យកការបំផុសគំនិតពីវប្បធម៌វៀតណាម បណ្តាអ្នករចនាម៉ូតយុវវ័យក្មេងបានផ្តល់គំហើញថ្មី ដែលបង្ហាញក្នុងម៉ូតសំលៀកបំពាក់និមួយៗ ពីព្រោះលក្ខណៈសិល្បៈក្នុងម៉ូតសំលៀកបំពាក់នេះ។ កម្រងម៉ូតសំលៀកបំពាក់ “ឫស្សី” ត្រូវអ្នករចនាម៉ូត ផាមគីមអាញ់  រចនាបណ្តាម៉ូតសំលៀកបំពាក់សំរាប់និទាឃរដូវឈានចូលដល់រដូវក្តៅ ២០១៦ ដោយការប្រើប្រាស់ថ្នេរកាត់ជាអតិបរមានិងសាមញ្ញលើក្រណាត់ ហើយបានផ្តល់ភាពទាក់ទាញនិងប្លែកៗ។

អ្នករចនាម៉ូត ផាមហុងលាន បានយកការបំផុសចិត្តពីសំលៀកបំពាក់ប្រពៃណីដូចជា៖ អាវចែកជា ៤ ផាយ និងអាវអៀមគួបផ្សំនឹងរចនាម៉ូតថ្មី បច្ចេកទេសប៉ាក់និងភ្ជាប់ប្រដាប់ធ្វើអង្កាំ ដែលបង្ហាញសោភ័ណ្ឌភាពបរិសុទ្ធនិងឆើតឆាយក្នុងគំរូរចនាម៉ូតនិមួយៗក្នុងកម្រងម៉ូតសម្លៀកបំពាក់“ផ្កាឈូក”។

រាត្រីបញ្ចប់ការសិក្សាផ្នែករចនាម៉ូតសំលៀកបំពាក់“I AM” ក្នុងទីស្ថាននៃការតាំងពិពណ៌របស់និស្សិតក៏មានវត្តមានរបស់អ្នកបង្ហាញម៉ូតជាមួយបណ្តាឈុតសម្តែងរាំដ៏ចាប់ចិត្ត រូបភាពមួយចំនួននូវការបង្ហាញបណ្តាកម្រងម៉ូតសំលៀកបំពាក់ក្នុងការតាំងពិពណ៌នៅពិធីបញ្ចប់ការសិក្សា

ទស្សនិកជនចាប់ចិត្តដោយភាពថ្មីនិងប្លែកៗនៃកម្រងម៉ូតសំលៀកបំពាក់ “ស្លាបរបស់អារក្ស Nephthys” របស់អ្នករចនាម៉ូតង្វៀនធីធូយយឿង។ បណ្តារឿងទេវកថា ទំនៀមទំលាប់ក្នុងវប្បធម៌អេហ្ស៊ីបបានរក្សាទុកក្នុងបណ្តាផ្នែករចនាដោយការប៉ាក់និងតភ្ជាប់ប្រដាប់ធ្វើអង្កាំយ៉ាងហ្មត់ចត់ ដែលជូនទស្សនិកជនត្រឡប់ទៅប្រទេស​អេហ្ស៊ីបបុរាណវិញ។

ចាប់ផ្តើមពីរឿងព្រេងនិទាន“ផ្កា narcissus” ក្នុងរឿងទេវកថាក្រិក អ្នករចនាម៉ូតង្វៀនភឿងអាញ់បានសាកល្បងបណ្តាក្បាច់រចនាបោះពុម្ភ រូបភាពប៉ាក់ ស្នាមជ្រៀកនិងថ្នេរបត់ផ្លាស់ប្តូរលើផ្ទៃក្រណាត់ ដើម្បីបង្ហាញដួងចិត្តស្មុគស្មាញនិងអាថ៌កំបាំងរបស់យុវជនម្នាក់បានស្លាប់ក្នុងដំណើរការស្វែងរកការឆ្លុះបញ្ចាំងខ្លូនក្នុងកម្រងម៉ូតសម្លៀកបំពាក់“ឆ្លុះបញ្ចាំង”។

អ្នករចនាម៉ូត Henriette Rakotoiniana គឺជាសិក្ខាកាមនៃវិទ្យាស្ថានរចនានិងម៉ូតសម្លៀកបំពាក់ London មកពីសាធារណរដ្ឋ Madagascar បានបង្ហាញកម្រងម៉ូតសម្លៀកបំពាក់“សម័យដើម”ត្រូវបានរចនាអំពីទិសដៅតភ្ជាប់ជាមួយខឿនវប្បធម៌ផ្សេងៗទៀតមកពីគ្រប់ទិស គ្រប់ទីកន្លែងលើពិភលោក ពីប៉េរូ  អាមេរិកខាងត្បូង អាមេរិកខាងជើង អាហ្វ្រិកខាងកើត មកដល់ភូមិភាគខាងជើងនៃប្រទេសវៀតណាម ដោយការប្រើប្រាស់បណ្តាពណ៌និងក្បាច់រចនារបស់កុលសម្ព័ន្ធជនជាតិ។

ទន្ទឹមនឹងនេះ បណ្តាកម្រងម៉ូតសម្លៀកបំពាក់បង្ហាញការអនុវត្តន៍ផង ហើយផ្តល់លក្ខណៈច្នៃប្រឌិតផង បណ្តាកម្រងម៉ូតសម្លៀកបំពាក់ដូចជា៖ “ទីក្រុងឌាអ៊ី” របស់អ្នករចនាម៉ូតដាវមិញភឿង “ទ្រុងឌា” របស់អ្នករចនាម៉ូតឡេមីលីញ “ដំណើរស្វែងរកស្នេហាពិត”របស់អ្នករចនាម៉ូតម៉ាយភឿងលីញ “ភូកហ៊ឹង”របស់អ្នករចនាម៉ូតង្វៀនធីលី “កឹមថាច់” របស់អ្នករចនាម៉ូត ងថាយហក់ “ថាញ់ឌា” របស់អ្នករចនាម៉ូតយៀមគ្វីញ “ប៊ុយ”របស់អ្នករចនាម៉ូតបាំងអាញ់ ក៏បង្កចំណាប់អារម្មណ៍ចំពោះក្រុមហ៊ុនផលិតម៉ូតសម្លៀកបំពាក់ក្នុងនិងក្រៅប្រទេស./