ភ្ញៀវទេសចរទទួលបទពិសោធន៍តាមរយៈដំណើរកម្សាន្ត “Hanoi City Tour” លើរថយន្តក្រុងពីរជាន់នៅទីក្រុងហាណូយ។ (រូបថត៖ Kinhtedothi.vn)
យោងតាមព័ត៌មានពីមន្ទីរទេសចរណ៍ហាណូយបានឲ្យដឹងថា ចាប់តាំងពីដើមឆ្នាំមក ទីក្រុងបានទទួលភ្ញៀវទេសចរជិត ១៤ លាននាក់ (កើនឡើងជាង ៤ ដងធៀបនឹងរយៈពេលដូចគ្នាកាលពីឆ្នាំមុន)។ ក្នុងនោះភ្ញៀវទេសចរអន្តរជាតិត្រូវបានប៉ាន់ប្រមាណថាមានចំនួន ៧៦៦.០០០ នាក់ ភ្ញៀវទេសចរក្នុងស្រុកមានប្រមាណជាង ១៣ លាននាក់។ ប្រាក់ចំណូលសរុបពីភ្ញៀវទេសចរណ៍សម្រេចបានប្រហែល ៣៩.០០០ ពាន់លានដុង (កើនឡើង ៤,៧ ដងធៀបនឹងរយៈពេលដូចគ្នាក្នុងឆ្នាំ ២០២១)។ ដើម្បីទាក់ទាញភ្ញៀវទេសចរកាន់តែច្រើនមកកាន់រដ្ឋធានី ជាពិសេសភ្ញៀវទេសចរអន្តរជាតិ ចាប់ពីថ្ងៃទី ២០ ដល់ថ្ងៃទី ៣០ ខែតុលា ទីក្រុងហាណូយនឹងរៀបចំសប្តាហ៍ទេសចរណ៍កីឡាវាយកូនហ្គោលហាណូយឆ្នាំ ២០២២ នៅទីលានវាយកូនហ្គោល និងកន្លែងទេសចរណ៍នានានៅទីក្រុងហាណូយ Hưng Yen, Ha Nam, Vinh Phuc និង Hoa Binh ផងដែរ៕
