នាថ្ងៃទី ៧ ខែតុលា ឆ្នាំ២០១៨ នាយករដ្ឋមន្ត្រីវៀតណាមលោក Nguyen Xuan Phuc និងភរិយាបានអញ្ជើញចាប់ផ្តើមដំណើរទៅកាន់ទីក្រុងតូក្យូប្រទេសជប៉ុន ដើម្បីចូលរួមកិច្ចប្រជុំកំពូលមេគង្គ - ជប៉ុនលើកទី១០និងធ្វើទស្សនកិច្ចនៅប្រទេសជប៉ុន។

នាយករដ្ឋមន្ត្រីវៀតណាមចាប់ផ្តើមដំណើរចូលរួមកិច្ចប្រជុំកំពូលមេគង្គ - ជប៉ុន
លើកទី ១០ និងធ្វើទស្សនកិច្ចប្រទេសជប៉ុន

កិច្ចប្រជុំកំពូលមេគង្គ - ជប៉ុនក្នុងឆ្នាំ ២០១៨នេះ បានគូសសញ្ញាខួបលើកទី ១០ នៃការបង្កើតនិងការអភិវឌ្ឍយន្តការសហប្រតិបត្តិការមេគង្គ - ជប៉ុននិងរយៈពេល ៣ ឆ្នាំនៃការអនុវត្តយុទ្ធសាស្ត្រទីក្រុងតូក្យូឆ្នាំ២០១៥។
គណៈប្រតិភូវៀតណាមចូលរួមកិច្ចប្រជុំនេះ សំដៅអះអាងនូវការសន្យាចំពោះយន្តការសហប្រតិបត្តិការនេះ និងរួមចំណែកដាក់ចេញទិសដៅក៏ដូចជាវិធានការសម្រាប់លើកកម្ពស់កិច្ចសហប្រតិបត្តិការ នាពេលខាងមុខ។

ក្នុងឱកាសនេះនាយករដ្ឋមន្ត្រីវៀតណាមលោក Nguyen Xuan Phuc នឹងអញ្ជើញទៅបំពេញទស្សនកិច្ចនៅប្រទេសជប៉ុន។ ដំណើរទស្សនកិច្ចនេះបានធ្វើឡើងនៅក្នុងឱកាសពិសេសនៃពោលគឺស្របពេលប្រទេសទាំងពីរបាន​អបអរសាទរខួបលើកទី ៤៥ នៃការបង្កើតទំនាក់ទំនងការទូត។ គោលបំណងនៃដំណើរទស្សនកិច្ចនេះគឺដើម្បីធ្វើឱ្យស៊ីជម្រៅថែមទៀតនូវភាពជាដៃគូយុទ្ធសាស្រ្តបើកទូលាយរវាងវៀតណាមនិងជប៉ុនដែលកំពុងអភិវឌ្ឍ​យ៉ាងសកម្មក្នុងគ្រប់វិស័យ រួមចំណែកដល់ការពង្រឹងជំនឿទុកចិត្តនយោបាយរវាងប្រទេសទាំងពីរ៕

តាម VOV5 - វិទ្យុសម្លេងវៀតណាម