អញ្ជើញពិភាក្សាជាមួយអ្នកវិទ្យាសាស្ត្រ និងអ្នកជំនាញអន្តរជាតិ លោកអគ្គលេខាបក្សតូ ឡឹមបានសង្កត់ធ្ងន់ថា វៀតណាមកំណត់វិទ្យាសាស្ត្រ បច្ចេកវិទ្យា និងនវានុវត្តន៍ជាគោលនយោបាយជាតិកំពូល ជារបកគំហើញយុទ្ធសាស្ត្រនិងជាកម្លាំងចលករសំខាន់ ដើម្បីបង្កើតភាពលោតផ្លោះអំពីផលិតភាព គុណភាព និងប្រសិទ្ធភាព ដែលជាកត្តាសម្រេចចិត្តលើកកំពស់សមត្ថភាពប្រកួតប្រជែងជាតិ និងការអភិវឌ្ឍប្រកបដោយ ចីរភាព។ អគ្គលេខាបក្ស លោក តូ ឡឹម បានស្នើឱ្យអ្នកវិទ្យាសាស្ត្រ និងអ្នកជំនាញអន្តរជាតិបន្តសហការយ៉ាងជិតស្និទ្ធ និងសកម្មជួយវៀតណាម លើវិស័យដូចជា៖ ប្រឹក្សាយោបល់លើគោលនយោបាយអភិវឌ្ឍន៍ វិទ្យាសាស្ត្រនិងបច្ចេកវិទ្យាថ្មី និងជ្រើសរើសទិសដៅវិនិយោគសមស្រប; គាំទ្រដល់ការបណ្តុះបណ្តាលធនធានមនុស្សដែលមានគុណភាពខ្ពស់ ដើម្បីបម្រើដល់យុទ្ធសាស្ត្រអភិវឌ្ឍន៍ឧស្សាហកម្មបញ្ញាសិប្បនិមិត្ត និងបន្ទះឈីប semiconductor; ជំរុញការបង្កើតនិងអភិវឌ្ឍន៍មជ្ឈមណ្ឌលនវានុវត្តន៍ប្រកបដោយផលិតភាពខ្ពស់ និងតភ្ជាប់វៀតណាមជាមួយសាជីវកម្មបច្ចេកវិទ្យាឈានមុខគេនិងទីផ្សារអន្តរជាតិ។

រីឯខ្លួនវិញ អ្នកវិទ្យាសាស្ត្រនិងអ្នកជំនាញអន្តរជាតិវាយតម្លៃខ្ពស់ចំពោះចក្ខុវិស័យ ទិសដៅនិងការប្តេជ្ញាចិត្តរបស់វៀតណាមក្នុងការអភិវឌ្ឍនិងប្រើប្រាស់វិទ្យាសាស្ត្រ បច្ចេកវិទ្យានិង នវានុវត្តន៍; វាយតម្លៃខ្ពស់ចំពោះសក្តានុពលនៃកិច្ចសហប្រតិបត្តិការរវាងសាជីវកម្មបច្ចេកវិទ្យាធំៗ និង សហគមន៍ធុរកិច្ចវៀតណាមក្នុងវិស័យស្រាវជ្រាវ និងអនុវត្តបច្ចេកវិទ្យាថ្មី។

អ្នកវិទ្យាសាស្ត្រក៏បានលើកឡើងនូវគំនិតនិងសំណើលើបញ្ហានៃការកសាងប្រព័ន្ធអេកូឡូស៊ីបញ្ញាសិប្បនិមិត្ត (AI) ការបំប្លែងថាមពល សេដ្ឋកិច្ចបៃតង សេដ្ឋកិច្ចឌីជីថល ការស្រាវជ្រាវនិងការអភិវឌ្ឍន៍ ការបណ្តុះបណ្តាលធនធានមនុស្ស ការប្រើប្រាស់បច្ចេកវិទ្យាក្នុងវិស័យកសិកម្ម ការដឹកជញ្ជូន ... ដើម្បីនាំវៀតណាមកន្លាយទៅជាចំណុចភ្លឺក្នុងវិស័យបច្ចេកវិទ្យាថ្មីក្នុងតំបន់និងពិភពលោក៕