យោងតាមកម្មវិធីការងារក្នុងកិច្ចប្រជុំរដ្ឋសភាលើកទី៩ នីតិកាលទី១៥ នាព្រឹកថ្ងៃទី១៦ ឧសភា នេះ រដ្ឋសភាបានពិភាក្សានៅសាលប្រជុំលើខ្លឹមសារដូចជា៖ សេចក្តីព្រាងសេចក្តីសម្រេចចិត្តរបស់រដ្ឋសភា ស្តីពីយន្តការ និងគោលនយោបាយពិសេសមួយចំនួនសម្រាប់ការអភិវឌ្ឍសេដ្ឋកិច្ចឯកជន; សេចក្តីព្រាងសេចក្តីសម្រេចចិត្តរបស់រដ្ឋសភា ស្តីពីយន្តការ និងគោលនយោបាយពិសេសមួយចំនួន បង្កើតការទម្លុះទម្លាយក្នុងការបង្កើតច្បាប់ និងការអនុវត្តច្បាប់។

នារសៀលថ្ងៃដដែល រដ្ឋសភាបានបើកសម័យប្រជុំពេញអង្គនៅសាលប្រជុំ ដោយផ្ទៀងស្តាប់របាយការណ៍ស្តីពីការទូទាត់ថវិការដ្ឋសម្រាប់ឆ្នាំ ២០២៣; របាយការណ៍សវនកម្មនៃការទូទាត់ថវិការដ្ឋ ឆ្នាំ ២០២៣; របាយការណ៍ពិនិត្យនៃការសវនកម្ម ការទូទាត់ថវិការដ្ឋឆ្នាំ ២០២៣។ បន្ទាប់មក រដ្ឋសភាបានពិភាក្សាជាក្រុមលើសេចក្តីព្រាងច្បាប់ វិសោធនកម្ម និងបំពេញបន្ថែមមាត្រាមួយចំនួននៃច្បាប់ស្តីពីការដោះស្រាយការបំពានផ្នែករដ្ឋបាល; សេចក្តីព្រាងច្បាប់ វិសោធនកម្ម និងបំពេញបន្ថែមមាត្រាមួយចំនួននៃច្បាប់ស្តីពីការផ្សព្វផ្សាយឯកសារច្បាប់; សេចក្តីព្រាងសេចក្តីសម្រេចរបស់រដ្ឋសភា វិសោធនកម្ម និងបំពេញបន្ថែមមាត្រាមួយចំនួន នៃបទបញ្ញត្តិនៃសម័យប្រជុំរដ្ឋសភា៕