ខភាពរបស់កីឡាករទាំងនេះគឺល្អ ហើយកំពុងទទួលបានការព្យាបាលនៅឯមន្ទីរពេទ្យ។
ក្នុងយុទ្ធនាការជួយសង្គ្រោះជាលើកដំបូងនាថ្ងៃទី ៨ កក្កដា ឆ្នាំ២០១៨ កងកម្លាំងមានសមត្ថកិច្ចបានបញ្ជូនកីឡាករបាល់ទាត់ចំនួន ៤ នាក់ចេញមកក្រៅរូងភ្នំ Tham Luang ចំណុះខេត្ត Chiang Rai នៅភាគខាងជើងប្រទេសថៃប្រកបដោយសុវត្ថិភាព។ សុខភាពរបស់កីឡាករទាំងនេះគឺល្អ ហើយកំពុងទទួលបានការព្យាបាលនៅឯមន្ទីរពេទ្យ។ លើសពីនេះទៀតកងកម្លាំងជួយសង្គ្រោះក៏បានបញ្ជូនកុមារចំនួន ៤ នាក់ផ្សេងទៀតទៅកាន់ទីតាំងសុវត្ថិភាពជាងនៅក្នុងរូងភ្នំនេះដែរ។ ដូច្នេះ នៅក្នុងរូងភ្នំនៅមានកីឡាករចំនួន ៨ នាក់ និងគ្រូបង្វឹកមួយនាក់ទៀតហើយការងារជួយសង្គ្រោះត្រូវបានផ្អាករហូតដល់ថ្ងៃទី ៩ កក្កដា។
យោងតាមផែនការ នាថ្ងៃទី ៨ កក្កដា នាយករដ្ឋមន្ត្រីថៃលោក Prayut Chan-o-cha បានចុះទៅកាន់ទីកន្លែងកើតហេតុ ផ្ទាល់ដើម្បីតាមដាននិងលើកទឹកចិត្តក្រុមជួយសង្គ្រោះផងដែរ៕។
តាម VOV5 - វិទ្យុសម្លេងវៀតណាម
