កាលពីថ្ងៃទី ៧ ខែធ្នូ - ទិវា ហ្វើ វៀតណាមនៅអាហ្វ្រិកខាងត្បូងឆ្នាំ ២០២៤ បានប្រព្រឹត្តទៅនៅទីផ្សារអាហារ Hazel ដ៏ល្បីល្បាញនៃរដ្ឋធានី Pretoria ប្រទេសអាហ្វ្រិកខាងត្បូង។ នេះជាឆ្នាំទី ២ ជាប់ៗគ្នាហើយដែលព្រឹត្តិការណ៍នេះត្រូវបានរៀបចំឡើងនៅក្នុង "ប្រទេសឥន្ទធនូ" ហើយត្រូវបានទទួលស្វាគមន៍យ៉ាងទូលំទូលាយពីប្រជាជនក្នុងតំបន់។
ទិវាហ្វើវៀតណាមនៅអាហ្រ្វិកខាងត្បូងគឺជាគំនិតផ្តួចផ្តើមមួយរបស់ស្ថានទូតវៀតណាមប្រចាំនៅអាហ្រ្វិកខាងត្បូង ដែលសហការជាមួយស្ថាប័នតំណាងវៀតណាមប្រចាំនៅអាហ្វ្រិកខាងត្បូងផ្សេងទៀត ក្នុងគោលបំណងផ្សព្វផ្សាយភោជនាហារវៀតណាមដល់មិត្តភក្តិក្នុងស្រុក និងអន្តរជាតិ។
នៅក្នុងព្រឹត្តិការណ៍នេះ ប្រជាជនអាហ្រ្វិកខាងត្បូង សមាជិកស្ថាប័នការទូតមកពីប្រទេសផ្សេងៗ និងសហគមន៍ជនវៀតណាមដែលកំពុងរស់នៅ ធ្វើការ និងសិក្សានៅអាហ្រ្វិកខាងត្បូងបានមកដល់តំបន់ដែលឧទ្ទេសនាមអំពីម្ហូប ហ្វើ និងមុខម្ហូបវៀតណាមដទៃទៀត។ បណ្ដាភ្ញៀរបានស្វែងយល់អំពីការជ្រើសរើសគ្រឿងផ្សំ ការចម្អិនទឹកស៊ុប និងការរៀបចំម្ហូបចំហៀងផងដែរ។
ក្នុងឱកាសនេះ ប្រជាជនអាហ្រ្វិកខាងត្បូង និងអន្តរជាតិក៏មានឱកាសទទួលទានម្ហូបណែមឆាប្រពៃណី និងកាហ្វេវៀតណាមផងដែរ។ ផលិតផលម៉ាកវៀតណាមមួយចំនួនដូចជា អង្ករ កាហ្វេ បាញ់ត្រាង ស្ករគ្រាប់ មីកញ្ចប់ ក៏ត្រូវបានតាំងបង្ហាញនៅព្រឹត្តិការណ៍នេះដែរ៕
