ក្នុងក្របខ័ណ្ឌនៃដំណើរទស្សនកិច្ចនេះ ប្រធានរដ្ឋសភាកូតឌីវ័រ លោក Adama Bictogo បានទៅដាក់កម្រងផ្កានៅវិមានរំលឹកវិញ្ញាណក្ខ័ន្ធវីរយុទ្ធជនពលី; ទស្សនាផ្ទះ ផុតពីដីរបស់លោកប្រធានហូជីមិញ; ជួបសម្ដែងការគួរសមប្រធានរដ្ឋវៀតណាមលោក Vo Van Thuong; ជួបសន្ទនាជាមួយនាយករដ្ឋមន្ត្រី លោក Pham Minh Chinh; ចូលរួម ពិធីទទួលបដិសណ្ឋារកិច្ចជាផ្លូវការ និងជួបពិភាក្សាការងារជាមួយប្រធានរដ្ឋសភា លោក Vuong Dinh Hue។
នៅក្នុងជំនួបទាំងនោះ ប្រធានរដ្ឋសភាកូតឌីវ័រ លោក Adama Bictogo បានស្នើ ឱ្យរដ្ឋសភានៃប្រទេសទាំងពីរ ជំរុញឱ្យប្រទេសទាំងពីរពង្រីកប្រៀបខ្លាំងលើវិស័យជា ច្រើន ជាពិសេសវិស័យកសិកម្ម។ សហគ្រាសវៀតណាមអាចបើកដំណើរការរោងចក្រ កែច្នៃគ្រាប់ស្វាយចន្ទីនៅកូតឌីវ័រ; បង្កើតលក្ខខណ្ឌសម្រាប់អ្នកជំនាញវៀតណាមបណ្តុះ បណ្តាលធនធានមនុស្សលើការដាំដុះស្រូវសម្រាប់ប្រទេសកូតឌីវ័រ ក៏ដូចជាការធ្វើយន្ត កម្មក្នុងការដាំស្រូវឡើងទឹក; កូតឌីវ័រនាំចូលផលិតផលគ្រឿងយន្តពីវៀតណាម។ ភាគីទាំងពីរបានឯកភាពបង្កើនកិច្ចសហប្រតិបត្តិការ ឃ្លាំមើលការអនុវត្តប្រកប ដោយប្រសិទ្ធភាពនូវសន្ធិសញ្ញាអន្តរជាតិ និងកិច្ចព្រមព្រៀងសហប្រតិបត្តិការដែល បានចុះហត្ថលេខារវាងរដ្ឋាភិបាលនៃប្រទេសទាំងពីរ; គាំទ្រ និងបង្កើនការតភ្ជាប់ និង កិច្ចសហប្រតិបត្តិការរវាងសហគ្រាស; បង្កើតលក្ខខណ្ឌអំណោយផល ដើម្បីគាំទ្រ សហគមន៍ធុរកិច្ច ក៏ដូចជាប្រជាជននៃប្រទេសទាំងពីរក្នុងការរស់នៅ វិនិយោគ និងធ្វើ អាជីវកម្មប្រកបដោយស្ថិរភាពនៅក្នុងប្រទេសនីមួយៗ។ ភាគីទាំងពីរបន្តពង្រីកការ សម្របសម្រួលយ៉ាងជិតស្និទ្ធនៅវេទិកាពហុភាគីនានាដូចជាអង្គការសហប្រជាជាតិ សហភាពអន្តរសភាពិភពលោក (IPU) សហភាពអន្តរសភាភាសាបារាំង (APF) ជាដើម៕
