គម្រោងផ្លូវក្រវ៉ាត់លេខ ៣ នៃក្រុងហូជីមិញ មានប្រវែង ៧៦ គីឡូម៉ែត្រ ឆ្លងកាត់មូលដ្ឋានចំនួន៣ រួមមានទីក្រុងហូជីមិញ Dong Nai និង Tay Ninh។ គម្រោងនេះមានទុនវិនិយោគសរុប ៧៥.៣០០ ពាន់លានដុង (ប្រហែល ៣ ពាន់លានដុល្លារអាមេរិក) ពីថវិការដ្ឋ។ ក្នុងនោះ កំណាត់ Tan Van - Nhon Trach (ឆ្លងកាត់ទីក្រុងហូជីមិញ និង Dong Nai) មានប្រវែង ៨,២២ គីឡូម៉ែត្រ សម្រេចបានជិត ៩៨% គិតត្រឹមចុងខែកក្កដា ហើយនឹងបើកឱ្យធ្វើចរាចរនៅថ្ងៃទី ១៩ ខែសីហាខាងមុខ។ ស្ពាន Nhon Trach ដែលជាស្ពានធំបំផុតនៃផ្លូវក្រវ៉ាត់លេខ ៣ ក៏នឹងបើកឱ្យធ្វើចរាចរនៅថ្ងៃដដែលផងដែរ។

ប្រគល់អំណោយ និងលើកទឹកចិត្តដល់ក្រុមកម្មាភិបាល វិស្វករ កម្មករ និងកម្មការិនីនៅការដ្ឋានសំណង់ លោកនាយករដ្ឋមន្ត្រីបានវាយតម្លៃខ្ពស់ចំពោះមូលដ្ឋាននានាដែលបានបញ្ចប់ការសាងសង់ស្ពាន Nhon Trach មុនកាលកំណត់ ១ខែកន្លះ ជួយតភ្ជាប់ Dong Nai ជាមួយទីក្រុងហូជីមិញ រួមចំណែកជំរុញការអភិវឌ្ឍសេដ្ឋកិច្ចក្នុងតំបន់ប៉ែកខាងកើតភូមិភាគខាងត្បូង កាត់បន្ថយថ្លៃឡូជីស្ទីកសម្រាប់ប្រជាជន និងសហគ្រាស បង្កើនកម្លាំងប្រកួតប្រជែងនៃទំនិញនិងអាជីវកម្ម៕