រួមជាមួយអង្គភាពយោធានិងស៊ីវិលអន្តរជាតិ និងកងកម្លាំងរក្សាសន្តិភាពមកពីប្រទេសជាច្រើន យុទ្ធជននៃកងវិស្វកម្មរលេខ៣របស់វៀតណាម បានចូលរួមក្នុងយុទ្ធនាការឃោសនាអំពីអនាម័យបរិស្ថាន រួមទាំងពិធីបើកការដង្ហែក្បួនដើម្បីបរិស្ថាន រួមជាមួយនឹងការប្រមូលសំរាម និងការដាំដើមឈើនៅតាមដងផ្លូវក្នុងស្ថានបេសកកម្ម។ កងវិស្វកម្មលេខ៣ ក៏បានចូលរួមប្រមូលកាកសំណល់ផ្លាស្ទិកនៅតំបន់ផ្សារ Mul Mul ជាតំបន់មានប្រជាជនរស់នៅច្រើនកុះករ ដែលតែងតែមានកាកសំណល់ជាប្រចាំ។

កងវិស្វកម្មលេខ ៣ ចូលរួមពិធីបំផុសទិវាបរិស្ថានពិភពលោកនៅបេសកកម្ម UNISFA ។ រូបភាព៖ នាយកដ្ឋានរក្សាសន្តិភាព

លោកវរសេនីយ៍ឯក Nguyen Duy Nam ប្រធានក្រុមភស្តុភារនៃកងវិស្វកម្មលេខ៣ បានឲ្យដឹងថា៖ “សកម្មភាពជួយជ្រោមជ្រែងទិវាបរិស្ថានពិភពលោកថ្ងៃនេះ បានបង្ហាញយ៉ាងច្បាស់ពីការប្តេជ្ញាចិត្តរបស់កងវិស្វកម្ម លេខ ៣ មិនត្រឹមតែក្នុងការអនុវត្តបេសកកម្មរក្សាសន្តិភាពប៉ុណ្ណោះទេ ប៉ុន្តែ ថែមទាំងរួមចំណែកដល់កិច្ចខិតខំប្រឹងប្រែងរួមរបស់សហគមន៍អន្តរជាតិក្នុងការការពារបរិស្ថានទៀតផង។ តាមនោះ យើងចង់បង្ហាញសារថា ការរក្សាសន្តិភាពត្រូវផ្សារភ្ជាប់យ៉ាងជិតស្និទ្ធទៅនឹងការអភិរក្សភពផែនដី - ប្រការជាក់ស្តែង និងមានអត្ថន័យមនុស្សសាស្ត្រ”។

កងវិស្វកម្មលេខ៣ ដាំដើមឈើ។ រូបភាព៖ នាយកដ្ឋានរក្សាសន្តិភាព

ក្នុងនាមជាអ្នកចូលរួមលើកដំបូង អនុសេនីយ៍ឯក Nguyen Thi Thuy Ha កងវិស្វកម្មលេខ៣ បានចែករំលែកថា៖ “ក្នុងនាមជាយោធិនស្ត្រីម្នាក់ដែលចូលរួមសកម្មភាពបរិស្ថានក្នុងតំបន់ដ៏លំបាកនេះ ខ្ញុំមានមោទនភាពយ៉ាងខ្លាំងដែលអាចរួមចំណែកមួយផ្នែកតូច ដល់បុព្វហេតុធំ គឺការថែរក្សាពណ៌បៃតងនៃបរិស្ថាន។ ដោយចូលរួមក្នុងសកម្មភាពថ្ងៃនេះ ខ្ញុំបានយល់យ៉ាងច្បាស់ពីទំនាក់ទំនងរវាងមិត្តរួមក្រុម និងជាពិសេសការយកចិត្តទុកដាក់និងការចូលរួមរបស់ប្រជាជនក្នុងតំបន់ ជាពិសេសកុមារ។ ក្រសែភ្នែកដ៏អន្ទះសារនៅពេលដាំដើមឈើជាមួយពួកយើង បានផ្តល់កម្លាំងចិត្តបន្ថែមទៀតសម្រាប់យើងខ្ញុំ”។

ក្រៅពីសកម្មភាពជួយជ្រោមជ្រែងទិវាបរិស្ថានពិភពលោក កងវិស្វកម្មលេខ៣ បានចូលរួមចំណែកសំខាន់ៗជាច្រើន ក្នុងការលើកកម្ពស់ការយល់ដឹង និងកែលម្អជីវភាពរស់នៅរបស់ប្រជាជន Abyei។ តាមរយៈសកម្មភាពទាំងនេះ កងវិស្វកម្មលេខ៣ មិនត្រឹមតែបង្កើតសញ្ញាសម្គាល់ជាកងកម្លាំងរក្សាសន្តិភាពប្រកបដោយវិជ្ជាជីវៈប៉ុណ្ណោះទេ ថែមទាំងតំណាងឱ្យរូបភាពប្រទេសវៀតណាម ដើម្បីសន្តិភាព បរិស្ថាន និងសហគមន៍ផងដែរ៕