ឆាកសម្តែងសប្តាហ៍ពិធីម៉ូដសម្លៀកបំពាក់វៀតណាម - អ៊ីតាលី បានរៀបចំនៅសួនផ្កាយៀនហ៊ុង (Dien Hong) (រដ្ឋធានីហាណូយ) ក្រោមបរិយាកាសពន្លឺរស្មីរសៀលចែងចាំង បង្កើតភាពស៊ីជម្រៅ ល្អុកល្អើន ធ្វើឲ្យមនុស្សទស្សនាគ្រប់គ្នាហាក់ដូចកំពុងអង្គុយមើលក្រោមបរិយាកាសពោរពេញទៅដោយលក្ខណៈបែបជាតិអ៊ីតាលី។
ជាមួយការប្រើប្រាស់ភាគច្រើនវត្ថុធាតុសំពត់សូត្រ អ្នករចនាម៉ូដមកពីប្រទេសទាំងពីរបានបង្ហាញពីទេពកោសល្យរបស់ខ្លួន ដើម្បីអ្នកទស្សនាបានឃើញនូវភាពរួមប្រាស្រ័យច្នៃប្រឌិតម៉ូដ វៀតណាមនិងអ៊ីតាលី។
|
“វៀតណាមតែងបង្ហាញពីការយកចិត្តទុកដាក់សំខាន់ ដល់ម៉ូដសម្លៀកបំពាក់ និងកំពុងបោះជំហានសាងស្ថាបនាអ្នករចនាម៉ូដ ដែលមានទេពកោសល្យច្រើននាក់។ ម៉ូដសម្លៀកបំពាក់បានឆាប់រហ័សក្លាយជាវិស័យមួយក្នុងចំណោមវិស័យសហប្រតិបត្តិការសំខាន់រវាងប្រទេសទាំងពីរ។ សប្តាហ៍ពិធីម៉ូដសម្លៀកបំពាក់វៀតណាម - អ៊ីតាលី ជាព្រឹត្តិការណ៍បើកឆាកមួយ សម្រាប់សង្វាក់សកម្មភាពអបអរសាទរ៤៥ឆ្នាំ សហប្រតិបត្តិការទំនាក់ទំនងការទូតវៀតណាម - អ៊ីតាលី”។ (លោកស្រី Cecilia Piccioni ឯកអគ្គរដ្ឋទូតវិសាមញ្ញនិងពេញសមត្ថភាពអ៊ីតាលីប្រចាំនៅវៀតណាម) |
 សប្តាហ៍ពិធីម៉ូដសម្លៀកបំពាក់វៀតណាម - អ៊ីតាលីជាព្រឹតិការណ៍បើកឆាកមួយ សម្រាប់សង្វាក់សកម្មភាព អបអរសាទរ ៤៥ ឆ្នាំ បង្កើតទំនាក់ទំនងការទូតរវាងប្រទេសទាំងពីរ។  ក្រោមប្រធានបទ “ចេរភាព” អ្នករចនាម៉ូដជ្រើសយកវត្ថុធាតុសំពត់សូត្រប្រពៃណី បង្ហាញលើកម្រងប្រមូលផ្តុំរបស់ខ្លួន។  កម្រងម៉ូដសម្លៀកបំពាក់ របស់អ្នករចនាម៉ូដ ផឿងថាញ (Phuong Thanh)។  កម្រងម៉ូដសម្លៀកបំពាក់របស់អ្នករចនាម៉ូដ ញីហ្វាង (Nhi Hoang)។  កម្រងម៉ូដសម្លៀកបំពាក់ របស់អ្នករចនាម៉ូដ កៅមិញតៀន (Cao Minh Tien)។  កម្រងម៉ូដសម្លៀកបំពាក់របស់អ្នករចនាម៉ូដ Bianco Lervin។  កម្រងម៉ូដសម្លៀកបំពាក់ របស់អ្នករចនាម៉ូដស្វឹនហាវ (Xuan Hao)។  កម្រងម៉ូដសម្លៀកបំពាក់របស់អ្នករចនាម៉ូដ Del Valle Cortizas Diego។  កម្រងម៉ូដសម្លៀកបំពាក់របស់អ្នករចនាម៉ូដ កុងហ្វឹន (Cong Huan)។  កម្រងម៉ូដសម្លៀកបំពាក់របស់អ្នករចនាម៉ូដ ហ្វៀនញ៉ូងង្វៀន (Huyen Nhung Nguyen)។  កម្រងម៉ូដសម្លៀកបំពាក់របស់អ្នករចនាម៉ូដ មិញហាញ (Minh Hanh)។ |
|
ក្នុងក្របខណ្ឌសប្តាហ៍ពិធីម៉ូដសម្លៀកបំពាក់វៀតណាម - អ៊ីតាលី ប្រធានាធិបតីអ៊ីតាលីសម្រេចចិត្តផ្តល់កិត្តិនាម “អភិជន” ជូនអ្នករចនាម៉ូដ មិញហាញ (Minh Hanh) ដោយសារភាពខិតខំប្រឹងប្រែងក្នុងការងារផ្សារភ្ជាប់ស្អិតរមួតទំនាក់ទំនងការទូត រវាងប្រទេសទាំងពីរលើវិស័យម៉ូដសម្លៀកបំពាក់។ |
