អញ្ជើញថ្លែងមតិនៅទីនេះ លោកស្រី Nguyen Thi Loan អនុប្រធានគណៈកម្មាធិការប្រជាជនខេត្ត Thai Nguyen បានអះអាងថា ក្រោយរយៈពេល ២ ទស្សវត្សរ៍មក ទំនាក់ទំនងសហប្រតិបត្តិការរវាងខេត្ត Thai Nguyen និងខេត្ត Gyeongsangbuk-do កាន់តែមានការអភិវឌ្ឍយ៉ាងទូលំទូលាយ និងប្រកបដោយប្រសិទ្ធភាពលើវិស័យ៖ សេដ្ឋកិច្ច អប់រំ ថែទាំសុខភាព និងការផ្លាស់ប្តូរវប្បធម៌។ ជាពិសេស គំរូ “ភូមិថ្មី Saemaul” នៅ Thai Nguyen គឺជាចំណុចភ្លឺនៃកិច្ចសហប្រតិបត្តិការ នាំមកនូវផលប្រយោជន៍ជាក់ស្តែងដល់ប្រជាជន។

រីឯខ្លួនវិញ លោក Kang Seok-Hee អភិបាលរងខេត្ត Gyeongsangbuk-do កូរ៉េខាងត្បូងបានសន្យាថា នឹងបន្តពង្រីកនិងធ្វើឲ្យស៊ីជម្រៅនូវសកម្មភាពកិច្ចសហប្រតិបត្តិការ រួមគ្នាសរសេរជំពូកថ្មីសម្រាប់ទំនាក់ទំនងវៀតណាម-កូរ៉េខាងត្បូងនៅថ្នាក់មូលដ្ឋាន រួមចំណែកយ៉ាងសកម្មក្នុងការអភិវឌ្ឍរួមនៃប្រទេសទាំងពីរ។ លោក Kang Seok-Hee សង្ឃឹមថា ទំនាក់ទំនងសហប្រតិបត្តិការលើគ្រប់ជ្រុងជ្រោយរវាងខេត្តទាំងពីរនឹងក្លាយទៅជាគំរូ នៃកិច្ចសហប្រតិបត្តិការអន្តរជាតិរវាងមូលដ្ឋាននៃប្រទេសកូរ៉េខាងត្បូង និង វៀតណាមនាពេលខាងមុខ។

ក្នុងក្របខ័ណ្ឌនៃការប្រារព្ធពិធីនេះ ក៏នឹងមានសកម្មភាពផ្លាស់ប្តូរវប្បធម៌ និងសិល្បៈដ៏ផុសផុលរវាងតំបន់ទាំងពីរផងដែរ៕