វិថីដើរថ្មើរជើង Nguyen Hue បានក្លាយជាចំណុចកណ្តាលនៃពិធីបុណ្យជាមួយនឹងសកម្មភាពដ៏គួរឱ្យទាក់ទាញជាច្រើនដូចជា៖ ក្បួនដង្ហែរទ័ពសេះ ការសម្តែងសិល្បៈសហគមន៍ ការប្រគុំតន្ត្រី ។ល។  ក្នុងពេលជាមួយគ្នានេះដែរ តាមដងផ្លូវពីវិថី Ton Duc Thang ទៅកាន់ទីតាំងបាញ់ទឹក Hoa Sen បានប្រព្រឹត្តទៅការដង្ហែរក្បួនយ៉ាងអធិកអធមរបស់ប៉ូលីសចល័ត ទ័ពសេះ។ ពីខេត្តឡុងអានមកទស្សនាព្រឹត្តិការណ៍ កញ្ញា Bich Thuy បានចែករំលែកថា៖ “នេះជាលើកដំបូងដែលខ្ញុំបានឃើញក្បួនដង្ហែដោយមានទាំងសេះ និងយុទ្ធជន ផង អារម្មណ៍របស់ខ្ញុំហួសពីពាក្យសម្ដី។ ពីមុន ខ្ញុំមិនសូវបានស្គាល់ពីសកម្មភាពដង្ហែក្បួនទាំងនេះទេ”។

នៅលើផ្ទៃខាងមុខ នៃអគារគណៈកម្មាធិការប្រជាជនទីក្រុងហូជីមិញ មនុស្សរាប់ពាន់នាក់បានទស្សនាការសម្តែង 3D Mapping ដែលបង្ហាញឡើងវិញនូវដំណើរការអភិវឌ្ឍន៍របស់ទីក្រុងហូជីមិញ ចាប់ពីថ្ងៃរំដោះរហូតទៅជាទីក្រុងឆ្លាតវៃ តាមរយៈក្រាហ្វិកពន្លឺដ៏រស់រវើក រួមផ្សំជាមួយនឹងតន្ត្រីទំនើប និងប្រពៃណី៕