ទិដ្ឋភាពនៃកិច្ចប្រជុំ (រូបថតៈ TTXVN)
នាយប់ថ្ងៃទី៨ ខែមិថុនា ឆ្នាំ២០១៩ នៅទីក្រុង Tsukuba ខេត្ត Ibaraki នៃប្រទេសជប៉ុន កិច្ចប្រជុំថ្នាក់រដ្ឋមន្រ្តីសេដ្ឋកិច្ច បច្ចេកទេសឌីជីថលនិងពាណិជ្ជកម្មនៃក្រុមសេដ្ឋកិច្ចឈានមុខនិងទើបលេចចេញរបស់ពិភព លោក (G20) បានចេញសេចក្តីថ្លែងការណ៍រួម ដោយឯក ភាពលើកិច្ចសហប្រតិបត្តិការស្តីពី “ការប្រើប្រាស់ប្រកបដោយការ ទទួលខុសត្រូវចំពោះបញ្ញាសិប្បនិម្មិត (AI)”។ នេះគឺជាលើកដំបូង ដែលក្រុមប្រទេស G20 បានព្រមព្រៀងគ្នាលើច្បាប់សម្រាប់ AI។
រដ្ឋមន្ដ្រីទាំងអស់ក៏បានយល់ស្របថា ក្រៅពីអត្ថប្រយោជន៍ដ៏អស្ចារ្យដែល AI នាំមកសម្រាប់សង្គម គឺចាំបាច់ត្រូវជៀសវាងហានិភ័យហើយត្រូវបញ្ជាក់ថា នឹងជំរុញចរាចរទិន្នន័យដោយសេរីនៅតាមព្រំប្រទល់ជាតិ។ ស្របពេលជាមួយគ្នានេះ ដោយផ្អែកលើសំណើរបស់ជប៉ុន ចង់បង្កើតនូវច្បាប់បញ្ជូនទិន្នន័យដែលក្នុងនោះទិន្នន័យត្រូវបាន “ចរាចរដោយសេរីនិងមានទំនុកចិត្ត”។
មុននេះ នាថ្ងៃទី ៨ ខែមិថុនា រដ្ឋមន្ត្រីក្រសួងហិរញ្ញវត្ថុនិងជាទេសាភិបាលធនាគារកណ្តាលនៃក្រុម (G20) នៅទីក្រុង Fukuoka នៃប្រទេសជប៉ុន បានយល់ព្រមលើចំណុច សំខាន់ក្នុងការបង្កើតប្រព័ន្ធសកលសំដៅវាយពន្ធលើក្រុមហ៊ុនអ៊ីនធឺណិតយក្ស ដូចជា Google ឬ Facebook ជាដើម។ ប៉ុន្តែ បណ្ដាប្រទេសនៅតែខ្វែងគំនិតក្នុងការប្រតិបត្តិច្បាប់នេះ៕
តាម VOV5 - វិទ្យុសំឡេងវៀតណាម
