ប្រមុខរដ្ឋនិងរដ្ឋាភិបាល ប្រហែល ៥០ រូប បានមកដល់ Riviera នៃប្រទេសបារាំង នៅថ្ងៃនេះ (៨ មិថុនា) សម្រាប់កិច្ចប្រជុំមហាសមុទ្រ ដែលជាកិច្ចប្រជុំកំពូលរបស់អង្គការសហប្រជាជាតិកម្រិតខ្ពស់ដែលនឹងចាប់ផ្តើមនៅថ្ងៃស្អែក (៩ មិថុនា) ក្នុងគោល បំណងដោះស្រាយវិបត្តិដែលកំពុងកើនឡើងនៅក្នុងមហាសមុទ្រដែលបណ្តាលមកពីការនេសាទហួសកម្រិត ការប្រែប្រួលអាកាសធាតុ និងការបំពុល។
អង្គការសហប្រជាជាតិបានព្រមានថាមហាសមុទ្រនៅលើផែនដីស្ថិតក្នុងស្ថានភាព "អាសន្ន" ហើយមេដឹកនាំពិភពលោកដែលជួបប្រជុំនៅទីក្រុង Nice នឹងប្រឈមមុខនឹងសម្ពាធ ត្រូវនាំចេញរាល់ការប្តេជ្ញាចិត្តដើម្បីធានាបាននូវថវិកាចាំបាច់ និងវិធានការការពារដ៏រឹងមាំសម្រាប់មហាសមុទ្រដែលកំពុងរងគ្រោះ និងសហគមន៍ដែលពឹងផ្អែកលើនោះ។
កិច្ចប្រជុំមហាសមុទ្ររបស់អង្គការសហប្រជាជាតិនៅឆ្នាំនេះត្រូវបានគេមើលឃើញថា ជាកិច្ចខិតខំប្រឹងប្រែងដើម្បីបង្វែរអ្វីៗឡើងវិញ ខណៈដែលប្រទេសនានានៅតែបន្តជជែកតវ៉ាជុំវិញការជីកយករ៉ែបាតសមុទ្រ កាកសំណល់ប្លាស្ទិក និងការនេសាទលើសចំណុះ ចំពេលមានភាពតានតឹងផ្នែកភូមិសាស្ត្រនយោបាយពិភពលោក៕
តាម VOV5 - វិទ្យុសម្លេងវៀតណាមo
