen Xuan Phuc អញ្ជើញចូលរួមសន្និសីទពន្លឿនការវិនិយោគនៅខេត្ត Kien Giang
នាយករដ្ឋមន្ត្រី លោក Nguyen Xuan Phuc អញ្ជើញចូលរួមសន្និសីទពន្លឿនការវិនិយោគនៅខេត្ត Kien Giang (រូបថត៖ VGP)
នាថ្ងៃទី២៩ ខែកក្កដា ឆ្នាំ២០១៩ នៅទីក្រុង Rach Gia (ខេត្ត Kien Giang ភាគខាងត្បូងវៀតណាម) នាយករដ្ឋមន្ត្រីវៀតណាម លោក Nguyen Xuan Phuc បានអញ្ជើញចូលរួមសន្និសីទស្តីពីពន្លឿនការវិនិយោគនៅខេត្ត Kien Giang ឆ្នាំ ២០១៩ ក្រោមប្រធានបទ “Kien Giang - សក្តា នុពល ឱកាសវិនិយោគនិងការអភិវឌ្ឍន៍ប្រកបដោយចីរភាព”។
ចូលរួមសន្និសីទនេះ នៅមានប្រតិភូជិត ៥០០ នាក់ ដែលរួមមានទាំងថ្នាក់ដឹកនាំក្រ សួង ស្ថាប័ននិងមូលដ្ឋាននានា រួមទាំងវត្តមានរបស់សហគ្រាសក្នុងនិងក្រៅប្រទេសផងដែរ។ សន្និសីទនេះត្រូវបានរៀបចំឡើងដោយគោលបំណង ណែនាំនិងអំពាវនាវវិនិយោគិនមកស្វែងយល់ពីឱកាសសម្រាប់គម្រោងចំនួន ១១៨ នៅក្នុងវិស័យទេសចរណ៍ កសិកម្ម បច្ចេកវិទ្យាខ្ពស់ ផលិតកម្មឧស្សាហកម្មនិងបរិស្ថានជាដើម។សូមជម្រាបថា ខេត្ត Kien Giang មានឧត្តមភាពដែលជាទីក្រុងឆ្នេរសមុទ្រ មានបេតិកភណ្ឌវប្បធម៌យូរអង្វែងជាច្រើន មានទេសភាពពិសេសនិងមានតំបន់សមុទ្រដ៏ធំដោយមានកោះជាង ១០០ទៀត។ ចាប់តាំងពីឆ្នាំ ២០១៥ មក ខេត្ត Kien Giang បានផ្តោតលើការអភិវឌ្ឍន៍កោះ Phu Quoc តាមរយៈការវិនិយោគលើហេដ្ឋារចនាសម្ព័ន្ធ ការដឹកជញ្ជូននិងអភិវឌ្ឍន៍ធនធានមនុស្សទេសចរណ៍។ ទន្ទឹមជាមួយគ្នានោះ ខេត្តក៏កំពុងជំរុញការធ្វើងាយស្រួលបនីយកម្មនូវបែបបទរដ្ឋបាល បំពេញក្របខ័ណ្ឌច្បាប់ និងកែលម្អបរិ យាកាសវិនិយោគអាជីវកម្ម។ ជាមួយគ្នានេះដែរ ខេត្តក៏បានជំរុញការបញ្ចប់ការកសាងផែនការ បង្កើតគោលនយោបាយអនុគ្រោះ និងលើកកំពស់ហេដ្ឋារចនាសម្ព័ន្ធដឹកជញ្ជូនផងដែរ៕
តាម VOV5 - វិទ្យុសំឡេងវៀតណាម
