ទោះបីជាភូមិពីរផ្សេងគ្នា ប៉ុន្តែភូមិប៊ិចដាយ (Bich Dai) និងដុងវែ (Dong Ve) បែរជាមានទីសក្ការបូជារួមៗបុណ្យទាន និងបូជា ឌិញធៀនអិច (Dinh Thien Ich) ជាមេទ័ពម្នាក់នៅសម័យស្តេចហុងវឿង (Hung Vuong) ទី៦។ ឈុតសម្តែងសកម្មភាពប្រកបមុខរបរកសិកម្មក្របីចំបើង គោជញ្ជ្រាំង ជាសកម្មភាពវប្បធម៌ដើម្បីរំលឹកដល់លោក ជាអ្នកមានគុណបំណាចបង្រៀនអ្នកភូមិធ្វើស្រែស្រូវ។
តាមការតែងតាំងងាររបស់អ្នកភូមិ អធិរាជឌិញធៀនអិច (Dinh Thien Ich) ជាមេទ័ពដ៏ឆ្នើមម្នាក់។ ឆ្នាំលោកមាន៦២ឆ្នាំ លោកលាតំណែងចូលនិវត្តន៍ធ្វើដំណើរកម្សាន្តគ្រប់ទីកន្លែង។ ពេលធ្វើដំណើរមកដល់តំបន់នេះ ឃើញទេសភាពមនោរម្យ លោកមកទីនេះបង្កើតជាភូមិ បង្រៀនអ្នកភូមិធ្វើស្រូវ ចិញ្ចឹមសត្វ តម្បាញ និងបង្រៀនអក្សរ។ ពេលលោកបាត់បង់ជីវិតទៅ អ្នកភូមិតែងតាំងលើកលោកជាអធិរាជភូមិ។
កាលពីសម័យដើម ថ្ងៃបុណ្យ ប្រជាជនទាំងពីរភូមិ នៅឃុំដាយដុង (Dai Dong) គ្រួសារណាក៏មានគោក្របី បើមិនមានពួកគេសុទ្ធតែតាងក្លែងធ្វើជាក្របីចំបើងឬគោចញ្ច្រាំងមួយក្បាល យកចេញទៅកាន់ទីលានទីសក្ការបូជា។ សព្វថ្ងៃ ប្រជាជននៅក្នុងឃុំចែកចេញជាបីក្រុម ទៅតាមទីតាំងភូមិសាស្រ្ត ចូលមករួមប្រាស្រ័យក្នុងបុណ្យទាន។ ធម្មតាក្រុមនីមួយៗមានគោក្របីធ្វើដោយចំបើងជញ្ជ្រាំង ប្រហែល៧ក្បាល។
 ឈុតសម្តែងក្របីចំបើងគោជញ្ជ្រាំង នៅលើទីលានឃុំដាយដុង (Dai Dong) (ស្រុកវិញទឿង (Vinh Tuong) ខេត្តវិញភុក (Vinh Phuc)) នាថ្ងៃទី៤នៃបុណ្យចូលឆ្នាំវៀតណាមជារៀងរាល់ឆ្នាំ។  ពិធីបុណ្យភូមិ ជាបំណងប៉ងប្រាថ្នារបស់អ្នកភូមិ បួងសួងសុំបានរដូវអំណោយផល រយមុខរបរកាក់កប់។  អ្នកភូមិដាយដុង (Dai Dong) អនុវត្តពិធីសំណែនសែនបូជាអធិរាជភូមិក្នុងថ្ងៃបុណ្យទាន។  ក្របីចំបើងបានដឹកចេញទៅកាន់ទីលានទីសក្ការបូជារួម របស់ភូមិទាំងពីរ។  សម្លេងស្គររោទិ៍លន្លង់លន្លោច ក្នុងពិធីបុណ្យក្របីភ្ជួររាស់ នៅទីសក្ការបូជាដាយដុង(Dai Dong)។  ក្នុងថ្ងៃបុណ្យទាន អ្នកភូមិមានចិត្តត្រេកអររីករាយដឹកក្របីគោ ដែលធ្វើពីចំបើងជញ្ជ្រាំង ចេញទៅចូលរួមពិធីបុណ្យទានដើមនិទាឃរដូវ។  គោក្របីធ្វើអំពីចំបើងជញ្ជ្រាំងទងវែង ស្អាត ដែលបានបន្សល់ទុកពីរដូវប្រមូលផលមុនបុណ្យចូលឆ្នាំវៀតណាម។  ក្រោយស្នូរស្គរបុណ្យ ក្របីទាំងអស់ចាប់ផ្តើបសម្តែងល្បែងក្របីភ្ជួររាស់ នៅកណ្តាលទីលានទីសក្ការបូជា។  យុវជនតែងខ្លួនជាស្រ្តីភេទ បាចរាយអង្កាម តំណាងឲ្យរបៀបសាបព្រោះស្រូវ នៃមុខរបរកសិកម្ម។  កំលោះក្នុងភូមិរីករាយសប្បាយជាមួយតួអង្គជាក្របីភ្ជួររាស់ ក្នុងពិធីបុណ្យក្របីចំបើងគោជញ្ជ្រាំង។  ប្រជាជនទាំងពីរភូមិមកប្រជុំគ្នា នៅទីលានទីសក្ការបូជាក្នុងថ្ងៃបុណ្យនិទាឃរដូវ។  នាទីឈប់សម្រាកក្រោយពិធីក្របីភ្ជួររាស់ក្នុងថ្ងៃបុណ្យទាន។  កសិកររីករាយសប្បាយក្នុងថ្ងៃបុណ្យទានរបស់ភូមិ។ |
ដើម្បីបង្កើតបានជាសត្វគោក្របីខុសប្លែកពីធម្មតានេះ អ្នកភូមិត្រូវទុកចំបើង ជញ្រ្ជាំងល្អវែងៗ ពីរដូវប្រមូលផលមុននោះ។ ពួកគេចងចំបើងត្រង់ភាគកំណាត់មួយចំនួន ដើម្បីបង្កើតបានជារូបភាពគោក្របីដូចជា ស្នែង ឆ្អឹងខ្នង...។ល។ បន្តគឺចងបាច់ចំបើងធើ្វជាក្បាល ដោយឡែកដងខ្លួនគ្រប់ដណ្តប់ចំបើងឡើងពីលើគ្រោងឫស្សី រួចហើយក្រងធ្វើជាកន្ទុយ។ ដើម្បីសត្វគោក្របីមានភាពរស់រវើក អ្នកភូមិដាយដុង (Dai Dong) កាត់ស្រទបស្លាធ្វើជាត្រចៀកឲ្យក្របីចំបើងគោជញ្ជ្រាំង គូរភ្នែកសៀតផ្កា គឺសម្រេចបានក្របីមួយក្បាល សម្រាប់ចូលរួមថ្ងៃបុណ្យភូមិ។
ពិធីបង្ហាញមុខរបរដាយដុង (Dai Dong) ចាប់ផ្តើមក្រោយពីស្នូរស្គររោទិ៍មួយចប់។ បញ្ចប់សម្លេងស្គរ យុវជនក្នុងភូមិទូរក្របីចំបើងគោជញ្ជ្រាំងឡើងពីលើខ្លួន ចូលតួជាក្របីភ្ជួររាស់។ ក្របីនីមួយៗមានពាក់នឹម ចងន័ង្គល និងមនុស្សប្រុសម្នាក់ដឹក។ ក្រោមទងបុណ្យចម្រុះទៅដោយពណ៌សម្បុរគ្រប់ពណ៌ក្របីចំបើងគោជញ្ជ្រាំង ក៏សម្តែងឈុតរឿងក្របីភ្ជួររាស់ នៅនឹងទីលានទីសក្ការបូជា។ ពេលនោះ បុរសតែងខ្លួនជាស្រ្តីភេទ សម្ពាយកាផា បាចរាយអង្កាមក្លែងជារបៀបសាបព្រោះ ដកស្ទូង បង្កើតបានបរិយាកាសនៃថ្ងៃរដូវសកម្ម។ ក្រៅពីនេះ រឿងល្បែងក្លែងចូលតួអង្គជាអ្នកប្រកបមុខរបរចិញ្ចឹមជីវិត ដូចស្មេរអក្សរ កសិករ ជាងឈើ អ្នកលក់ទំនិញ...។ល។ ដោយអ្នកភូមិចូលតួអង្គ ក៏បានសម្តែងឡើងបន្តបន្ទាប់។
ឈុតសម្តែងរបស់អ្នកភូមិដាយដុង (Dai Dong) ជាមួយគោលបំណងសំខាន់ គឺឧទ្ទេសនាមមុខរបរយូរឆ្នាំនៅក្នុងតំបន់ ក្នុងនោះមុខរបរសំខាន់គឺធ្វើស្រូវ។ នេះក៏ជាបំណងប៉ងប្រាថ្នារបស់អ្នកភូមិ បួងសួងសុំបានរដូវអំណោយផល រយមុខរបរកាក់កប់ពេញឆ្នាំ៕
អត្ថបទ៖ វៀតកឿង រូបថត៖ ខាញ់ឡុង វៀតកឿន
