• Vietnamese
    កាសែតរូបភាពវៀតណាមជាភាសាវៀតណាម
  • English
    កាសែតរូបភាពវៀតណាមជាភាសា អង់គ្លេស
  • Français
    កាសែតរូបភាពវៀតណាមជាភាសាបារាំង
  • Español
    កាសែតរូបភាពវៀតណាមជាភាសា អេស្ប៉ាញ
  • 中文
    កាសែតរូបភាពវៀតណាមជាភាសាចិន
  • Русский
    កាសែតរូបភាពវៀតណាមជាភាសារុស្ស៊ី
  • 日本語
    កាសែតរូបភាពវៀតណាមជាភាសាជប៉ុន
  • ລາວ
    កាសែតរូបភាពវៀតណាមជាភាសា ឡាវ
  • 한국어
    កាសែតរូបភាពវៀតណាមជាភាសាកូរ៉េ

ព័ត៌មាន

ជំនាញការអន្តរជាតិវាយតម្លៃខ្ពស់ចំពោះការដែលវៀតណាមអនុម័តលើច្បាប់ការងារ (ធ្វើវិសោធនកម្ម)

ដោយមានអត្រាសមាជិកសភាគាំទ្រជាង៩០% នាព្រឹកថ្ងៃទី២០ ខែវិច្ឆិកា ច្បាប់ការងារ (ធ្វើវិសោធនកម្ម) ដែលជាច្បាប់មួយក្នុងចំណោមច្បាប់ជាសារវ័ន្ត ក្នុងប្រព័ន្ធច្បាប់វៀតណាម ត្រូវបានរដ្ឋសភានីតិកាលទី១៤ អនុម័ត នៅសម័យ ប្រជុំលើកទី៨។ ច្បាប់នេះនឹងចូលជាធរមានចាប់ពីថ្ងៃទី១ ខែមករា ឆ្នាំ២០២១។

ការដែលវៀតណាមធ្វើវិសោធនកម្មនិងអនុម័តលើច្បាប់ការងារនេះទទួលបានប្រតិកម្មយ៉ាងល្អៗរបស់បណ្ដាជំនាញ​ការអន្តរជាតិលើវិស័យនេះ។ លោក Tim De Meyer ទីប្រឹក្សាជាន់ខ្ពស់អំពីគោលនយោបាយនិងបទដ្ឋានអន្តរជាតិនៃអង្គ ការការងារអន្តរជាតិ (ILO) បានវាយតម្លៃថា៖

“ខ្ញុំចាត់ទុកថា លទ្ធផលធំបំផុតដែលសម្រេចបាននោះគឺការខិតមកជិតជាមួយស្ដង់ដារការងារអន្តរជាតិ ដែលជាសិទ្ធិបង្កើតសមាគមន៍របស់និយោជកនិងពលករពោលគឺពួកគេមានសិទ្ធិបង្កើតអង្គការតំណាងសម្រាប់ខ្លួន ដើម្បី​ចូលរួមក្នុងកិច្ចចរចាស្ដីពីលក្ខខ័ណ្ឌធ្វើការ។ ប្រការនេះអាចជួយអោយច្បាប់ការងារវៀតណាមសមស្របនឹង​បទដ្ឋានអន្តរជាតិជាងមុន”។


ប្រធានគណៈកម្មាធិការពាណិជ្ជកម្មអន្តរជាតិនៃសភាអឺរ៉ុបលោក Bernd Lange (ខាងឆ្វេង) និងរដ្ឋមន្រ្តីក្រសួងការងារ យុទ្ធជនពិការនិងសង្គមកិច្ចវៀតណាមលោក Dao Ngoc Dung

ចំណែកឯប្រធានគណៈកម្មាធិការពាណិជ្ជកម្មអន្តរជាតិនៃសភាអឺរ៉ុបលោក Bernd Lange បានវាយតម្លៃក្នុងឱកាសមកបំពេញទស្សនកិច្ចការងារនាពេលថ្មីៗ នេះនៅវៀតណាមថា៖ “អាចនិយាយបានថា ខ្លឹមសារនៃច្បាប់ការងារធ្វើវិសោធនកម្មលើកនេះគឺជាកត្តាសំខាន់មួយដើម្បីអោយសមាជិកសភាអឺរ៉ុបពិចារណាមុនពេលបោះ​ឆ្នោត អនុម័តលើកិច្ចព្រមព្រៀងពាណិជ្ជកម្មសេរីនិងកិច្ចព្រមព្រៀងគាំពារវិនិយោគរវាង EU និងវៀតណាម។
ច្បាប់នេះមានខ្លឹមសារសំខាន់ជាច្រើន ដែលពាក់ព័ន្ធដល់ពលករ ហើយជួយបង្កើតឡើងទីធ្លាលេងប្រកបដោយសមភាពសម្រាប់ពលករគ្មានជំនាញ។ ខ្ញុំជឿជាក់ថា ការដែលរដ្ឋសភាវៀតណាមអនុម័តលើច្បាប់ការងារ (ធ្វើវិសោធនកម្ម) នឹងជាការបោះជំហានដ៏សំខាន់មួយចំពោះពលករវៀតណាម ព្រមទាំងក៏ជាការបោះជំហានជួយអោយច្បាប់វៀតណាមសមស្របថែមទៀតទៅនឹងក្របខ័ណ្ឌច្បាប់អន្តរជាតិផងដែរ”៕

តាម VOV5 - វិទ្យុសម្លេងវៀតណាម

ការតាំងពិព័រណ៍អនឡាញក្នុងឱកាសរំលឹកទិវា ៧០ ឆ្នាំនៃជ័យជំនះ DIEN BIEN PHU

ការតាំងពិព័រណ៍អនឡាញក្នុងឱកាសរំលឹកទិវា ៧០ ឆ្នាំនៃជ័យជំនះ DIEN BIEN PHU

ក្នុងឱកាសរំលឹកខួបលើកទី ៧០ នៃទិវាជ័យជំនះ Dien Bien Phu ទីភ្នាក់ងារសារព័ត៌មានវៀតណាម(VNA) បានរៀបចំការតាំងពិព័រណ៍រូបថតអនឡាញជាបីភាសា គឺវៀតណាម អង់គ្លេស និងបារាំង ដើម្បីណែនាំអំពីរយៈពេល ៥៦ ទាំងថ្ងៃទាំងយប់តស៊ូរបស់កងទ័ព និងប្រជាជន ដើម្បីបង្កើតជ័យជំនះDien Bien Phu។

Top