នាព្រឹកថ្ងៃទី ៤ ខែមករា ឆ្នាំ២០១៩ គណៈកម្មាធិការប្រជាជនទីក្រុងហូជីមិញបានរៀបចំជំនួបសំណេះសំណាលរំលឹកខួបលើកទី ៤០ ទិវាជ័យជំនះសង្គ្រាមការពារពំ្រដែននិរតីនៃមាតុភូមិ និងរួមជាមួយកងទ័ពប្រជាជនកម្ពុជាដណ្ដើមបានជ័យជំនះលើរបបប្រល័យពូជសាសន៍ (ថ្ងៃទី ៧ មករា)។
ទិដ្ឋភាពនៃជំនួបសំណេះសំណាលរំលឹកខួបលើកទី ៤០ ទិវាជ័យជំនះសង្គ្រាមការពារពំ្រដែននិរតីនៃមាតុភូមិ
នៅក្នុងជំនួបនេះ អនុប្រធានគណៈកម្មាធិការប្រជាជនទីក្រុងហូជីមិញលោក Huynh Cach Mang បានសង្កត់ធ្ងន់ថា ក្នុងរយៈពេល ៤០ ឆ្នាំកន្លងទៅ ទំនាក់ទំនងមិត្តភាពជាប្រពៃណីរវាងវៀតណាមនិងកម្ពុជាបាន និងកំពុងអភិវឌ្ឍន៍ឡើងកម្ពស់ថ្មី។ កិច្ចសហប្រតិបត្តិការសេដ្ឋកិច្ចរវាងប្រទេសទាំងពីរបន្តបានពង្រីក តម្លៃប្រាក់នាំចេញទ្វេភាគីឆ្នាំ២០១៨ទទួលបាន ៤,៥ ពាន់លានដុល្លារអាមេរិក ហើយខិតខំប្រឹងប្រែងទទួលបាន ៥ ពាន់លានដុល្លារអាមេរិកមុនឆ្នាំ២០២០។ ក្នុងរយៈពេល ៤០ ឆ្នាំកន្លងទៅ ទីក្រុងហូជីមិញបានទទួលស្វាគមន៍គណប្រតិភូថ្នាក់ដឹកនាំរាជធានីភ្នំពេញ និងក្រសួងនានារបស់កម្ពុជារាប់រយក្រុម មកទស្សនា និងរៀនសូត្របទពិសោធន៍ ក៏ដូចជាបញ្ជូនគណៈប្រតិភូថ្នាក់ដឹកនាំជាន់ខ្ពស់ និងកម្មាភិបាលក្រសួង ស្ថានប័ននានារបស់ទីក្រុងទៅទស្សនានិងជំរុញពាណិជ្ជកម្ម វិនិយោគនៅកម្ពុជាផងដែរ។
ចំណែកលោក អឹម ហែម អគ្គកុងស៊ុលកម្ពុជាប្រចាំនៅទីក្រុងហូជីមិញបានថ្លែងអំណរគុណយ៉ាងជ្រាលជ្រៅចំពោះបក្ស រដ្ឋាភិបាល អតីតអ្នកជំនាញ និងកងទ័ពស្ម័គ្រចិត្តវៀតណាម ដោយបានជំនះពុះពារលើការលំបាកសាកល្បង ជួយឧបត្ថម្ភគាំទ្រប្រជាជននិងប្រទេសកម្ពុជារួចផុតពីរបបប្រល័យពូជសាសន៍ប៉ុលពត៕
តាម VOV5 - វិទ្យុសម្លេងវៀតណាម
