រូបថត
លោកស្រីសាស្រ្តាចារ្យរង បណ្ឌិត ង្វៀន ធីត្រឹម (Nguyen Thi Tram) នារីវិទ្យាសាស្រ្តសិក្សាបង្កើតពូជស្រូវបង្កាត់ មានតម្លៃពាន់លានដុង
បានស្គាល់ជាអ្នកលក់កម្មសិទ្ធិពូជស្រូវបង្កាត់ច្រើនបំផុត នៅប្រទេសវៀតណាម លោកស្រីសាស្រ្តាចារ្យរង បណ្ឌិត ង្វៀន ធីត្រឹម (Nguyen Thi Tram) បង្កើតពូជស្រូវបង្កាត់រាប់សិបប្រភេទ ផ្តល់ទិន្នផល គុណភាពខ្ពស់ សម្រាប់ប្រជាកសិករ ដំណាលនោះ ក៏រកបានប្រាក់ចំណូលរាប់សិបពាន់លានដុងសម្រាប់រដ្ឋ មកពីការលក់ពូជស្រូវ ជាកិត្តិយសសម្រាប់វិស័យកសិកម្មវៀតណាម។
ផ្តើមចេញពីកិច្ចសន្យាផ្ទេរ “យក្ស” ...
នៅខែមិថុនា ឆ្នាំ២០០៨ លោកស្រីសាស្រ្តាចារ្យរង បណ្ឌិត ង្វៀន ធីត្រឹម (Nguyen Thi Tram) ល្បីទូទាំងមជ្ឈដ្ឋានវិទ្យាសាស្រ្ត ពេលដែលផ្ទេរជោគជ័យនូវពូជស្រូវបង្កាត់ TH3-3 នេះ ប្រគល់ឱ្យក្រុមហ៊ុនទទួលខុសត្រូវមានកម្រិត គឿងតឹន (Cuong Tan) (ណាមឌិញ - Nam Dinh) ដោយតម្លៃចំនួន ១០ ពាន់លានដុង។ ព័ត៌មាននេះ ជាការលើកទឹកចិត្តដ៏ធំមួយ សម្រាប់វិស័យវិទ្យាសាស្រ្តកសិកម្មវៀតណាម បំផុតគឺវិស័យពូជដំណាំ។
នេះក៏ជាពូជស្រូវសមស្របនឹងតំបន់ ដែលមានអាកាសធាតុខុសគ្នា មានរយៈពេលលូតលាស់ខ្លី (១០៥ - ១២៥ថ្ងៃ/រដូវកាល) ទិន្នផលខ្ពស់ (៧ - ៨ តោន/ហិកតា) ជាពិសេសផលិតនៅក្នុងស្រុក ម្លោះហើយតម្លៃពូជស្រូវ TH3-3 សមរម្យនឹងប្រជាកសិករ។ ដូច្នេះ TH3-3 បានប្រជាកសិករពេញនិយមដាំ តាំងពីតំបន់ភ្នំភូមិភាគខាងជើង វាលទំនាបភូមិភាគកណ្តាល រហូតដល់តំបន់តីង្វៀន (Tay Nguyen)។
បន្ទាប់ពីប្រគល់ពូជស្រូវនេះជូនប្រជាកសិករ ពូជស្រូវនេះក៏បានពង្រីកដាំលើផ្ទៃដីទូទាំងប្រទេសចំនួន៦០% បង្កើតការងារ បង្កើនប្រាក់ចំណូលជូនប្រជាកសិកររាប់ម៉ឺននាក់ផងដែរ។
TH3-3 នាខណៈពេលនោះចាត់ទុកជា “បវរកញ្ញា” ក្នុងចំណោម “បុត្តទាំងពួង” របស់លោកស្រីសាស្រ្តាចារ្យរង បណ្ឌិត ង្វៀន ធីត្រឹម (Nguyen Thi Tram) ជាមួយគ្រាប់អង្ករសស្គុះ ទន់ ក្រអូប កម្ពស់ទាប ដើមរឹង មិនសូវរលំដួល ពេលជួបប្រទះព្យុះភ្លៀង ធុននឹងជំងឺឆេះស្លឹក ជំងឺរួញស្លឹក ស្លឹកសរជាដើម។ល។
