ឯកអគ្គរដ្ឋទូត វៀតណាមប្រចាំនៅជប៉ុន លោក Nguyen Quoc Cuong
ក្នុងឱកាសនៃដំណើទស្សនកិច្ចថ្នាក់រដ្ឋ នៅជប៉ុនរបស់ប្រធានរដ្ឋវៀតណាម លោក Tran Dai Quang ចាប់ពីថ្ងៃទី២៩ ខែឧសភា ដល់ថ្ងៃទី២ ខែមិថុនានោះ អ្នកយកព័ត៌មាននៃ ទីភ្នាក់ងារសារព័ត៌មានវៀតណាមប្រចាំនៅតូក្យូ ធ្វើបទសំភាសន៍ឯកអគ្គរដ្ឋទូត វៀតណាមប្រចាំនៅជប៉ុន លោក Nguyen Quoc Cuong ស្តីពីអត្ថន័យនៃដំណើរទស្សនកិច្ចជាផ្លូវការនេះ ក៏ដូចជាយថាទស្សន៍សហប្រតិបត្តិការ រវាងភាគីទាំងពីរនាពេលខាងមុខ។
លោក Nguyen Quoc Cuong បានឲ្យដឹងថា ដំណើរទស្សនកិច្ចថ្នាក់រដ្ឋនៅជប៉ុនលើកដំបូង របស់លោកប្រធានរដ្ឋនិងលោកជំទាវ គឺពោរពេញទៅដោយអត្ថន័យសម្រាប់ភាគីទាំង ពីរ។ ជាធម្មតា ក្នុងមួយឆ្នាំ ជប៉ុនមិនត្រឹមតែទទួលគណៈប្រតិភូថ្នាក់រដ្ឋពីមួយទៅពីរក្រុមតែ ប៉ុណ្ណោះ។ តាមនោះ ការដែលជប៉ុនត្រៀមរៀបចំទទួលប្រធានរដ្ឋវៀតណាម លោក Tran Dai Quang មកបំពេញទស្សនកិច្ចថ្នាក់រដ្ឋ គឺចង់បង្ហាញថា ជប៉ុនមានការយកចិត្ត ទុកដាក់និងគោរពនូវតួនាទីនិងឋានៈរបស់វៀតណាមក្នុងតំបន់ក៏ដូចជាលើពិភពលោក ព្រមទាំងយកចិត្តទុកដាក់អភិវឌ្ឍន៍ទំនាក់ទំនងទ្វេភាគី រវាងវៀតណាមជាមួយជប៉ុនទៀតផង។
យោងតាមឯកអគ្គរដ្ឋទូត Nguyen Quoc Cuong ទំនាក់ទំនងរវាងប្រទេសទាំងពីរបច្ចុ ប្បន្នកំពុងស្ថិតក្នុងដំណាក់កាលអភិវឌ្ឍន៍យ៉ាងល្អប្រសើរបំផុតក្នុងប្រវត្តិសាស្ត្រ ប៉ុន្តែ នៅមានសក្កានុភាពជាច្រើនសម្រាប់បន្តកិច្ចសហប្រតិបត្តិការនេះនាពេលខាងមុខ។ ស្តី ពីកិច្ចសហប្រតិបត្តិការរវាងវៀតណាមនិងជប៉ុនលើបញ្ហាអន្តរជាតិ លោក Nguyen Quoc Cuong បានឲ្យដឹងថា ប្រទេសទាំងពីរបានចែករំលែកនូវផលប្រយោជន៍យុទ្ធ សាស្ត្រជាច្រើនលើបណ្តាបញ្ហាតំបន់និងអន្តរជាតិ ជាពិសេសគឺទស្សនៈប្រហាក់ប្រហែ លក្នុងការដោះស្រាយបញ្ហាសមុទ្រខាងកើត។ ពោលគឺភាគីទាំងពីរសុទ្ធតែមានទស្សន ថា ជម្លោះនៅសមុទ្រខាងកើតត្រូវបានដោះស្រាយដោយសន្តិវិធី មិនប្រើប្រាស់អំពើ ហឹង្សា ឈរលើច្បាប់អន្តរជាតិជាពិសេសគឺអនុសញ្ញាអង្គការសហប្រជាជាតិស្តីពីច្បាប់ សមុទ្រឆ្នាំ១៩៨២ផងដែរ៕
តាម VOV5 - វិទ្យុសំឡេងវៀតណាម
