នាព្រឹកថ្ងៃទី៥ ខែកក្កដា នៅទីក្រុងហាណូយ លោកនាយឧត្តមសេនីយ៍ Phan Van Giang រដ្ឋមន្ត្រីក្រសួងការពារប្រទេសវៀតណាមបានទទួលជួបលោកនាយឧត្តម សេនីយ៍ Songwit Noonpackdee មេបញ្ជាការកងកំលាំងការពារជាតិថៃ ក្នុងឱកាសដែលលោកអញ្ជើញមកបំពេញទស្សនកិច្ចជាផ្លូវការនៅវៀតណាម។

 

លោកនាយឧត្តមសេនីយ៍ Phan Van Giang ទទួលជួបលោកនាយឧត្តមសេនីយ៍ Songwit Noonpackdee។ (រូបថត៖ VNA)

លោកនាយឧត្តមសេនីយ៍ Phan Van Giang បានអះអាងថា ក្រសួងការពារប្រទេសវៀតណាមគាំទ្រចំពោះកិច្ចសហប្រតិបត្តិការយ៉ាងទូលំទូលាយរវាងកងទ័ពនៃប្រទេសទាំងពីរ; មានបំណងថា ភាគីទាំងពីរនឹងពង្រឹងកិច្ចសហប្រតិបត្តិការឲ្យកាន់តែ មានប្រសិទ្ធភាព រួមចំណែកជាក់ស្តែងដល់ទំនាក់ទំនងដៃគូយុទ្ធសាស្ត្រលើគ្រប់ជ្រុង ជ្រោយរវាងវៀតណាម និងថៃ។ លោកនាយឧត្តមសេនីយ៍ Phan Van Giang បានស្នើ ឲ្យ កងទ័ពនៃប្រទេសទាំងពីរអនុវត្តន៍យ៉ាងសកម្មនូវសកម្មភាពនានា ដើម្បីបង្កើនការ យល់ដឹង និងការជឿទុកចិត្តគ្នាទៅវិញទៅមក ដោយផ្តោតលើការពិគ្រោះយោបល់ ការផ្លាស់ប្តូរយុទ្ធសាស្ត្រ និងការផ្លាស់ប្តូរគណៈប្រតិភូគ្រប់ជាន់ថ្នាក់។

រីឯខ្លួនវិញ លោកនាយឧត្តមសេនីយ៍ Songwit Noonpackde បានវាយតំលៃខ្ពស់ ចំពោះទំនាក់ទំនងសហប្រតិបត្តិការដ៏ល្អប្រសើររវាងប្រទេសទាំងពីរក្នុងវិស័យការពារជាតិនាពេលកន្លងមក តាមនោះបានអះអាងថា កិច្ចសហប្រតិបត្តិការលើវិស័យការពារ ជាតិគឺជាសសរស្តម្ភមួយនៃទំនាក់ទំនងដៃគូយុទ្ធសាស្ត្រគ្រប់ជ្រុងជ្រោយថៃ-វៀតណាម។ លោកនាយឧត្តមសេនីយ៍ Songwit Noonpackdee ជឿជាក់ថា ការកែទម្រង់ជាប្រវត្តិសាស្ត្រនៃគំរូអាជ្ញាធរមូលដ្ឋានពីរកម្រិតដែលកំពុងត្រូវបានអនុវត្តន៍នោះ នឹងជួយវៀតណាមបន្តសម្រេចបានសមិទ្ធិផលជាច្រើនទៀតនាពេលខាងមុខ៕

តាម​ VOV5 - វិទ្យុសម្លេងវៀតណាមo