ក្នុងសុន្ទរកថាបើក ប្រធានរដ្ឋសភាលោក Tran Thanh Man បានឲ្យដឹងថា សម័យប្រជុំនឹងផ្តល់យោបល់ ពិចារណា និងសម្រេចលើខ្លឹមសារចំនួន ៤២ ក្រុម; ធ្វើវិសោធនកម្ម និងបំពេញបន្ថែមមាត្រាមួយចំនួននៃរដ្ឋធម្មនុញ្ញឆ្នាំ ២០១៣; ពិនិត្យមើលបញ្ហានៅក្នុងដែនសមត្ថកិច្ចរបស់ខ្លួន ដើម្បីដោះស្រាយការលំបាក និងឧបសគ្គយ៉ាងឆាប់រហ័សសម្រាប់អាជីវកម្ម និងអភិវឌ្ឍន៍សេដ្ឋកិច្ចដែលទាក់ទងនឹងគោលនយោបាយលើកលែងពន្ធ ការកាត់បន្ថយ និងការពន្យាពេលពន្ធចំពោះអាជីវកម្មអាមេរិក។

ប្រធានរដ្ឋសភា លោក Tran Thanh Man បានវាយតម្លៃថា បន្ទុកការងារដែលសម័យប្រជុំលើកទី៤៤ នៃគណៈកម្មាធិការអចិន្ត្រៃយ៍រដ្ឋសភាត្រូវពិចារណា និងដោះស្រាយគឺមានទំហំធំ និងសំខាន់ ហើយទន្ទឹមនឹងនោះ លោកបានកត់សម្គាល់ថា នេះជាដំណាក់កាល “ទឹកស្រក” ដើម្បីបង្ហើយឯកសារសម្រាប់សម័យប្រជុំលើកទី៩ នៃរដ្ឋសភានីតិកាលទី១៥ ដែលគ្រោងនឹងបើកនៅថ្ងៃទី៥ ខែឧសភា។ តាមនោះ ពេលដែលបានបង្ហើយខ្លឹមសារនីមួយៗ ស្ថាប័ននានាត្រូវពិនិត្យឡើងវិញយ៉ាងឆាប់រហ័សតាមដែនអាចធ្វើទៅបាន ដើម្បីផ្ញើរទៅកាន់សមាជិកសភា៕