ចិននិងអាមេរិកឯកភាពជំរុញទំនាក់ទំនងទ្វេភាគី (VNA)
នាថ្ងៃទី ១០ ខែកុម្ភៈ ឆ្នាំ២០១៧ ប្រធានរដ្ឋចិន លោក Xi Jinping បានដំណើរការចរចារតាមទូរស័ព្ទជាមួយប្រធានាធិបតីអាមេរិក លោក Donald Trump ក្នុងនោះ ភាគីទាំងពីរបានឯកភាពជំរុញកិច្ចសហប្រតិបត្តិការលើគ្រប់វិស័យនិងអភិវដ្ឍន៍ទំនាក់ទំនងទ្វេភាគីមានចរិតលក្ខណៈស្ថាបនាថែមទៀត។ ប្រធានរដ្ឋចិន លោក Xi Jinping បានឲ្យដឹងថា៖ ចិនមានគោលបំណងបង្កើនកិច្ចសហប្រតិបត្តិការជាមួយអាមេរិកលើវិស័យពាណិជ្ជសកម្មវិនិយោគវិទ្យាសាស្ត្របច្ចេកវិទ្យាការជួបប្រាស្រ័យប្រជាជន សហការជាមួយគ្នាក្នុងបញ្ហាតំបន់និងអន្តរជាតិ ដើម្បីការពារសន្តិសុខលើពិភពលោក។ រីឯខ្លួនវិញ ប្រធានាធិបតីអាមេរិកលោក Donald Trump បានសន្យាថា៖ អាមេរិកនឹងខំប្រឹងប្រែងបង្កើនកិច្ចសហប្រតិបត្តិការជាមូយចិនលើវិស័យពាណិជ្ជកម្មវិនិយោគក៏ដូចជាលើបញ្ហាអន្តរជាតិ ដើម្បីភាគីទាំងពីរមានផលប្រយោជន៍រួម។ ប្រធានាធិបតី Donald Trump បានអះអាងនូវការគោរព «ប្រទេសចិនតែមួយ» ហើយរដ្ឋាភិបាលអាមេរិកនឹងរក្សាគោលជំហរនេះ៕
តាម VOV5- វិទ្យុសម្លេងវៀតណាម
