យោងតាមកម្មវិធី លោកប្រធានរដ្ឋ Nguyen Xuan Phuc និងគណៈប្រតិភូជាន់ខ្ពស់វៀតណាមនឹងចូលរួមពិធីគោរពវិញ្ញាណក្ខន្ធសពអតីតនាយករដ្ឋមន្ត្រី Abe Shinzo; ពិភាក្សាជាមួយនាយករដ្ឋមន្ត្រីជប៉ុន Kishida Fumio; ជួបជាមួយប្រធានសភាជាន់ទាប, ប្រធានព្រឹទ្ធសភានៃប្រទេសជប៉ុន; ចូលរួមទទួលបដិសណ្ឋារកិច្ចរបស់ព្រះចៅអធិរាជជប៉ុន ជាមួយប្រមុខគណៈប្រតិភូនៃប្រទេសផ្សេងៗ; ទទួលជួបប្រធានសម្ព័ន្ធសភាមិត្តភាពជប៉ុន-វៀតណាម និងអតីតនាយករដ្ឋមន្ត្រីជប៉ុន Suga Yoshihide; ជួបជាមួយអភិបាលស្រុកមួយចំនួន; ជួបជាមួយអតីតឯកអគ្គរដ្ឋទូតជប៉ុនប្រចាំនៅវៀតណាម; ជួបពិភាក្សាទ្វេភាគីជាមួយមេដឹកនាំនៃប្រទេសមួយចំនួនដែលចូលរួមក្នុងពិធីបុណ្យសព; ជួបជាមួយប្រធានក្រុមប្រឹក្សាអឺរ៉ុប; ជួបជាមួយតំណាងបញ្ញវន្តវៀតណាមនៅជប៉ុន។

ការដែលប្រធានរដ្ឋវៀតណាម លោក Nguyen Xuan Phuc ក្នុងនាមថ្នាក់ដឹកនាំបក្ស និងរដ្ឋបានចូលរួមពិធីបុណ្យសពរបស់អតីតនាយករដ្ឋមន្ត្រីជប៉ុន លោក Abe Shinzo បង្ហាញពីការទទួលស្គាល់ និងគោរពចំពោះមនោសញ្ជេតនាពិសេស និងការគាំទ្រ ឧបត្ថម្ភដ៏មានតម្លៃដែលអតីតនាយករដ្ឋមន្ត្រីលោក Shinzo Abe ជូនចំពោះប្រទេសជាតិនិងប្រជាជនវៀតណាម ព្រមទាំងកិច្ចសហប្រតិបត្តិការមិត្តភាពរវាងវៀតណាម និងជប៉ុន។ ប្រការនេះក៏បង្ហាញដែរថា វៀតណាមតែងតែគោរព ស្មោះត្រង់ និងមានភក្តីភាពចំពោះមិត្តអន្តរជាតិ៕