• Vietnamese
    កាសែតរូបភាពវៀតណាមជាភាសាវៀតណាម
  • English
    កាសែតរូបភាពវៀតណាមជាភាសា អង់គ្លេស
  • Français
    កាសែតរូបភាពវៀតណាមជាភាសាបារាំង
  • Español
    កាសែតរូបភាពវៀតណាមជាភាសា អេស្ប៉ាញ
  • 中文
    កាសែតរូបភាពវៀតណាមជាភាសាចិន
  • Русский
    កាសែតរូបភាពវៀតណាមជាភាសារុស្ស៊ី
  • 日本語
    កាសែតរូបភាពវៀតណាមជាភាសាជប៉ុន
  • ລາວ
    កាសែតរូបភាពវៀតណាមជាភាសា ឡាវ
  • 한국어
    កាសែតរូបភាពវៀតណាមជាភាសាកូរ៉េ

ព័ត៌មាន

ជំរុញទំនាក់ទំនងភាពជាដៃគូគ្រប់ជ្រុងជ្រោយវៀតណាម-ដាណឺម៉ាក

លោកនាយករដ្ឋមន្ត្រីស្នើភាគីទាំងពីរ ពង្រឹងការផ្លាស់ប្តូរគណៈប្រតិភូគ្រប់ជាន់ថ្នាក់; សម្របសម្រួលយ៉ាងជិតស្និទ្ធនៅវេទិកាតំបន់ និងអន្តរជាតិ ជាពិសេសក្នុងក្របខ័ណ្ឌនៃអង្គការសហប្រជាជាតិ; បង្កើតលក្ខខណ្ឌសម្រាប់សហគ្រាសពង្រីកការវិនិយោគ និងកិច្ចសហប្រតិបត្តិការអាជីវកម្ម។
នាយករដ្ឋមន្ត្រី លោក Pham Minh Chinh ទទួលជួបឯកអគ្គរដ្ឋទូតដាណឺម៉ាកប្រចាំនៅវៀតណាម Nicolai Prytz (រូបថត៖ Duong Giang-TTXVN) 

នារសៀលថ្ងៃទី ២៨ វិច្ឆិកា នៅទីក្រុងហាណូយ ក្នុងជំនួបទទួលជួបលោក Nicolai Prytz ឯកអគ្គរដ្ឋទូតនៃព្រះរាជាណាចក្រដាណឺម៉ាកប្រចាំនៅវៀតណាម ក្នុងឱកាសទទួលបេសកកម្មការទូតនៅវៀតណាម នាយករដ្ឋមន្ត្រី លោក Pham Minh Chinh បានអះអាងថា វៀតណាមជានិច្ចកាលតែងតែផ្តោតការយកចិត្តទុកដាក់ចំពោះទំនាក់ទំនងមិត្តភាព និងកិច្ចសហប្រតិបត្តិការជាមួយដាណឺម៉ាក ហើយវាយតម្លៃខ្ពស់កិច្ចសហប្រតិបត្តិការយ៉ាងទូលំទូលាយរវាងប្រទេសទាំងពីរលើគ្រប់វិស័យ ក្នុងប៉ុន្មានឆ្នាំកន្លងមកនេះ។ លោកនាយករដ្ឋមន្ត្រីស្នើភាគីទាំងពីរ ពង្រឹងការផ្លាស់ប្តូរគណៈប្រតិភូគ្រប់ជាន់ថ្នាក់; សម្របសម្រួលយ៉ាងជិតស្និទ្ធនៅវេទិកាតំបន់ និងអន្តរជាតិ ជាពិសេសក្នុងក្របខ័ណ្ឌនៃអង្គការសហប្រជាជាតិ; បង្កើតលក្ខខណ្ឌសម្រាប់សហគ្រាសពង្រីកការវិនិយោគ និងកិច្ចសហប្រតិបត្តិការអាជីវកម្ម។