លោកស្រីសាស្រ្តាចារ្យរង បណ្ឌិត ង្វៀន ធីត្រឹម (Nguyen Thi Tram) រៀបរាប់ថា តម្លៃចំនួន ១០ ពាន់លានដុង ចំពោះវិទ្យាសាស្រ្តមិនមែនធំណាស់ណាទេ ប៉ុន្តែលើកដំបូងកសិកម្មឱ្យឃើញថា ការស្រាវជ្រាវវិទ្យាសាស្រ្តមានតម្លៃជាក់ស្តែងណាមួយ ផ្នែកសម្ភារៈ។ ការវាយតម្លៃលើសម្ភារៈ សឱ្យឃើញតម្លៃប្រើប្រាស់ ក្រៅពីការផលិតកម្មដូចម្តេច។
ក្រៅពីនោះ លោកស្រីសាស្រ្តាចារ្យរង បណ្ឌិត ង្វៀន ធីត្រឹម (Nguyen Thi Tram) បានសិក្សាស្រាវជ្រាវបង្កើតបានពូជស្រូវបង្កាត់ជាច្រើនដូចជា៖ NN-9, NN-10, NN-23 ។ល។ ហើយក៏បានផ្ទេរជោគជ័យ នូវពូជស្រូវបង្កាត់ TH3-4 ជាកម្មសិទ្ធិ ដោយតម្លៃខ្ពស់។
នៅឆ្នាំ២០១៦ លោកស្រីសាស្រ្តាចារ្យរង បណ្ឌិត ង្វៀន ធីត្រឹម (Nguyen Thi Tram) បន្តបង្កើតបានពួជស្រូវហឿងកើម (Huong Com) មាន៤ប្រភេទ។ ជាពិសេស ក្រោយពីលទ្ធផលសិក្សាស្រាវជ្រាវ វាយតម្លៃជាក់ស្តែងនៅលើវាលស្រែ ពូជស្រូវទាំងនេះ ផ្តល់ទិន្នផលខ្ពស់ជាងពូជស្រូវ ដែលបានដាំសព្វថ្ងៃ។ គ្រាប់អង្ករក្រអូប រាងវែង ថ្លា រលើប អត្រាគ្រាប់អង្ករនៅថ្មោង មិនបាក់បែកខ្ពស់ ជាតិបំប៉នខ្ពស់ និងរសជាតិផ្អែម។ល។ ចំណុចពិសេសបំផុតនៃស្រូវហឿងកើម (Huong Com) គឺត្រូវបរិយាយដល់ប្រភេទស្រូវដែលផ្តល់អង្ករក្រអូប៖ មានពូជស្រូវក្រអូបក្លិនស្លឹកតើយ ពូជក្រអូបក្លិនពោត។ល។ នេះជាពូជស្រូវ ទៅអនាគតមានសមត្ថភាពប្រកួតប្រជែងនឹងផលិតផលនាំចូលជាមិនខាន។
នៅខែធ្នូ ឆ្នាំ២០១៦ ពូជស្រូវហឿងកើម (Huong Com) ទី១ និងហឿងកើម(Huong Com) ទី២ របស់លោកស្រីសាស្រ្តាចារ្យរង បណ្ឌិត ង្វៀន ធីត្រឹម (Nguyen Thi Tram) បន្តប្រគល់ឱ្យក្រុមហ៊ុនទទួលខុសត្រូវមានកម្រិតគឿងតឹន (Cuong Tan) ដើម្បីបើកទូលាយតំបន់ផលិតស្រូវក្រអូបសរីរាង្គ កសាងប្រព័ន្ធកសិផលស្អាត គុណភាពខ្ពស់ ផ្គត់ផ្គង់លើទីផ្សារ។
