ឧបនាយករដ្ឋមន្ត្រី លោក Nguyen Chi Dung បានទទួលជួបរដ្ឋមន្ត្រីទីពីរនៃក្រសួងពាណិជ្ជកម្មនិងឧស្សាហកម្មសិង្ហបុរី លោក Tan See Leng (រូបថត៖ VGP)

នៅទីនេះ ឧបនាយករដ្ឋមន្ត្រី Nguyen Chi Dung បានវាយតម្លៃខ្ពស់ចំពោះប្រតិបត្តិការប្រកបដោយប្រសិទ្ធភាពនៃបណ្តាញមណ្ឌលឧស្សាហកម្ម វៀតណាម-សិង្ហបុរី (VSIP) ចំនួន ១៨ នៅខេត្ត ក្រុងនានារបស់វៀតណាម ហើយបានចាត់ទុកថា ចាំបាច់ត្រូវលើកកំពស់ និងកសាង VSIP ជំនាន់ថ្មីតាមទិសដៅនិរន្តរភាព ឆ្លាតវៃ នវានុវត្តន៍ និងលើកកម្ពស់ទំនួលខុសត្រូវចំពោះបរិស្ថាន និងសង្គម។ ទាក់ទិននឹងកម្មវិធីផ្លាស់ប្តូរទេពកោសល្យ នវានុវត្តន៍វៀតណាម - សិង្ហបុរី (ITX) លោកឧបនាយករដ្ឋមន្ត្រីបានស្នើឱ្យក្រសួងនិងផ្នែកពាក់ព័ន្ធនៃភាគីទាំងពីរ បន្តពិភាក្សានិងឯកភាពលើដំណើរនិងផែនការអនុវត្តន៍ ដើម្បីជួយកម្មវិធីចាប់ផ្តើមយ៉ាងឆាប់រហ័ស។

ឧបនាយករដ្ឋមន្ត្រីសង្ឃឹមថា មជ្ឈមណ្ឌលនវានុវត្តន៍វៀតណាម (NIC) និងទីភ្នាក់ងារសិង្ហបុរីសម្រាប់វិទ្យាសាស្ត្រ បច្ចេកវិទ្យា និងស្រាវជ្រាវ (A*STAR) នឹងពង្រឹងការតភ្ជាប់បន្ថែមទៀត ហើយមានកម្មវិធីនិងផលិតផលជាក់ស្តែង ដើម្បីអនុវត្តន៍ការសន្យានិងផ្តល់ការគាំទ្រជាក់ស្តែងសម្រាប់សហគ្រាសនៃប្រទេសទាំងពីរ៕