ព័ត៌មាន
ប្រធានរដ្ឋសភាលោក ត្រិន ថាញ់ មិន បញ្ចប់ដោយជោគជ័យនូវដំណើរទស្សនកិច្ចជាផ្លូវការនៅសហព័ន្ធរុស្ស៊ី
ជាមួយនឹងសកម្មភាពចំនួន ៣០ ក្នុងរយៈពេល ៣ ថ្ងៃ ដំណើរទស្សនកិច្ចជាផ្លូវការនៅសហព័ន្ធរុស្ស៊ីរបស់ប្រធានរដ្ឋសភាលោកត្រិន ថាញ់មិន និងគណៈប្រតិភូជាន់ខ្ពស់រដ្ឋសភាវៀតណាមបានទទួលជោគជ័យយ៉ាងត្រចះត្រចង់។ ប្រធានរដ្ឋសភាលោក ត្រិន ថាញ់ មិន បានចូលចួលសវនាការជាមួយប្រធានាធិបតីរុស្ស៊ីលោក Vladimir Putin; បានជួបពិភាក្សាជាមួយប្រធានឌូម៉ាជាតិ សភាសហព័ន្ធរុស្ស៊ី Vyacheslav Victorovich Volodin និងប្រធានក្រុមប្រឹក្សាសហព័ន្ធជាតិ រដ្ឋសភាសហព័ន្ធរុស្ស៊ី Valentina Ivanovna Matvienko។ ជាពិសេស ក្នុងដំណើរទស្សនកិច្ចលើកនេះ ភាគីទាំងពីរបានរៀបចំដោយជោគជ័យនូវសម័យប្រជុំលើកទី៣ នៃគណៈកម្មាធិការសហប្រតិបត្តិការអន្តរសភានៃរដ្ឋសភាវៀតណាម - សភាឌូម៉ាជាតិសហព័ន្ធរុស្ស៊ី ព្រមទាំងបានចេញសេចក្តីថ្លែងការណ៍រួមសម្រាប់ភាគីអនុវត្តន៍នាពេលខាងមុខ។
លោកប្រធានរដ្ឋសភាក៏បានទទួលជួបគណបក្សនយោបាយនៅសហព័ន្ធរុស្ស៊ី សមាគមមិត្តភាពរុស្ស៊ី-វៀតណាម និងសមាគមអតីតយុទ្ធជនរុស្ស៊ីធ្លាប់ប្រយុទ្ធនៅវៀតណាម; សាជីវកម្ម និងសហគ្រាសវៀតណាមធំៗនៅរុស្ស៊ី ព្រមទាំងសាជីវកម្ម និងសហគ្រាសនៃសហព័ន្ធរុស្ស៊ីដែលកំពុងវិនិយោគនិងធ្វើអាជីវកម្មនៅវៀតណាម; ជួបសំណេះសំណាលជាមួយកម្មាភិបាល បុគ្គលិកនៃស្ថានទូត និងសហគមន៍ជនវៀតណាមនៅសហព័ន្ធរុស្ស៊ី៕
