នៅថ្ងៃទី ២៩ ខែមីនា ក្រសួងការពារជាតិជប៉ុនបានឲ្យដឹងថា កិច្ចប្រជុំប្រចាំឆ្នាំក្រោម“ យន្តការទំនាក់ទំនងតាមផ្លូវសមុទ្រនិងផ្លូវអាកាស” រវាងស្ថាប័នការពារជាតិជប៉ុននិងចិនបានធ្វើឡើងតាមប្រព័ន្ធវីដេអូ។

ប្រជុំកោះដែលមានជម្លោះ (ប្រភព៖ The Japan Times / VNA)

នៅក្នុងកិច្ចប្រជុំនោះ លោក Taro Yamato អគ្គនាយករងទទួលបន្ទុកគោលនយោបាយការពារជាតិនៃក្រសួងការពារជាតិបានសម្តែងការព្រួយបារម្ភយ៉ាងខ្លាំងក្លាចំពោះច្បាប់ប៉ូលីសសមុទ្រថ្មីរបស់ចិន ដែលបានចូលជាធរមាននៅខែកុម្ភៈឆ្នាំ ២០២១ ។ លោក Taro Yamato ក៏បានចាត់ទុកថា ការដែលភាគីចិនបានបង្កើនសកម្មភាពតានតឹងនៅសមុទ្រ Hoa Tung និងសមុទ្រខាងកើតនាពេលកន្លងទៅបានធ្វើឱ្យប៉ះពាល់ដល់ផលប្រយោជន៍ស្របច្បាប់របស់ភាគីពាក់ព័ន្ធ ក្នុងនោះមានជប៉ុនផងដែរ។

លើសពីនេះទៅទៀត ភាគីទាំងពីរបានបន្តពិភាក្សាលើសេចក្តីព្រាងច្បាប់ស្តីពីការសាងសង់បណ្តាញទូរស័ព្ទបន្ទាន់រវាងស្ថាប័នការពារជាតិនៃប្រទេសទាំងពីរ ក៏ដូចជាការជំរុញដំណើរការកែសម្រួលដើម្បីឈានដល់ការឯកភាពគ្នាក្នុងពេលឆាប់ៗនេះផងដែរ៕

តាម VOV5 - វិទ្យុសម្លេងវៀតណាម