គិតមកដល់សព្វថ្ងៃ លោកស្រីជាអ្នកលក់កម្មសិទ្ធិពូជស្រូវបង្កាត់ច្រើនបំផុត នៅប្រទេសវៀតណាម ជានារីម្នាក់ក្នុងចំណោមនារីវិទ្យាសាស្រ្តជោគជ័យបំផុតនៃវិស័យកសិកម្ម។
មកដល់រឿងរ៉ាវពួននៅពីក្រោយដើមស្រូវ
ជាជំហានធំនៃបុព្វហេតុសិក្សាស្រាវជ្រាវ របស់លោកស្រីសាស្រ្តាចារ្យរង បណ្ឌិត ង្វៀន ធីត្រឹម (Nguyen Thi Tram) នោះគឺបានចូលរួមវគ្គបណ្តុះបណ្តាលខ្លីថ្ងៃ នៅមជ្ឈមណ្ឌលស្រូវបង្កាត់ Hunan ប្រទេសចិន។ នៅទីនេះ លោកស្រីបានធ្វើការជាមួយនឹងលោកសាស្រ្តាចារ្យ Yuan long ping ជាអ្នកវិទ្យាសាស្រ្តល្បីឈ្មោះនៅប្រទេសចិននិងអន្តរជាតិ ដោយពូជស្រូវបង្កាត់បីប្រភេទ។ ពូជស្រូវរបស់លោកសាស្រ្តាចារ្យ Yuan long ping បានជួយធានាសន្តិសុខស្បៀងអាហារ សម្រាប់ទឹកដីពាន់លានប្រជាជននេះ។ នេះជាកម្លាំងចលករធំមួយ ជាឱកាសសម្រាប់លោកស្រីសាស្រ្តាចារ្យរង បណ្ឌិត ង្វៀន ធីត្រឹម (Nguyen Thi Tram) អនុវត្តគោលបំណង ជួយដល់ប្រជាកសិករវៀតណាម “បំបាត់ភាពក្រីក្រ”។
បន្ទាប់ពីមកដល់ស្រុកកំណើត ជាមួយចំណេះវិជ្ជាដែលសិក្សាបានពីមជ្ឈមណ្ឌលពូជស្រូវបង្កាត់ Hunan លោកស្រីសាស្រ្តាចារ្យរង បណ្ឌិត ង្វៀន ធីត្រឹម (Nguyen Thi Tram) រួមនឹងសហការីបានស្វែងរកពូជស្រូវស្រុកនិងបរទេសរាប់រយប្រភេទ យកមកដំណើរការសិក្សា សាកល្បង និងបង្កាត់ពូជ។
ជាមួយការអត់ធ្មត់ ឧស្សាហ៍ សាស្រ្តាចារ្យរង បណ្ឌិត ង្វៀន ធីត្រឹម (Nguyen Thi Tram) ហ្សែនអន់ មិនអាចក្រេបលម្អងឈ្មោល តំណពូជរសើបនឹងសីតុណ្ហភាព - TGMS (thermosensitive genic male sterility)។ នេះជាប្រភេទមិនអាចក្រេបលម្អងឈ្មោលតាមសីតុណ្ហភាព។ លម្អិត សីតុណ្ហភាពក្រោម២៤អង្សាសេ ដើមស្រូវក្រេបលម្អងឈ្មោល សីតុណ្ហភាពលើស២៤អង្សាសេ ដើមស្រូវមិនអាចក្រេបលម្អងឈ្មោល សមស្របនឹងរដូវកាលផលិតកម្ម នៅតំបន់វាលទំនាបទន្លេក្រហម។
ផ្តើមពីប្រភេទហ្សែនថ្មីដែលទើបរកឃើញថ្មីៗ លោកស្រីសាស្រ្តាចារ្យរង បណ្ឌិត ង្វៀន ធីត្រឹម (Nguyen Thi Tram) បង្កើតបានប្រភេទស្រូវបង្កាត់៖ TH3-1, TH3-4, TH3-11 ...
