ក្នុងសម័យសួរដេញដោលរដ្ឋមន្ត្រីក្រសួងហិរញ្ញវត្ថុ លោក Nguyen Van Thang ខ្លឹមសារដែលសមាជិករដ្ឋសភាយកចិត្តទុកដាក់គឺផ្តោតទៅលើក្រុមបញ្ហា៖ ការងារ ហិរញ្ញវត្ថុដើម្បីអភិវឌ្ឍន៍សេដ្ឋកិច្ចសង្គម ធានាគោលដៅកំណើន; ប្រសិទ្ធភាពប្រតិបត្តិ ការរបស់សហគ្រាសរដ្ឋ; ការអភិវឌ្ឍសេដ្ឋកិច្ចឯកជន; ការទាក់ទាញការវិនិយោគផ្ទាល់ ពីបរទេស (FDI) ... ឆ្លើយសំណួរដេញដោលទាក់ទិននឹងដំណោះស្រាយទាក់ទាញ FDI នោះ លោករដ្ឋមន្ត្រី Nguyen Van Thang បានបញ្ជាក់ថា៖
“យុទ្ធសាស្ត្ររបស់វៀតណាមគឺផ្លាស់ប្តូរការផ្តោតសំខាន់ពីអនុគ្រោះពន្ធ ទៅការលើកកំពស់គុណភាពនៃបរិយាកាសវិនិយោគ និងសេវាកម្មគាំទ្រ ផ្តោតលើការអភិវឌ្ឍ ហេដ្ឋារចនាសម្ព័ន្ធសម្រាប់សួនឧស្សាហកម្ម និងតំបន់សេដ្ឋកិច្ច ធានាប្រភពផ្គត់ផ្គង់ អគ្គីសនី មូលនិធិដីស្អាត និងធនធានមនុស្សគុណភាពខ្ពស់។ ទន្ទឹមនឹងនោះ កែទម្រង់ យ៉ាងខ្លាំងក្លានូវនីតិវិធីរដ្ឋបាលក្រោយការផ្តល់អាជ្ញាប័ណ្ណ ដើម្បីកាត់បន្ថយពេលវេលា ដាក់ពង្រាយគម្រោងសម្រាប់សហគ្រាស FDI។ ទាញយកប្រយោជន៍ពី FTA ចំនួន ១៧ ដែលបានចុះហត្ថលេខាដើម្បីពង្រីកទីផ្សារ; ខិតខំប្រឹងប្រែងធ្វើពិពិធកម្មទីផ្សារ នាំចេញ។ រួមជាមួយគ្នានោះ បន្តពង្រីកភាពជាដៃគូយុទ្ធសាស្ត្រ និងភាពជាដៃគូយុទ្ធ សាស្ត្រគ្រប់ជ្រុងជ្រោយជាមួយបណ្តាប្រទេសឈានមុខគេលើពិភពលោក; ចូលរួម ក្នុងគំនិតផ្តួចផ្តើមសន្ទនាជាមួយវិនិយោគិន។ តាមរយៈកិច្ចសន្ទនា និងកិច្ចសហប្រតិ បត្តិការពហុភាគី វៀតណាមអាចស្វែងរកការជួយឧបត្ថម្ភផ្នែកបច្ចេកទេស ដើមទុន និងបទពិសោធន៍ពីដៃគូនានា ព្រមទាំងផ្សព្វផ្សាយរូបភាពរបស់វៀតណាមនោះគឺ នវានុវត្តន៍ និងភាពរួសរាយរាក់ទាក់ចំពោះវិនិយោគិនផងដែរ”។
អំពីការអនុវត្តគោលដៅអភិវឌ្ឍន៍សហគ្រាសទាំងបរិមាណ និងគុណភាពក្នុង រយៈពេលខាងមុខ ជាពិសេសគោលដៅមានសហគ្រាសចំនួន ២ លាននៅឆ្នាំ ២០៣០ នោះ លោករដ្ឋមន្ត្រី Nguyen Van Thang បានស្នើរដំណោះស្រាយសំខាន់ៗចំនួន ៣ ក្រុមរួមមាន៖ ការស្ថាបនាបរិយាកាសអាជីវកម្មអំណោយផល តម្លាភាព និងប្រសិទ្ធ ភាព; ជំរុញដំណើរការផ្លាស់ប្តូរអាជីវកម្មលក្ខណៈគ្រួសារទៅជាសហគ្រាស និងលើកកំពស់សមត្ថភាពប្រកួតប្រជែងរបស់សហគ្រាស៕
