អនុរដ្ឋមន្រ្តីក្រសួងការបរទេសនិងជាប្រធានគណៈកម្មាធិការព្រំដែនជាតិវៀតណាម លោក Le Hoai Trung និងរដ្ឋលេខាធិការក្រសួងមហាផ្ទៃកម្ពុជា លោក សុខផល (រូបថត៖ baoquocte.vn)
នាថ្ងៃទី៩ ខែមករា ឆ្នាំ២០២០ នៅទីក្រុងហាណូយ បានប្រព្រឹត្តទៅកិច្ចប្រជុំជុំទី ១ ស្តីពីច្រកទ្វារព្រំដែនគោកវៀតណាម - កម្ពុជា។ អញ្ជើញចូលរូមកិច្ចប្រជុំនេះមានវត្តមានរបស់អនុរដ្ឋមន្រ្តីក្រសួងការបរទេសនិងជាប្រធានគណៈកម្មាធិការព្រំដែនជាតិវៀតណាម លោក Le Hoai Trung និងរដ្ឋលេខាធិការក្រសួងមហាផ្ទៃកម្ពុជា លោកសុខផល។
ក្នុងកិច្ចប្រជុំនេះ ភាគីទាំងពីរបានវាយតម្លៃចំពោះស្ថានភាពនៃប្រតិបត្តិការក្នុងប្រព័ន្ធច្រកទ្វារព្រំដែនគោកវៀតណាម - កម្ពុជា ហើយបានឯកភាពគ្នាថាប្រព័ន្ធច្រកទ្វារព្រំដែនកាន់តែអភិវឌ្ឍន៍បានល្អ ដោយរួមចំណែកក្នុងការជម្រុញសកម្មភាពសេដ្ឋកិច្ច ពាណិជ្ជកម្ម សេវាកម្ម និងវិនិយោគរបស់បណ្តាខេត្តជាប់ព្រំដែន ព្រមទាំងលើកកំពស់នូវជីវភាពរស់នៅរបស់ប្រជាជន នៅតាមតំបន់ព្រំដែនផងដែរ។ ទន្ទឹមនឹងនេះ ភាគីទាំងពីរចាំបាច់ត្រូវបន្តសុក្រឹត្យនូវច្រកទ្វារព្រំដែនដើម្បីឆ្លើយតបនឹងតម្រូវការនៃការធ្វើកំណើររបស់ប្រជាជន ការជួញដូរទំនិញនិងមធ្យោបាយដឹកជញ្ជូន ដែលកំពុងកើនឡើងពីមួយថ្ងៃទៅមួយថ្ងៃ តាមរយៈច្រកទ្វារព្រំដែននៃប្រទេសទាំងពីរផងដែរ។
ដើម្បីបង្កលក្ខណៈងាយស្រួលក្នុងកិច្ចសហការអនុវត្តការងារព្រំដែនក្នុងស្ថានភាពថ្មី ភាគីទាំងពីរបានឯកភាពគ្នាធ្វើសេចក្តីរាយការណ៍ដាក់ជូនរដ្ឋាភិបាលនៃប្រទេសទាំងពីរ ដើម្បីអនុញ្ញាតិអោយមានការសម្របសម្រួលគ្នាកសាងសេចក្តីព្រាងនៃ“ កិច្ចព្រមព្រៀងស្តីពីច្រកទ្វារព្រំដែន និងនីតិវីធីក្នុងការគ្រប់គ្រងច្រកទ្វារព្រំដែនគោករវាងវៀតណាម និងកម្ពុជា” ផងដែរ៕
តាម VOV5 - វិទ្យុសំឡេងវៀតណាម
