ព័ត៌មាន
ជំរុញខ្លឹមសារនៃកិច្ចសហប្រតិបត្តិការក្នុងក្របខណ្ឌភាពជាដៃគូយុទ្ធសាស្ត្រគ្រប់ជ្រុងជ្រោយវៀតណាម - អាមេរិក
ក្នុងជំនួបសន្ទនាតាមទូរស័ព្ទ ឧបនាយករដ្ឋមន្ត្រី និងជារដ្ឋមន្ត្រីក្រសួងការបរទេស Bui Thanh Son បានអះអាងថា សហរដ្ឋអាមេរិកគឺជាដៃគូយុទ្ធសាស្ត្រលើគ្រប់វិស័យឈានមុខគេរបស់វៀតណាម; ដោយសង្ឃឹមថា ភាគីទាំងពីរនឹងបន្តសម្របសម្រួលយ៉ាងជិតស្និទ្ធ ដើម្បីជំរុញកិច្ចសហប្រតិបត្តិការបន្ថែមទៀតក្នុងក្របខ័ណ្ឌនៃភាពជាដៃគូយុទ្ធសាស្ត្រគ្រប់ជ្រុងជ្រោយវៀតណាម - អាមេរិក។
រដ្ឋមន្ត្រីការបរទេស Rubio សង្ឃឹមថា ប្រទេសទាំងពីរនឹងបន្តកសាងភាពជាដៃគូយុទ្ធសាស្ត្រគ្រប់ជ្រុងជ្រោយឲ្យកាន់តែប្រសិទ្ធភាព; ទំនាក់ទំនងវៀតណាម-អាមេរិកគឺជាគំរូឆ្នើមក្នុងទំនាក់ទំនងអន្តរជាតិ និងចែករំលែកផលប្រយោជន៍រួមជាច្រើន ដែលជាកត្តាមូលដ្ឋានដើម្បីទំនាក់ទំនងបន្តអភិវឌ្ឍន៍នាពេលខាងមុខ។
ឧបនាយករដ្ឋមន្ត្រី រដ្ឋមន្ត្រីការបរទេស Bui Thanh Son និងរដ្ឋមន្ត្រីការបរទេស Marco Rubio បានឯកភាពជំរុញការផ្លាស់ប្តូរគណៈប្រតិភូជាន់ខ្ពស់ ជាពិសេសក្នុងឆ្នាំរំលឹកខួបលើកទី ៣០ ទិវាធ្វើប្រក្រតីភាពទំនាក់ទំនង (១៩៩៥-២០២៥); បានពិភាក្សាអំពីការជំរុញកិច្ចខិតខំប្រឹងប្រែងជំនះពុះពារលើផលវិបាកនៃសង្គ្រាម រក្សាសន្ទុះនៃកិច្ចសហប្រតិបត្តិការសេដ្ឋកិច្ច-ពាណិជ្ជកម្ម-វិនិយោគ ជំរុញកិច្ចសហប្រតិបត្តិការលើវិស័យវិទ្យាសាស្ត្រ-បច្ចេកវិទ្យា ការពារជាតិ-សន្តិសុខ ដើម្បីផលប្រយោជន៍ជាក់ស្តែងរបស់ប្រជាជននៃប្រទេសទាំងពីរ។
ភាគីទាំងពីរក៏បានពិភាក្សាអំពីសារៈសំខាន់នៃការជំរុញទំនាក់ទំនងភាពជាដៃគូយុទ្ធសាស្ត្រអាស៊ាន-អាមេរិក និងភាពជាដៃគូមេគង្គ-អាមេរិក មជ្ឈភាពរបស់អាស៊ាននិងស្ថានភាពនៅសមុទ្រខាងកើត ទន្ទឹមនឹងនោះ ជំរុញការបង្កើនកិច្ចសន្ទនា រួមចំណែកដល់សន្តិភាព ស្ថិរភាព កិច្ចសហប្រតិបត្តិការ និងការអភិវឌ្ឍន៍ក្នុងតំបន់៕
