Pickleball គឺជាកីឡាដែលមានដើមកំណើតពីសហរដ្ឋអាមេរិក បន្ទាប់មកបានរាលដាលទៅកាន់បណ្តាប្រទេសជុំវិញពិភពលោក។ ថ្មីៗនេះ បានក្លាយជាកីឡាថ្មីមួយដ៏ពេញនិយម នៅប្រទេសវៀតណាម ខណៈពេលដែលកីឡានេះនាំមកនូវបទពិសោធន៍គួរឱ្យចាប់អារម្មណ៍ និងការសាកល្បងសម្រាប់កីឡាករ។
លោកស្រី ត្រឹន ហៀនត្រាង (Tran Huyen Trang) គ្រូបង្វឹកកីឡាវាយកូនបាល់ នៅមហាវិទ្យាល័យកាយសម្ព័ន្ធ និងកីឡាខេត្ត បាក់និញ (Bac Ninh) ក៏ជាគ្រូបង្វឹកកីឡា Pickleball បាននិយាយថា Pickleball មានវត្តមាននៅប្រទេសវៀតណាម កាលពី ៣ ឆ្នាំមុន ខណៈពេលដែលអាណិកជនវៀតណាមនៅសហរដ្ឋអាមេរិកមកលេងនៅទីក្រុង ហូជីមិញ (Ho Chi Minh) រហូតដល់ខែមេសា ឆ្នាំ២០២៣ កីឡានេះបានពង្រីកដល់រដ្ឋធានី ហាណូយ (Ha Noi)។
នេះជាកីឡាសាមញ្ញ និងងាយស្រួលលេង ដូច្នេះមនុស្សគ្រប់វ័យអាចលេងបាន ដូច្នេះហើយគេក៏ចាត់ទុក Pickleball ជាកីឡាសម្រាប់គ្រួសារ ដើម្បីកម្សាន្ត និងលត់ដំសុខភាពគ្រួសារទាំងមូល។
អ្នកដែលទើបលេង Pickleball ត្រូវបានបង្រៀនពីរបៀបកាន់រ៉ាកែតតាមបីទម្រង់៖ ទម្រង់ទីមួយដូចការកាន់រ៉ាកែកវាយកូនឃ្លីលើតុ ទម្រង់ទីពីរដូចជាការកាន់រ៉ាកែតវាយសី ហើយទម្រង់ចុងក្រោយដូចការកាន់រ៉ាកេតវាយកូនបាល់។ បន្ទាប់ពីចេះកាន់រ៉ាកែត អ្នកនឹងត្រូវបានបង្រៀនពីការសង្កេតបាល់ ដើម្បីអ្នកអាចប៉ាន់ស្មាននូវកន្លែងបាល់ធ្លាក់ចុះ។
Pickleball គឺជាកីឡាមួយប្រភេទ ដែលមានការួមផ្សំរវាងកីឡាទាំងបីគឺ វាយកូនបាល់ វាយសី និងវាយកូនឃ្លីលើតុ។ ដូច្នេះកីឡាប្រភេទនេះ ទាមទារអ្នកលេងមានប្រតិកម្មយ៉ាងឆាប់រហ័ស។ ប្រសិនបើនរណាម្នាក់អាចលេងកីឡាទាំង ៣ ខាងលើបាន គេចំណាយត្រឹមតែ ៥ពេលប៉ុណ្ណោះ ក៏អាចលេង Pickleball បើមិនដូច្នេះទេ គេនឹងចំណាយពេលយូរជាងបន្តិច ដើម្បីហាត់ និងលេងបានល្អ។ គេតែងតែលេង Pickleball នៅទីលានដែលមានប្រវែងប្រហែល ១ ម៉ែត្រ និងទទឹងប្រហែល ៦ម៉ែត្រ។ ទីលានលេង Pickleball មានទំហំធំស្មើនឹងទំហំនៃទីលានវាយសី សំណាញ់ត្រូវបានដាក់នៅជិតដី ដូចជាកីឡាវាយកូនបាល់ ហើយបន្ទាត់ត្រូវបានបែងចែកដូចក្នុងកីឡាវាយកូនឃ្លីលើតុ។
Pickleball នឹងមានការប្រកួតពីរប្រភេទគឺ ការប្រកួតទោល និងការប្រកួតជាគូរ។ ដោយសារកីឡានេះតម្រូវឱ្យមានប្រតិកម្ម ដូច្នេះការប្រកួតតែងតែបានបែងចែកតាមអាយុ U១៩ U៣៥ និង U៥០។ នៅពេលលេង អ្នកលេងត្រៀមខ្លួនវាយសឺវ នឹងឈរនៅបន្ទាត់ព្រំដែនខាងក្រោយ ហើយវាយសឺវទៅកាន់តំបន់របស់គូប្រជែង ដើម្បីចាប់ផ្តើមការប្រកួត។ បន្ទាប់ពីវាយសឺវរួច ក្រុមទាំងពីរត្រូវវាយបាល់ រហូតដល់ពេលណាដែលក្រុមមួយក្នុងចំណោមក្រុមទាំងពីរមានកំហុស។ ចំណុចពិសេសក្នុងច្បាប់ដាក់ពិន្ទុនៃកីឡានេះគឺ មានតែខាងវាយសឺវ ដែលភាគីបានគិតពិន្ទុ។
នៅពេលឈ្នះហ្គាមមួយ អ្នកលេងមិនទទួលបានពិន្ទុទេ ប៉ុន្តែគេនឹងទទួលបានសិទ្ធិវាយសឺវ ក្នុងហ្គាមបន្ទាប់។ ពិន្ទុនឹងត្រូវបានគិតជូនភាគីវាយសឺវ។
ការប្រកួតដំបូងនឹងបញ្ចប់ក្នុងវគ្គជម្រុះ ១/១៦ នៅពេលដែលក្រុមទាំងពីរទទួលបាន ១១ពិន្ទុ ការប្រកួតប្រយោលគឺជាពេលដែលក្រុមទាំងពីរទទួលបាន ១៥ពិន្ទុ និងមានភាពខុសគ្នាយ៉ាងហោចណាស់ ២ពិន្ទុ លើគូប្រជែង។ រហូតដល់បច្ចុប្បន្ននេះ ការប្រកួតប្រជែង Pickleball មិនត្រឹមតែបានរៀបចំតាមថ្នាក់ជាតិប៉ុណ្ណោះ ការប្រកួតប្រជែង Pickleball អន្តរជាតិក៏បានប្រព្រឹត្តទៅនៅប្រទេសវៀតណាមដែរ។ អ្នកលេង Pickleball អាជីពក៏សង្ឃឹមថា នៅពេលអនាគតកីឡានេះនឹងមានវត្តមានក្នុងការប្រកួតប្រជែងនៃព្រឹត្តិការណ៍កីឡាសំខាន់ៗ៕
អត្ថបទ៖ ង៉ឹនហា - រូបថត៖ ខាញ់ឡុង / កាសែតរូបភាពវៀតណាម ប្រែសម្រួលដោយង្វៀនយ៉ាង
