នាយករដ្ឋមន្ត្រី លោក ហ្វាម មិញ ជិញ អញ្ជើញចូលរួមវេទិកាសេដ្ឋកិច្ចទីក្រុងហូជីមិញ ឆ្នាំ ២០២៤ (រូបថត៖ VOV)

ក្នុងវគ្គបើកនៅព្រឹកនេះ គណៈប្រតិភូបានផ្តោតការពិភាក្សាលើប្រធានបទដូចជា៖ និន្នាការចម្បងអំពីការផ្លាស់ប្តូរឧស្សាហកម្មនៅលើពិភពលោក; អភិបាលកិច្ចប្រព័ន្ធអេកូឡូស៊ី និងគោលនយោបាយជំរុញការផ្លាស់ប្តូរឧស្សាហកម្ម; យុទ្ធសាស្ត្រផ្លាស់ប្តូរទីក្រុងហូជីមិញ ក្នុងបរិបទនៃទំនាក់ទំនងក្នុងតំបន់និងអន្តរជាតិ និងនិន្នាការបច្ចេកវិទ្យាថ្មី; តួនាទីនៃមជ្ឈមណ្ឌលសម្រាប់បដិវត្តន៍ឧស្សាហកម្ម ៤.០ (C4IR) នៅក្នុងទីក្រុងហូជីមិញ ផ្សាភ្ជាប់ជាមួយការផ្លាស់ប្តូរឧស្សាហកម្ម។ នាព្រឹកមិញនេះផងដែរ លោកនាយករដ្ឋមន្ត្រីបានអញ្ជើញចូលរួមក្នុងពិធីសម្ពោធមជ្ឈមណ្ឌលសម្រាប់បដិវត្តន៍ឧស្សាហកម្មលើកទី៤ (C4IR) នៅឧទ្យានបច្ចេកវិទ្យាខ្ពស់ និងជួបស្ថាបនិកអាជីវកម្មនៅឯវេទិកានេះ។

នារសៀលថ្ងៃដដែល នាយករដ្ឋមន្ត្រីលោក ហ្វាម មិញ ជិញនិងតំណាងក្រសួង ស្ថាប័ននានាបានជួបពិភាក្សាអំពីគោលនយោបាយជាមួយអង្គភាពអាជីវកម្ម និងមូលដ្ឋានដើម្បីដោះស្រាយការរាំងស្ទះពីតម្រូវការជាក់ស្តែងរបស់អង្គភាពអាជីវកម្ម និងមូលដ្ឋាន។ ពីទីនោះ រួមចំណែកក្នុងការបង្កើតគោលនយោបាយគាំទ្រធុរកិច្ច ដោះស្រាយឧបសគ្គ ពន្លឿនដំណើរការរៀបចំគោលនយោបាយរបស់បក្ស និងរដ្ឋាភិបាល ស្តីពីឧស្សាហូបនីយកម្ម ទំនើប ភាវូបនីយកម្ម ការផ្លាស់ប្តូរឌីជីថល និងកំណើនសេដ្ឋកិច្ចបៃតង... ជួយឱ្យការផ្លាស់ប្តូរឧស្សាហកម្មប្រកបដោយជោគជ័យ៕