កម្មវិធីសិល្បៈពិសេសក្រោមប្រធានបទ “ផ្កាយឯករាជ្យ” បានប្រព្រឹត្តទៅនា យប់ថ្ងៃទី១ ខែកញ្ញា ឆ្នាំ២០១៨ នៅ​រោង​ល្ខោនហាណូយ។ អញ្ជើញចូលរួមកម្មវិធីនេះមាន វត្តមានរបស់លោក Hoang Trung Hai លេខាគណៈ កម្មាធិការបក្សទីក្រុង ហាណូយ និងលោក Phan Dinh Trac ប្រធានគណៈកម្មាធិការកិច្ចការផ្ទៃក្នុងមជ្ឈឹម។

ឈុតសម្ដែងសិល្បៈមួយក្នុងកម្មវិធី (រូបថត៖ TTXVN)

តាមរយៈឈុតសម្ដែងសិល្បៈដ៏វិសេសវិសាល កម្មវិធីនេះបានឆ្លុះបញ្ចាំងអំពី ប្រទេសវៀតណាមមួយដែលពោរពេញទៅដោយសេចក្ដីប្រាថ្នាអំពីសុខសន្តិភាព ឯករាជ្យ ដើម្បីកសាងមាតុប្រទេស។

នៅកម្មវិធីនេះ បណ្ដាទស្សនិកជន ក្នុងនោះមានមិត្តវ័យក្មេងជាច្រើនបានជួបប្រាស្រ័យជាមួយសាក្សីប្រវត្តិសាស្ត្រមួយចំនួន ដែលជួយគេយល់ដឹងនិងមានមោទនភាពបន្ថែមអំពីតំលៃប្រវត្តិសាស្ត្រដ៏មហិមារនៃបដិវត្តន៍​ ខែសីហា។ ប្អូន  Nguyen Trung Duc មកពីមហាវិទ្យាល័យជាតិហាណូយបានចែករំលែកថា៖

“ក្នុងបរិបទដែលប្រទេសជាតិកំពុងផ្លាស់ប្ដូរថ្មីយ៉ាងខ្លាំងក្លា ដើម្បីធ្វើសមាហរណកម្មនិងអភិវឌ្ឍន៍នោះ ជាងពេលណាៗ ទាំងអស់ ជំនាន់វ័យក្មេងចាំបាច់ត្រូវប្រែក្លាយចំណេះដឹងរបស់ខ្លួនទៅជាសកម្មភាពជាក់ស្ដែង។ នៅចំពោះមុខបដិវត្តន៍ឧស្សាហកម្ម៤.០ ខ្ញុំជឿជាក់យ៉ាងមុតមាំថា យុវវ័យវៀតណាមនឹងរួមដៃគ្នា កសាង ការពារនិងអភិវឌ្ឍន៍ប្រទេសជាតិឲ្យកាន់តែសម្បូររុងរឿងពីមួយថ្ងៃទៅមួយថ្ងៃ”៕

តាម VOV5 - វិទ្យុសម្លេងវៀតណាម