គណៈកម្មាធិការមជ្ឈិមបក្សនីតិកាលទី ១៤ បង្ហាញមុខចំពោះមហាសន្និបាត។ រូបថត៖ TTXVN

នាថ្ងៃទី ២៥ ខែមករា កាសែត Le Monde (បារាំង) បានចុះផ្សាយអត្ថបទមួយដែលបញ្ជាក់ថា អគ្គលេខាបក្ស លោក តូ ឡឹម បានបន្សល់ទុកនូវសញ្ញាសម្គាល់ដ៏រឹងមាំ តាមរយៈការផ្តួចផ្តើមកម្មវិធីកំណែទម្រង់យ៉ាងទូលំទូលាយនូវក្បាល់ម៉ាស៊ីនរដ្ឋ និងធ្វើទំនើបកម្មសេដ្ឋកិច្ច ដោយប្តេជ្ញាបើកចេញយុគសម័យថ្មី - "យុគសម័យនៃការស្ទុះឈានទៅមុខរបស់ជាតិ"។

អត្ថបទបានបញ្ជាក់ថា នៅក្នុងមហាសន្និបាតលើកទី១៤ នៃបក្សកុម្មុយនិស្តវៀតណាម គណៈកម្មាធិការមជ្ឈិមបកុ្សនីតិកាលទី១៤ បានបោះឆ្នោតជ្រើសតាំងលោក តូ ឡឹម បន្តកាន់តំណែងជាអគ្គលេខាបក្ស ជាមួយនឹងការទទួលខុសត្រូវរួមជាមួយបក្សទាំងមូល និងប្រជាជនទាំងមូល ដើម្បីសម្រេចបាននូវគោលដៅធ្វើឱ្យវៀតណាមក្លាយជាប្រទេសរីកចម្រើន និងអភិវឌ្ឍនៅឆ្នាំ២០៤៥។ ចំណុចសំខាន់នៃយុទ្ធសាស្ត្រនេះគឺគោលដៅនៃកំណើនសេដ្ឋកិច្ច ១០% នៅឆ្នាំ២០៣០ ដែលជាខួបលើកទី១០០ នៃការបង្កើតបក្សកុម្មុយនិស្តវៀតណាម (១៩៣០-២០៣០) តាមរយៈគម្រោងហេដ្ឋារចនាសម្ព័ន្ធដ៏ធំសម្បើម "ការជំរុញបច្ចេកវិទ្យា" ទ្រង់ទ្រាយធំ និងការរីកចម្រើននៃសាជីវកម្មវៀតណាមដែលមានឋានៈពិភពលោក នៅលើឆាកអន្តរជាតិ៕