នាយប់ថ្ងៃទី៧ ខែធ្នូ នៅទីស្នាក់ការរដ្ឋាភិបាល ទីក្រុងហាណូយ នាយករដ្ឋមន្ត្រី វៀតណាមលោក Pham Minh Chinh បានជួបសំណេះសំណាលជាមួយឯកអគ្គរដ្ឋទូត និងប្រធានស្ថាប័នតំណាងវៀតណាមប្រចាំនៅឯបរទេស មុនពេលចេញទៅបំពេញបេសកកម្ម។
នៅក្នុងជំនួបនេះ លោកនាយករដ្ឋមន្ត្រី Pham Minh Chinh បានចង្អុលបង្ហាញថា ការងារការទូតត្រូវតែប្រកាន់ខ្ជាប់នូវគោលមាគ៌ា ប៉ុន្តែត្រូវមានភាពបត់បែនផងដែរ ដោយបង្ហាញនូវវប្បធម៌ អរិយធម៌វៀតណាមប្រកបដោយភាពស្មោះត្រង់ ទំនុកចិត្ត ការគោរពគ្នាទៅវិញទៅមកយ៉ាងពិតប្រាកដ សំដៅបម្រើប្រទេសនិងប្រជាជាតិ ទន្ទឹមនឹងការចុះសម្រុងគ្នានូវផលប្រយោជន៍នៃភាគីទាំងពីរ។
លោកនាយករដ្ឋមន្ត្រីបានសង្កត់ធ្ងន់ថា បណ្ដាឯកអគ្គរដ្ឋទូត និងប្រធានស្ថាប័នតំណាងត្រូវដឹកនាំ ហើយដើរតួជាស្នូលក្នុងការរក្សាសាមគ្គីភាព និងឯកភាពផ្ទៃក្នុងនៅស្ថានទូត និងស្ថាប័នតំណាងវៀតណាមប្រចាំនៅបរទេស។
លោកនាយករដ្ឋមន្ត្រីបានស្នើឲ្យក្រសួងការបរទេស និងក្រសួង ស្ថាប័នពាក់ព័ន្ធបន្តស្រាវជ្រាវ យកចិត្តទុកដាក់ធានាមូលដ្ឋានសម្ភារៈ និងគោលនយោបាយល្អបំផុតដែលអាចធ្វើទៅបានក្នុងស្ថានភាពបច្ចុប្បន្នរបស់ប្រទេស ដើម្បីឲ្យបណ្ដាស្ថានទូត និងស្ថាប័នតំណាងវៀតណាមប្រចាំនៅបរទេស អាចបម្រើបានល្អបំផុតតាមគោលមាគ៌ាកិច្ចការបរទេសរបស់ បក្ស និងរដ្ឋ; រួមជាមួយប្រទេសជាតិទាំងមូលឈានចូលយុគសម័យថ្មី - យុគសម័យស្ទុះឈានទៅមុខរបស់ប្រជាជាតិ៕