រីឯខ្លួនវិញ ឯកអគ្គរដ្ឋទូតលោក Nicolai Prytz បានសង្កត់ធ្ងន់ថា ទំនាក់ទំនងសេដ្ឋកិច្ច-ពាណិជ្ជកម្ម-វិនិយោគទ្វេភាគី គឺជាអាទិភាព និងជាចំណុចសំខាន់ ក្នុងអំឡុងអាណត្តិរបស់ខ្លួន។ លោកឯកអគ្គរដ្ឋទូតដាណឺម៉ាកបានអះអាងថា នាពេលខាងមុខ លោកនឹងខិតខំប្រឹងប្រែងអស់ពីសមត្ថភាពដើម្បីរួមចំណែកជំរុញថែមទៀតនូវទំនាក់ទំនងភាពជាដៃគូគ្រប់ជ្រុងជ្រោយវៀតណាម - ដាណឺម៉ាក លើវិស័យដែលដាណឺម៉ាកមានប្រៀបខ្លាំង ហើយវៀតណាមមានតម្រូវការ ជាពិសេសគឺថាមពលកកើតឡើងវិញ កំណើនបៃតង សេដ្ឋកិច្ចសមុទ្រ ហើយនឹងសម្របសម្រួលជាមួយវៀតណាម ដើម្បីពង្រីកកាលានុវត្តភាពសហប្រតិបត្តិការលើវិស័យសក្តានុពល ដូចជាការអប់រំ - បណ្តុះបណ្តាល វប្បធម៌ - ទេសចរណ៍ វិទ្យាសាស្ត្រ និងបច្ចេកវិទ្យា។

ស្តីពីបញ្ហាក្នុងតំបន់ ភាគីទាំងពីរបានអះអាងនូវតួនាទីជាមជ្ឈភាពរបស់សមាគមប្រជាជាតិអាស៊ីអាគ្នេយ៍ (អាស៊ាន) ក្នុងតំបន់ និងបានឯកភាពលើសារៈសំខាន់នៃការរក្សាសន្តិភាព ស្ថិរភាព សន្តិសុខ   សុវត្ថិភាព និងសេរីភាពនៃការធ្វើនាវាចរណ៍ និងអាកាសចរណ៍នៅសមុទ្រខាងកើត   ដោះស្រាយជម្លោះដោយសន្តិវិធី ផ្អែកលើច្បាប់អន្តរជាតិ រួមទាំងអនុសញ្ញាអង្គការសហប្រជាជាតិស្តីពីច្បាប់សមុទ្រឆ្នាំ ១៩៨២ (UNCLOS ១៩៨២) ផងដែរ៕

 

តាម​ VOV5 - វិទ្យុសម្លេងវៀតណាម

វិស័យទេសចរណ៍អភិវឌ្ឍន៍នៅតាមខេត្ត ក្រុងជាច្រើនក្រោយបុណ្យតេត

វិស័យទេសចរណ៍អភិវឌ្ឍន៍នៅតាមខេត្ត ក្រុងជាច្រើនក្រោយបុណ្យតេត

ក្រោយបុណ្យតេត ភ្ញៀវទេសចរនៅតែមកទស្សនាទីក្រុង Da Lat ក៏ដូចជា ខេត្ត Lam Dong ផងដែរ។ មន្ទីរវប្បធម៌ កីឡា និងទេសចរណ៍ខេត្ត Lam Dong កាលពីថ្ងៃទី ២៧ មករា បានឲ្យដឹងថា ចាប់ពីថ្ងៃទី ២០ ដល់ថ្ងៃទី ២៩ ខែមករា បរិមាណភ្ញៀវសរុបមកទស្សនា និងសម្រាកលំហែកាយនៅខេត្ត Lam Dong ត្រូវបានគេប៉ាន់ប្រមាណមានចំនួន ២៥ មឺនលើកនាក់ កើន ២,៥ ដងបើប្រៀប ធៀបនឹងឱកាសបុណ្យតេត ឆ្នាំ ២០២២។

Top