ជាពិសេស អ្នករចនាម៉ូដសម្លៀកបំពាក់មិញហាញ (Minh Hanh) បានឧទ្ទេសនាមដល់មហាជនស្រឡាញ់ម៉ូដសម្លៀកបំពាក់ចំនួន២០ម៉ូដ គ្រប់រចនាបទ បានអនុវត្តកម្មលើវត្ថុធាតុសំពត់សូត្រ គួបផ្សំនឹងបច្ចេកទេសដេរប៉ាក់ក្បូរក្បាច់រូបភាពរបស់វៀតណាម។
គួរកត់សម្គាល់ព្រឹត្តិការណ៍ សប្តាហ៍ពិធីម៉ូដសម្លៀកបំពាក់វៀតណាម -អ៊ីតាលី គឺ ១៨ ម៉ូដរបស់អ្នករចនាម៉ូដផឿងថាញ (Phuong Thanh) នាំយករូបភាពភូមិស្រែវៀតណាម ជាមួយស្លាកស្នាមផ្ទាំងគំនូរថូផ្កាទាំងប្រាំមួយ គំនូរបួនផ្ទាំង រួមផ្សំនឹងផលិតផលកន្សែងរបស់ Bao Loc Silk បាននាំមកនូវជំនោលខ្យល់ថ្មី អំពីម៉ូដសម្លៀកបំពាក់វ័យក្មេង។
ទន្ទឹមអ្នករចនាម៉ូដទាំង១៥នាក់ មកពីប្រទេសវៀតណាម ក្នុងកម្មវិធីនៅមានវត្តមានអ្នករចនាម៉ូដពីរនាក់ Michele Gaudimonte, Bianco Lervin មកពីប្រទេសអ៊ីតាលី និងអ្នករចនាម៉ូដអេស្ប៉ាញ Del Valle Cortizas Diego ។ អ្នកដំបូងចូលរួមកម្មវិធីម៉ូដសម្លៀកបំពាក់ នៅវៀតណាម អ្នករចនាម៉ូដ Michele Gaudimonte បានឧទ្ទេសនាមដល់ទស្សនិកជនវៀតណាមនូវកម្រងម៉ូដសម្លៀកបំពាក់ច្នៃពីវត្ថុធាតុសំពត់សូត្រ លំនាំរចនាបទល្អុកល្អើននៃប្រទេសអ៊ីតាលី។ អ្នករចនាម៉ូដ Michele Gaudimonte ចែករំលែកថា តាមរយៈកម្មវិធីនេះ លោកមានបំណងចង់រួមប្រាស្រ័យនិងសិក្សាបច្ចេកទេសបោះពុម្ភ ដេរប៉ាក់នៅលើសំពត់សូត្រនៃអ្នករចនាម៉ូដវៀតណាម។
“ការងារជ្រើសវត្ថុធាតុសំពត់សូត្ររបស់វៀតណាមនិងអ៊ីតាលី ដើម្បីបង្កើតជា ”ចរន្ត” មួយនៃម៉ូដសម្លៀកបំពាក់វៀតណាម ជាគោលដៅរបស់អ្នករចនាម៉ូដចង់អភិវឌ្ឍន៍ពីតម្លៃប្រពៃណីទូទៅ” អ្នករចនាម៉ូដមិញហាញ (Minh Hanh) ចែករំលែក ពីគោលគំនិតជ្រើសយកវត្ថុធាតុសំពត់សូត្រ ដើម្បីលើកស្ទួយតម្លៃប្រពៃណីក្នុងកម្មវិធីនេះ។
នៅសប្តាហ៍ពិធីម៉ូដសម្លៀកបំពាក់វៀតណាម - អ៊ីតាលី មហាជនស្រឡាញ់ម៉ូដសម្លៀកបំពាក់ នៅទាំងបានទស្សនាបទដ្ឋានតម្បាញសូត្រប្រពៃណី ពីសិប្បករតម្បាញសំពត់សូត្រនៅហាណូយ និងបាវឡុក (Bao Loc) នៅក្នុងតាំងពិព័រណ៍ “បទដ្ឋានរវៃសូត្រតម្បាញសំពត់”៕
 បរិយាកាសតាំងបង្ហាញផលិតផលសំពត់សូត្រ នៃប្រទេសទាំងពីរ បានប្រព្រឹត្តទៅក្នុងអគារអ៊ីតាលី Castalia ។  សូត្រនាងបានតាំងបង្ហាញនៅបរិយាកាសតាំងពិព័រណ៍។  សិប្បករសម្តែងបទដ្ឋានរវៃសូត្រតម្បាញសំពត់ក្នុងកម្មវិធី។  តាំងពិព័រណ៍ “បទដ្ឋានរវៃសូត្រតម្បាញសំពត់” ទាក់ទាញ់ការយកចិត្តទុកដាក់នៃភ្ញៀវចូលមកទស្សនា។ |
