កាសែត Matichon បានរាយការណ៍ថា ព្រះរាជ​ដំណើរទស្សនកិច្ចនេះបានប្រព្រឹត្តទៅ​ក្នុងឱកាសរំលឹកខួប ៥០ឆ្នាំ ទិវាបង្កើតទំនាក់ទំនងការទូតរវាងថៃ និងវៀតណាម (១៩៧៦-២០២៦) ហើយបានសង្កត់ធ្ងន់លើគោលដៅនៃការពង្រឹង​ទំនាក់ទំនងរវាងប្រទេសទាំងពីរ​ក្នុង​នាម​ជា​ប្រទេសជិតខាងដ៏ជិតស្និទ្ធនិងរួសរាយរាក់ទាក់។

កាសែត The Nation បានផ្តោតលើ​អត្ថន័យនៃ​ព្រះរាជ​ដំណើរទស្សនកិច្ចក្នុងឱកាសខួបលើកទី៥០ទិវាបង្កើតទំនាក់ទំនងការទូតថៃ-វៀតណាម ដោយសង្កត់ធ្ងន់លើគោលដៅនៃការបន្ត​ពង្រឹង​ចំណង​មិត្តភាព និងកិច្ចសហប្រតិបត្តិការរវាងប្រទេសទាំងពីរ។

កាសែត Siam Rath បានសង្កត់ធ្ងន់លើគោលដៅនៃការពង្រឹងទំនាក់ទំនងដ៏​ល្អប្រសើរ​រវាងប្រទេសទាំងពីរក្នុងនាមជាប្រទេសជិតខាងដ៏​ជិតស្និទ្ធ។ យោងតាមកាសែតនេះ ព្រះរាជ​ដំណើរទស្សនកិច្ច​បានប្រព្រឹត្តទៅនៅក្នុងបរិបទដែល​ទំនាក់ទំនងថៃ-វៀតណាម ត្រូវបានរក្សានិងអភិវឌ្ឍក្នុងរយៈពេល ៥ ទសវត្សរ៍កន្លងមក។

ក្រៅពីកាសែតដែលបានរៀបរាប់ខាងលើ ប្រព័ន្ធផ្សព្វផ្សាយថៃជាច្រើនក៏បានផ្តោតលើការឆ្លុះបញ្ចាំងពីសកម្មភាពរបស់ព្រះមហាក្សត្រ និងព្រះអគ្គ​មហេសីនៅ​វៀតណាម ជាពិសេសកិច្ចប្រជុំជាមួយថ្នាក់ដឹកនាំជាន់ខ្ពស់វៀតណាម និងស​កម្មភាពដ៏មាន​អត្ថន័យអំពីប្រវត្តិសាស្ត្រ វប្បធម៌ និងសាសនា​នៅក្នុងក្របខ័ណ្ឌនៃព្រះរាជដំណើរទស្សនកិច្ច៕​