យោងតាមរបាយការណ៍ឆ្នាំ២០២៣ គឺជាឆ្នាំពិសេសបំផុតទាក់ទងនឹងកំដៅ។ ចាប់តាំងពីខែមិថុនាឆ្នាំ២០២៣មក ជារៀងរាល់ខែគឺជាខែក្តៅបំផុតក្នុងកំណត់ត្រារបស់ពិភពលោក បើប្រៀបធៀបទៅនឹងខែដូចគ្នាកាលពីឆ្នាំមុនៗ។ សីតុណ្ហភាពរបស់ភពផែនដីគឺ ១,៤៨ អង្សាសេ ក្តៅជាងសម័យមុនឧស្សាហ៍កម្ម (១៨៥០-១៩០០) នៅពេលដែលមនុស្សចាប់ផ្តើមដុតឥន្ធនៈហ្វូស៊ីលតាមខ្នាតឧស្សាហកម្ម ដោយរុញឧស្ម័នកាបូន ទៅក្នុងបរិយាកាស។
ប្រធានទីភ្នាក់ងារផ្លាស់ប្តូរអាកាសធាតុនៃសហភាពអឺរ៉ុប លោក Carlo Buontempo បានសង្កត់ធ្ងន់ថា ទោះបីជាមានការកើនឡើងនៃគោលដៅអាកាសធាតុដោយរដ្ឋាភិបាល និងក្រុមហ៊ុនក៏ដោយ ការបំភាយឧស្ម័ន CO2 នៅតែរក្សាបានខ្ពស់បំផុតជាកំណត់ត្រាកាលពីឆ្នាំមុន។ កម្រិត CO2 នៅក្នុងបរិយាកាសក៏បានកើនឡើងដល់កម្រិតខ្ពស់បំផុត ដែលត្រូវបានកត់ត្រាគឺ ៤១៩ ភាគលាន។ កាលពីឆ្នាំមុនក៏ជាឆ្នាំដំបូងដែរដែលសីតុណ្ហភាពប្រចាំថ្ងៃគឺក្តៅជាងសម័យមុនឧស្សាហកម្ម ១ អង្សាសេ៕
