ដោយវាយតម្លៃពីការរួមបញ្ចូលគ្នានៃអង្គភាពរដ្ឋបាលរបស់វៀតណាមនោះ លោកស្រី Rachel Isenschmid លេខាធិកានៃវេទិកាសេដ្ឋកិច្ចស្វីស-វៀតណាម (SVEF) បាននិយាយថា ការកែសម្រួលលើកនេះ គឺជាការបោះជំហានដ៏ខ្លាំងក្លា និងចាំបាច់ ក្នុងបរិបទដែលវៀតណាមកំពុងឆ្ពោះទៅរកគំរូអភិវឌ្ឍន៍ប្រកបដោយចីរភាព ប្រសិទ្ធ ភាព និងមានសមត្ថភាពប្រកួតប្រជែងខ្ពស់ជាងមុន។ ការអនុវត្តគំរូអាជ្ញាធរមូលដ្ឋាន ពីរកម្រិត បានបង្កើតអង្គភាពរដ្ឋបាល-សេដ្ឋកិច្ចទ្រង់ទ្រាយធំ ជួយបង្កើនការប្រកួត ប្រជែងក្នុងតំបន់ និងកាត់បន្ថយការបែកខ្ញែកធនធាន។ យោងតាមលោកស្រី Isenschmid កិច្ចខិតខំប្រឹងប្រែងនេះមានសារៈសំខាន់ខ្លាំងណាស់ក្នុងដំណើរការទាក់ទាញការវិនិយោគអន្តរជាតិ។ នៅពេលដែលមូលដ្ឋានមាន ទំហំទីផ្សារធំជាមួយនឹងយុទ្ធសាស្ត្រអភិវឌ្ឍន៍កាន់តែច្បាស់ ពួកគេនឹងមានឱកាសក្នុង ការកសាងគំរូសហប្រតិបត្តិការរដ្ឋ-ឯកជនដែលមានប្រសិទ្ធភាពជាងមុន ស្របតាម ស្តង់ដារអន្តរជាតិ។
SVEF ក៏បានមើលឃើញពីសក្ដានុពលនៃការបង្កើតតំបន់សហប្រតិបត្តិការឆ្លង ដែនរវាងខេត្តក្រុងនានារបស់វៀតណាមជាមួយដៃគូស្វីស និងអន្តរជាតិ ជាពិសេសក្នុង វិស័យហិរញ្ញវត្ថុបៃតង ការផលិតបច្ចេកវិទ្យាខ្ពស់ ការបណ្តុះបណ្តាលវិជ្ជាជីវៈ និងការ ចាប់ផ្តើមអាជីវកម្មប្រកបដោយនវានុវត្តន៍ផងដែរ៕
