ថ្លែងមតិក្នុងជំនួបជាមួយឯកអគ្គរដ្ឋទូតវិសាមញ្ញ និងពេញសមត្ថភាពនៃសាធា រណៈរដ្ឋប្រជាមានិតចិនប្រចាំនៅវៀតណាម លោក He Wei ដែលមកជូនសារតាំង និងសម្តែងការគួរសមនោះ លោកអគ្គលេខាបក្ស ប្រធានរដ្ឋ តូ ឡឹម បានសម្ដែងការ ជឿជាក់ថា លោកឯកអគ្គរដ្ឋទូត He Wei ក្នុងអាណត្តិនៅវៀតណាម នឹងបំពេញបាន ល្អនូវតួនាទីជាស្ពានដ៏សំខាន់ រួមចំណែកជាក់ស្តែងក្នុងការជំរុញបុព្វហេតុមិត្តភាព និងកិច្ចសហប្រតិបត្តិការលើគ្រប់ជ្រុងជ្រោយរវាងបក្សទាំងពីរ និងប្រទេសទាំងពីរ។ លោកអគ្គលេខាបក្ស ប្រធានរដ្ឋ បានសង្កត់ធ្ងន់ថា បក្ស រដ្ឋ និងប្រជាជនវៀតណាម យកចិត្តទុកដាក់យ៉ាងខ្ជាប់ខ្ជួនចំពោះការអភិវឌ្ឍទំនាក់ទំនងមិត្តភាពជាប្រពៃណី និង ភាពជាដៃគូសហប្រតិបត្តិការយុទ្ធសាស្ត្រលើគ្រប់ជ្រុងជ្រោយជាមួយចិន ដោយចាត់ ទុកនេះជាជម្រើសយុទ្ធសាស្ត្រ ជាអាទិភាពចម្បងក្នុងគោលនយោបាយកិច្ចការបរ ទេសរួមរបស់វៀតណាម។
លោកឯកអគ្គរដ្ឋទូត He Wei បានអះអាងថា ក្នុងតួនាទីជាឯកអគ្គរដ្ឋទូតចិន ប្រចាំនៅវៀតណាម លោកនឹងជំរុញទំនាក់ទំនងដៃគូសហប្រតិបត្តិការយុទ្ធសាស្ត្រ លើគ្រប់ជ្រុងជ្រោយរវាងប្រទេសទាំងពីរ; ជំរុញឲ្យបណ្ដាក្រសួង ផ្នែក និងមូលដ្ឋាន របស់ចិនសម្របសម្រួលជាមួយភាគីវៀតណាម ដើម្បីអនុវត្តន៍យ៉ាងជាក់ស្ដែងនិង ជ្រួតជ្រាបគ្រប់ជ្រុងជ្រោយនូវការយល់ដឹងរួមកម្រិតខ្ពស់ និងកិច្ចព្រមព្រៀងដែលបាន ចុះហត្ថលេខាដោយភាគីទាំងពីរ; បន្តបង្កើនការជួបប្រាស្រ័យជាន់ខ្ពស់ជាប្រចាំ ដើម្បី ពង្រឹងទំនុកចិត្តនយោបាយ។; ពង្រីកកិច្ចសហប្រតិបត្តិការជាក់ស្តែងក្នុងវិស័យការពារ ជាតិ និងសន្តិសុខ; ធ្វើឲ្យស៊ីជម្រៅ និងពង្រីកកិច្ចសហប្រតិបត្តិការសេដ្ឋកិច្ច វប្បធម៌ និងសង្គម; ជំរុញការផ្លាស់ប្តូរមិត្តភាពរវាងប្រជាជន និងប្រជាជន; រក្សាការសម្រប សម្រួលយ៉ាងជិតស្និទ្ធនៅយន្តការពហុភាគី និងវេទិកាអន្តរជាតិ; រួមគ្នាគ្រប់គ្រង និងដោះស្រាយការខ្វែងគំនិតគ្នានៅសមុទ្រកាន់តែល្អជាងមុន។
ទទួលជួបឯកអគ្គរដ្ឋទូតអូទ្រីស លោក Philippo Agathonnos អគ្គលេខាបក្ស ប្រធានរដ្ឋវៀតណាមលោក តូ ឡឹម បានឲ្យដឹងថា វៀតណាមជានិច្ចកាលយកចិត្ត ទុកដាក់ដល់ការអភិវឌ្ឍទំនាក់ទំនងមិត្តភាពនិងកិច្ចសហប្រតិបត្តិការប្រពៃណីជាមួយប្រទេសអូទ្រីស; ស្នើឲ្យលោកឯកអគ្គរដ្ឋទូតជំរុញការផ្លាស់ប្តូរគណៈប្រតិភូគ្រប់ជាន់ ថ្នាក់ ជាពិសេសថ្នាក់ជាន់ខ្ពស់ ដើម្បីពង្រឹងទំនុកចិត្តផ្នែកនយោបាយ តាមនោះបង្កើត កម្លាំងចលករសម្រាប់កិច្ចសហប្រតិបត្តិការយ៉ាងទូលំទូលាយលើគ្រប់វិស័យ។ ទន្ទឹម នឹងនោះ សម្របសម្រួលយ៉ាងជិតស្និទ្ធ ទាញយកប្រកបដោយប្រសិទ្ធភាព នូវផល ប្រយោជន៍នៃកិច្ចព្រមព្រៀងពាណិជ្ជកម្មសេរីវៀតណាម-សហភាពអឺរ៉ុប (EVFTA); លើកទឹកចិត្ត និងបង្កើតលក្ខខណ្ឌសម្រាប់អង្គភាពអាជីវកម្មអូទ្រីស បង្កើនកិច្ចសហ ប្រតិបត្តិការ ការវិនិយោគ និងផ្ទេរបច្ចេកវិទ្យាទៅឲ្យវៀតណាម; ជំរុញ និងចលនា រដ្ឋសភាអូទ្រីសឱ្យឆាប់បញ្ចប់នីតិវិធីផ្តល់សច្ចាប័នលើកិច្ចព្រមព្រៀងការពារការ វិនិយោគ EU-វៀតណាម (EVIPA)៕
