ផ្លែឈើដែលនាំចេញទៅអឺរ៉ុបដោយក្រុមហ៊ុន Vina T&T Group រួមមាន៖ ដូងស្រស់ចំនួន ២ ម៉ឺនផ្លែទៅកាន់ទីផ្សារចក្រភពអង់គ្លេស ផ្លែក្រូចថ្លុង ចំនួន ១២ តោនទៅកាន់ប្រទេសអាឡឺម៉ង់ និងផ្លែស្រការនាគចំនួន ៣ តោនតាមផ្លូវអាកាសទៅកាន់ទីផ្សារប្រទេសហូឡង់។
 |
| ទិដ្ឋភាពនៃពិធីប្រកាសការនាំចេញផ្លែឈើលើកដំបូងរបស់វៀតណាមទៅកាន់ទីផ្សារអឺរ៉ុប (ប្រភព៖ nhandan.com.vn) |
នាថ្ងៃទី ១៧ ខែកញ្ញា នៅរោងចក្រវេចខ្ចប់នៃក្រុមហ៊ុន Vina T&T Group ស្រុក Chau Thanh ខេត្ត Ben Tre ក្រសួងកសិកម្មនិងអភិវឌ្ឍន៍ជនបទវៀតណាមបានសហការជាមួយគណៈកម្មាធិការប្រជាជនខេត្ត Ben Tre បានប្រារព្ធធ្វើឡើងពិធីប្រកាសការនាំចេញផ្លែឈើលើកដំបូងរបស់វៀតណាមទៅកាន់ទីផ្សារអឺរ៉ុប យោងតាមកិច្ចព្រមព្រៀងពាណិជ្ជកម្មសេរីវៀតណាម - សហភាពអឺរ៉ុប (EVFTA) ។ ផ្លែឈើដែលនាំចេញទៅអឺរ៉ុបដោយក្រុមហ៊ុន Vina T&T Group រួមមាន៖ ដូងស្រស់ចំនួន ២ ម៉ឺនផ្លែទៅកាន់ទីផ្សារចក្រភពអង់គ្លេស ផ្លែក្រូចថ្លុង ចំនួន ១២ តោនទៅកាន់ប្រទេសអាឡឺម៉ង់ និងផ្លែស្រការនាគចំនួន ៣ តោនតាមផ្លូវអាកាសទៅកាន់ទីផ្សារប្រទេសហូឡង់។
នៅក្នុងពិធីនេះ អនុរដ្ឋមន្រ្តីក្រសួងកសិកម្មនិងអភិវឌ្ឍន៍ជនបទវៀតណាម លោក Le Quoc Doanh បានមានប្រសាសន៍ថា ក្នុងរយៈពេលជាងមួយខែដែលកិច្ចព្រមព្រៀង EVFTA ចូលជាធរមាននិងត្រូវបានអនុវត្តឡើង មានមុខទំនិញសម្រាប់ការនាំចេញរបស់វៀតណាមជាច្រើន មានការផ្លាស់ប្តូរជាវិជ្ជមាននៅក្នុងទីផ្សារអឺរ៉ុប ជាពិសេសផ្លែឈើគឺជាមុខទំនិញនាំចេញសំខាន់មួយរបស់វៀតណាមនៅទីផ្សារអឺរ៉ុប។ គេបានរំពឹងថាការនាំចេញផ្លែឈើរបស់វៀតណាមទៅកាន់សហភាពអឺរ៉ុបចាប់ពីពេលនេះដល់ចុងឆ្នាំ ២០២០ នឹងបន្តកើនឡើងថែមទៀតផងដែរ៕
តាម VOV5- វិទ្យុសម្លេងវៀតណាម
