• Vietnamese
    កាសែតរូបភាពវៀតណាមជាភាសាវៀតណាម
  • English
    កាសែតរូបភាពវៀតណាមជាភាសា អង់គ្លេស
  • Français
    កាសែតរូបភាពវៀតណាមជាភាសាបារាំង
  • Español
    កាសែតរូបភាពវៀតណាមជាភាសា អេស្ប៉ាញ
  • 中文
    កាសែតរូបភាពវៀតណាមជាភាសាចិន
  • Русский
    កាសែតរូបភាពវៀតណាមជាភាសារុស្ស៊ី
  • 日本語
    កាសែតរូបភាពវៀតណាមជាភាសាជប៉ុន
  • ລາວ
    កាសែតរូបភាពវៀតណាមជាភាសា ឡាវ
  • 한국어
    កាសែតរូបភាពវៀតណាមជាភាសាកូរ៉េ

ព័ត៌មាន

ទីក្រុង Da Nang បង្កើតមជ្ឈមណ្ឌលស្រាវជ្រាវ និងបណ្តុះបណ្តាលរចនាមីក្រូឈីប និងបញ្ញាសិប្បនិម្មិត

នៅព្រឹកថ្ងៃទី២៦ ខែមករា ឆ្នាំ២០២៤ ទីក្រុង Da Nang បានប្រកាសសេចក្តីសម្រេចបង្កើតមជ្ឈមណ្ឌលស្រាវជ្រាវនិងបណ្តុះបណ្តាលរចនាមីក្រូឈីប និងបញ្ញាសិប្បនិម្មិត Da Nang (មជ្ឈមណ្ឌល DSAC) ។ ដូច្នេះ Da Nang គឺជាមូលដ្ឋានដំបូងគេដែលបានបង្កើតមជ្ឈមណ្ឌលរចនាមីក្រូឈីបនិងបញ្ញាសិប្បនិម្មិត។
ប្រធានគណៈកម្មាធិការប្រជាជនទីក្រុង Da Nang លោក Le Trung Chinh ប្រគល់សេចក្តីសម្រេចតែងតាំងនាយកមជ្ឈមណ្ឌល DSAC ។ រូបថត៖ VGP/ Minh Trang

មជ្ឈមណ្ឌល DSAC ត្រូវបានកំណត់ជាចំណុចស្នូលដែលមានឯកទេសធ្វើសេនាធិការដល់មន្ទីរព័ត៌មាននិងផ្សព្វផ្សាយ និងថ្នាក់ដឹកនាំទីក្រុង ក្នុងការកសាងនិងអនុវត្តគម្រោងអភិវឌ្ឍន៍បន្ទះឈីប Semiconductor និងមីក្រូឈីប នៅក្នុងទីក្រុង នាពេលខាងមុខ។ ទីក្រុង Da Nang រំពឹងថា មជ្ឈមណ្ឌល DSAC ក៏នឹងក្លាយជាចំណុចស្នូលមួយដើម្បីទទួលនិងបើកឱកាសសហប្រតិបត្តិការលើវិស័យមីក្រូឈីប Semiconductor និងបញ្ញាសិប្បនិម្មិតរវាងទីក្រុង Da Nang និងដៃគូនានាទាំងក្នុងស្រុកនិងក្រៅប្រទេស។

ថ្លែងមតិនៅព្រឹត្តិការណ៍នេះ លោក Nguyen Huy Dung អនុរដ្ឋមន្រ្តីក្រសួងព័ត៌មាននិងផ្សព្វផ្សាយបានចាត់ទុកថា ទីក្រុង Da Nang បានបោះជំហានយ៉ាងខ្លាំងការត្រៀមរៀបចំដើម្បីស្វាគមន៍រលកវិនិយោគលើការអភិវឌ្ឍឧស្សាហកម្មរចនាមីក្រូឈីប និងបញ្ញាសិប្បនិម្មិត៖ “យើងខ្ញុំមានគោលបំណងអភិវឌ្ឍន៍បណ្ដាញមជ្ឈមណ្ឌលស្រាវជ្រាវរចនា និងផលិត Semiconductor ថ្នាក់ជាតិ រួមមានមជ្ឈមណ្ឌលជាតិចំនួន ៣ ដែលមានទីតាំងនៅទីក្រុងហាណូយ ទីក្រុងហូជីមិញ និងទីក្រុងដាណាំង សមស្របនឹងប្រៀបខ្លាំងនិងលក្ខណៈពិសេសនៃតំបន់នីមួយៗ។ យើងកំពុងខិតខំព្យាយាមដាក់ឲ្យដំណើរការមជ្ឈមណ្ឌលឱ្យបានឆាប់បំផុតនៅឆ្នាំ ២០២៥ ដើម្បីបង្កើតបណ្តាញមជ្ឈមណ្ឌលស្រាវជ្រាវរចនានិងផលិត Semiconductor ជាតិ”៕

តាម VOV5 - វិទ្យុសំឡេងវៀតណាម

អគ្គលេខាបក្ស ប្រធានរដ្ឋលោក តូ ឡឹម ទទួលជួបនាយករដ្ឋមន្ត្រីសិង្ហបុរី ប្រធានាធិបតីកូរ៉េខាងត្បូងនិងនាយកគ្រប់គ្រង IMF

អគ្គលេខាបក្ស ប្រធានរដ្ឋលោក តូ ឡឹម ទទួលជួបនាយករដ្ឋមន្ត្រីសិង្ហបុរី ប្រធានាធិបតីកូរ៉េខាងត្បូងនិងនាយកគ្រប់គ្រង IMF

នាថ្ងៃទី ១៨ ខែវិច្ឆិកា នៅក្រៅកិច្ចប្រជុំសប្តាហ៍កំពូល APEC ឆ្នាំ ២០២៦ នៅទីក្រុងសិនជិន ប្រទេសចិន អគ្គលេខាបក្ស ប្រធានរដ្ឋវៀតណាម លោក តូ ឡឹម បានអញ្ជើញទទួលជួបជាមួយនាយករដ្ឋមន្ត្រីសិង្ហបុរី លោក Lawrence Wong ប្រធានាធិបតីកូរ៉េខាងត្បូង លោក Lee Jae Myung និងនាយកគ្រប់គ្រងមូលនិធិរូបិយវត្ថុអន្តរជាតិ (IMF) លោកស្រី Kristalina Georgieva។

Top