• Vietnamese
    កាសែតរូបភាពវៀតណាមជាភាសាវៀតណាម
  • English
    កាសែតរូបភាពវៀតណាមជាភាសា អង់គ្លេស
  • Français
    កាសែតរូបភាពវៀតណាមជាភាសាបារាំង
  • Español
    កាសែតរូបភាពវៀតណាមជាភាសា អេស្ប៉ាញ
  • 中文
    កាសែតរូបភាពវៀតណាមជាភាសាចិន
  • Русский
    កាសែតរូបភាពវៀតណាមជាភាសារុស្ស៊ី
  • 日本語
    កាសែតរូបភាពវៀតណាមជាភាសាជប៉ុន
  • ລາວ
    កាសែតរូបភាពវៀតណាមជាភាសា ឡាវ
  • 한국어
    កាសែតរូបភាពវៀតណាមជាភាសាកូរ៉េ

ព័ត៌មាន

ក្រសួងនគរបាលកោតសរសើរក្រុមការងារបំពេញបេសកកម្មជួយសង្គ្រោះនៅទួរគី

ថ្នាក់ដឹកនាំក្រសួងនគរបាលបានរៀបចំពិធីទទួលស្វាគមន៍ និងពិធីកោតសរសើរ លើកទឹកចិត្តគណៈប្រតិភូនៅអាកាសយានដ្ឋានអន្តរជាតិ Noi Bai នៃទីក្រុងហាណូយ។
ក្រសួងនគរបាល ប្រគល់ប័ណ្ណសរសើរដល់កម្មាភិបាលនិងយុទ្ធជន ដែលចូលរួមក្នុងប្រតិបត្តិការជួយសង្គ្រោះនៅប្រទេសទួរគី (រូបថត៖ VOV)

បន្ទាប់ពីរយៈពេល១០ថ្ងៃចេញដំណើរទៅបំពេញបេសកកម្មជួយសង្គ្រោះគ្រោះមហន្តរាយរញ្ជួយដីនៅប្រទេសទួរគី រសៀលថ្ងៃទី ១៩ ខែកុម្ភៈ គណៈប្រតិភូនៃក្រសួងនគរបាលវៀតណាមបានបញ្ចប់ដោយជោគជ័យនូវបេសកកម្ម និងធ្វើមាតុភូមិនិវត្តន៍។ ថ្នាក់ដឹកនាំក្រសួងនគរបាលបានរៀបចំពិធីទទួលស្វាគមន៍ និងពិធីកោតសរសើរ លើកទឹកចិត្តគណៈប្រតិភូនៅអាកាសយានដ្ឋានអន្តរជាតិ Noi Bai នៃទីក្រុងហាណូយ។

ក្រុមការងារបានជួយសង្គ្រោះអ្នករស់រានមានជីវិត ១ នាក់ពីតំបន់បាក់ស្រុត; ស្វែង រក យកសាកសពជនរងគ្រោះចំនួន ១៤ នាក់ចេញពីកន្លែងតំបន់គ្រោះថ្នាក់ ហើយប្រគល់ឱ្យអាជ្ញាធរសុខាភិបាលមូលដ្ឋាន។ ក្នុងពេលជាមួយគ្នានេះ បានផ្ទេរឧបករណ៍វេជ្ជសាស្ត្រជិត ២ តោន របស់ក្រសួងនគរបាលវៀតណាម ទៅកាន់ទីភ្នាក់ងារសម្របសម្រួលជាតិទួរគី និងទៅកាន់មន្ទីរសុខភាពទីក្រុង Adiyaman។ គណៈប្រតិភូបានចុះសួរសុខទុក្ខ ផ្តល់អំណោយ និងលើកទឹកចិត្តដល់ប្រជាពលរដ្ឋដែលរងគ្រោះយ៉ាងធ្ងន់ធ្ងរដោយគ្រោះរញ្ជួយដី រួមទាំងគ្រួសារវៀតណាមមួយចំនួនផងដែរ។ វរសេនីយ៍ត្រី Nguyen Van Can សមាជិកនៃក្រុមបេសកកម្មជួយសង្គ្រោះវៀតណាមបានចែក រំលែកថា៖ “នៅពេលធ្វើការជាមួយកងកម្លាំងសង្គ្រោះ មិត្តភក្តិអន្តរជាតិវាយតម្លៃខ្ពស់ចំពោះតួនាទីរបស់វៀតណាម ព្រោះយើងបាននាំយកឧបករណ៍ទំនើបៗ និងបម្រើការងារប្រកបដោយប្រសិទ្ធភាព លើការងារត្រួសត្រាយផ្លូវ ស្វែងរកជនរងគ្រោះ និងយកជនរងគ្រោះចេញទៅខាងក្រៅវិញ។ ក្នុងក្រសែភ្នែករបស់មិត្តភក្តិអន្តរជាតិ កងកម្លាំងជួយសង្គ្រោះវៀតណាមបានបង្ហាញពីវិជ្ជាជីវៈ ការប្តេជ្ញាចិត្ត និងសមត្ថភាពក្នុងការងារជួយសង្គ្រោះ”។

តាងនាមឱ្យស្ថានទូតទួរគីប្រចាំនៅវៀតណាម លោកស្រី Devletsah Yayan ឯកអគ្គរដ្ឋទូតរងបានថ្លែងអំណរគុណយ៉ាងជ្រាលជ្រៅចំពោះរដ្ឋាភិបាលវៀតណាម ជាពិសេសក្រសួងនគរបាលវៀតណាមដែលបានបញ្ជូនក្រុមជួយសង្គ្រោះយ៉ាងឆាប់រហ័សទៅកាន់ប្រទេសទួរគី។ ក្នុងឱកាសនេះ រដ្ឋមន្ត្រីក្រសួងនគរបាល បានប្រគល់ប័ណ្ណសរសើរជូនដល់កម្មាភិបាលនិងយុទ្ធជនចំនួន ២៤ រូប ដែលបានបំពេញល្អបេសកម្មជួយសង្គ្រោះ និងជំនួយមនុស្សធម៌នៅប្រទេសទួរគី៕

តាម​ VOV5 - វិទ្យុសម្លេងវៀតណាម

អគ្គលេខាបក្ស លោក Nguyen Phu Trong អញ្ជើញទទួលជួបជាមួយលេខាគណៈកម្មាធិការបក្សតំបន់ស្វ័យត Guangxi ប្រទេសចិន

អគ្គលេខាបក្ស លោក Nguyen Phu Trong អញ្ជើញទទួលជួបជាមួយលេខាគណៈកម្មាធិការបក្សតំបន់ស្វ័យត Guangxi ប្រទេសចិន

នារសៀលថ្ងៃទី ៣១ មីនា នៅទីស្នាក់ការគណៈកម្មាធិការមជ្ឈិមបក្ស អគ្គលេខាបក្ស លោក Nguyen Phu Trong បានអញ្ជើញទទួលជួបជាមួយលោក Liu Ninh លេខាគណៈកម្មាធិការបក្សនៃតំបន់ស្វយ័ត Guangxi Zhuang ប្រទេសចិនដែលកំពុងបំពេញទស្សនកិច្ចនៅវៀតណាម។

Top