កិត្តនាមនិងពានរង្វាន់គម្រូ៖
- វីរពលកម្មសម័យកាលផ្លាស់ប្តូរថ្មី
- គ្រូបង្រៀនប្រជាជន
- គ្រឿងឥស្សរិយយសពលកម្មចំណាត់ថ្នាក់លេខ៣
- មេដាយតស៊ូប្រយុទ្ធ
- ពាន់រង្វាន់រដ្ឋស្តីពីវិទ្យាសាស្រ្តបច្ចេកវិទ្យា
- ពាន់រង្វាន់ Kovalevskaia 2000
- មេដាយដើម្បីបុព្វហេតុសិក្សាអប់រំ
- មេដាយដើម្បីបុព្វហេតុកសិកម្ម
- មេដាយដើម្បីស្រទាប់យុវវ័យ
ខែមិថុនា ឆ្នាំ២០២១ លោកស្រីស្នើសូមផ្តល់អាជ្ញាបណ្ណគាំពារសម្រេច ជោគជ័យសម្រាប់ពូជស្រូវបង្កាត់ MV2 និងពូជស្រូវបង្កាត់ឡាយថើម (Lai Thơm) ទន្ទឹមនឹងការជ្រើសរើសពូជស្រូវ លោកស្រីសាស្រ្តាចារ្យរង បណ្ឌិត ង្វៀន ធីត្រឹម (Nguyen Thi Tram) និងសហការី នៅបង្កាត់បានពូជស្រូវជាច្រើនទៀត។ លម្អិតនៅឆ្នាំ២០១៩ ពូជដើម Sacha inchi S18 លោកស្រីជាអ្នកបង្កើត ហើយបានទទួលស្គាល់ជាពូជឱសថថ្មីរបស់វៀតណាម។ ជាមួយព័ត៌មាននេះ បានបើកឱកាសមួយសម្រាប់ការផលិតកម្ម អភិវឌ្ឍន៍ដើម Sacha inchi ជួយប្រជាកសិករបង្វែរចនាសម្ពន្ធដំណាំ និងលើកកម្ពស់តម្លៃកសិផលវៀតណាម។
តាមលោកស្រីសាស្រ្តាចារ្យរង បណ្ឌិត ង្វៀន ធីត្រឹម (Nguyen Thi Tram) ក្នុងបរិបទសព្វថ្ងៃ ផ្ទៃដីធ្វើស្រូវនៅតាមមូលដ្ឋានមួយថ្ងៃកាន់តែរួញទៅ ទុកកន្លែងសម្រាប់តំបន់ឧស្សាហកម្ម មណ្ឌលទីប្រជុំជន ផ្លូវថ្នល់។ល។ ការលើកកម្ពស់ទិន្នផលស្រូវ ដោយការប្រើប្រាស់ពូជស្រូវបង្កាត់ទិន្នផលខ្ពស់ ដើម្បីធានាសន្តិសុខស្បៀងអាហារ រឹតតែចាំបាច់។ ជាពិសេស ក៏តាមសម្តីលោកស្រី មុខរបរធ្វើស្រែចម្ការនៅវៀតណាមសព្វថ្ងៃ កំពុងតែស្រូបយកអត្រាយ៉ាងធំ ហើយតែងតែប្រឈមនឹងឧបសគ្គ បញ្ហាប្រឈម ហានិភ័យ ដោយសារបម្រែបម្រួលអាកាសធាតុ។ ហេតុនេះ ដើម្បីកសាងនិងអភិវឌ្ឍន៍វិស័យកសិកម្មមួយ ចីរភាព ស្ថេរភាព ត្រូវមានក្រុមអ្នកវិទ្យាសាស្រ្តកសិកម្មស្រឡាញ់របរ ហ៊ានពលីមួយជីវិតសម្រាប់ការសិក្សាវិទ្យាសាស្រ្ត។
នេះជាមូលហេតុ ដែលនៅអាយុ៧៧ឆ្នាំ លោកស្រីសាស្រ្តាចារ្យរង បណ្ឌិត ង្វៀន ធីត្រឹម (Nguyen Thi Tram) នៅតែបន្តធ្វើដំណើរចុះទៅជាក់ស្តែង នៅតាមតំបន់វាលទំនាប តំបន់ភ្នំ ដើម្បីសិក្សាស្វែងរកពូជស្រូវថ្មី។ បានចុះទៅកាន់វាលស្រែ កាន់កួរស្រូវថ្នមៗដោយផ្ទាល់ដៃ សំឡឹងឃើញភាពសប្បាយរីករាយនៅលើទឹកមុខប្រជាកសិករ នារដូវអំណោយផល នោះជាកម្លាំងចលករមួយ ជួយលោកស្រីសាស្រ្តាចារ្យរង ង្វៀន ធីត្រឹម (Nguyen Thi Tram) បន្តកិច្ចការ បន្តពលី។ លោកស្រីសាស្រ្តាចារ្យរង បណ្ឌិត ង្វៀន ធីត្រឹម (Nguyen Thi Tram) ជានិមិត្តរូបប្រពៃ នៃក្រុមអ្នកវិទ្យាសាស្រ្ត នាសម័យកាលផ្លាស់ប្តូរថ្មី និងសមាហរណកម្មរបស់វៀតណាម៕
អត្ថបទ៖ ថាវវី រូបថត៖ វៀតគឿង និងឯកសារតួអង្គផ្តល់ជូន ប្រែសម្រួល៖ រីកើង