នៅក្នុងកិច្ចសន្ទនានេះ ភាគីទាំងពីរមានសេចក្តីសោមនស្សរីករាយក្នុងការកត់ សម្គាល់ថា ទំនាក់ទំនងវៀតណាម - អាមេរិកបានបន្តអភិវឌ្ឍយ៉ាងស៊ីជម្រៅ និងជាក់ស្តែងលើគ្រប់ទិដ្ឋភាពទាំងបីគឺ ទ្វេភាគី តំបន់ និងអន្តរជាតិ ដោយឈរលើគោល ការណ៍គោរពឯករាជ្យ អធិបតេយ្យភាព បូរណភាពទឹកដី និងរបៀបរបបនយោ បាយរបស់គ្នាទៅវិញទៅមក។ អនុរដ្ឋមន្ត្រីលោក Ha Kim Ngoc បានអះអាងថា វៀតណាមជានិច្ចកាលចាត់ទុកអាមេរិកជាដៃគូដ៏សំខាន់បំផុតមួយ ហើយឧបការីរដ្ឋមន្ត្រីការបរទេស Jessica Lewis បានអះអាងសារជាថ្មីថា អាមេរិកជានិច្ចកាលគាំទ្រវៀតណាមរឹងមាំ ឯករាជ្យ និងវិបុលភាព។
ដោយពិភាក្សាអំពីបញ្ហាអន្តរជាតិ និងតំបន់មួយចំនួនដែលមានការព្រួយបារម្ភទៅវិញទៅមក ភាគីអាមេរិកបានបញ្ជាក់ពីការគាំទ្ររបស់ខ្លួនចំពោះមតិឯកភាព និងតួនាទីកណ្តាលរបស់អាស៊ានក្នុងស្ថាបត្យកម្មសន្តិសុខក្នុងតំបន់។ ភាគីទាំងពីរបានឯកភាពថា ចាំបាច់ត្រូវអនុវត្តវិធានការប្រកបដោយភាពច្នៃប្រឌិត និងសំខាន់ ដើម្បីជំរុញភាពជាដៃគូមេគង្គ-អាមេរិកនាពេលខាងមុខ៕
