នេះជាព្រឹត្តិការណ៍ដ៏សំខាន់ក្នុងចំណោមសកម្មភាពជាបន្តបន្ទាប់បូកសរុបរយៈពេល ៣៥ ឆ្នាំ ទាក់ទាញការវិនិយោគបរទេសនៅវៀតណាម កិច្ចប្រជុំបានដាក់ចេញទិសដៅថ្មីក្នុងការជំរុញការផ្ទេរប្រគល់បេច្ចេកវិទ្យាតាមរយៈការវិនិយោគបរទេស។ គិតត្រឹមបច្ចុប្បន្ននេះ វៀតណាមមានគម្រោង វិនិយោគបរទេសជាង ៣៨ ពាន់គម្រោងដែលមានសុពលភាពដោយមានដើមទុនវិនិយោគចុះបញ្ជីជាង ៤៥៣ ពាន់លានដុល្លារអាមេរិក។
ក្នុងកិច្ចប្រជុំនេះ ប្រតិភូសុទ្ធតែបានអះអាងថាការទាក់ទាញការវិនិយោគបរទេសបានរួមចំណែកយ៉ាងធំធេងទៅក្នុងការអភិវឌ្ឍសេដ្ឋកិច្ច សង្គមរបស់ប្រទេសជាតិ រួមចំណែកបង្កើនសមត្ថភាពប្រគួតប្រជែងនៃខឿនសេដ្ឋកិច្ចវៀតណាម។ ក្នុងដំណាក់កាលថ្មី ដើម្បីទាញយកអត្ថប្រយោជន៍នៃបដិវត្តន៍ឧស្សាហកម្មទី ៤ ដោយមានកាលានុវត្តភាពផ្លាស់ប្តូរយ៉ាងខ្លាំងក្លាសេដ្ឋកិច្ចទៅជាគំរូកំណើនដោយផ្អែកលើផលិតភាព វឌ្ឍនភាពវិទ្យាសាស្ត្រ បច្ចេកវិទ្យា និងនវានុវត្តន៍ វៀតណាមបានកំណត់ថាវិទ្យាសាស្ត្រ និងនវានុវត្តន៍គឺជាជំហានលោតផ្លោះជាយុទ្ធសាស្ត្រដ៏សំខាន់បំផុត។ សហគ្រាសវិនិយោគបរទេសគឺជាកត្តាជំរុញសហគ្រាសក្នុងប្រទេសកែលម្អផលិតភាព ផ្លាស់ប្ដូរថ្មីបច្ចេកវិទ្យាតាមរយៈសម្ពាធប្រកួតប្រជែង និងអនុវត្តន៍គំរូផលិតកម្មថ្មីនៃសហគ្រាសវិនិយោគបរទេស ដើម្បីអភិវឌ្ឍន៍ និងសម្របខ្លួនទៅនឹងបរិបទនៃសកលភាវូបនីយកម្ម៕
